ဇီဝ၊ဗီဇ၊ဉာဏ်ရည် နှင့် မှုခင်းစိတ်ပညာ

မှုခင်းစိတ်ပညာရပ်ဆိုတာကတော့ စိတ်ပညာဘာသာခွဲတစ်ခုဖြစ်ပြီး ဥပဒေသမားများအတွက် လက်တွေ့အသုံးချရတဲ့ ပညာရပ်တစ်ခုဖြစ်ပါတယ်။ မှုခင်းစိတ်ပညာ(Criminal Psychology) ဆိုတာကတော့ပြစ်မှုကျူးလွန်သူတွေနဲ့
ပြစ်မှုကျူးလွန်တဲ့အပြုအမူတွေကို သိပ္ပံနည်းကျ လေ့လာထားတဲ့ ဘာသာရပ်ဖြစ်ပါတယ်။ ပြစ်မှုကျူးလွန်သူတွေရဲ့ ကိုယ်ရည်ကိုယ်သွေးနဲ့ လူမှုဆက်ဆံရေးတွေကို လေ့လာပြီးမှုခင်းဖြစ်စေတဲ့အကြောင်းရင်းတွေကို စူးစမ်းလေ့လာဖော်ထုတ်ကြပါတယ်။ မှုခင်းစိတ်ပညာကတော့ လေ့လာတဲ့ အကြောင်းရင်းတွေ၊ တရားစီရင်မှု ဖြစ်စဉ်အတွက် နည်းလမ်းတွေ ပြစ်မှုကျူးလွန်သူတွေကို ခွဲခြားဖော်ထုတ်ရာမှာ ကူညီလေ့လာခဲ့ကြပါတယ်။

ဒီစာအုပ်လေး ဖတ်လိုက်ရင် မှုခင်းကျူးလွန်သူတွေရဲ့ ကိုယ်ရည်ကိုယ်သွေးတွေ၊ စိတ်နေသဘောထားတွေ၊ မျိုးရိုးဗီဇတွေ၊ ဉာဏ်ရည်အမျိုးစားတွေ စသဖြင့် အခြေခံအချက်တွေ နားလည်သိရှိနိုင်မှာပဲဖြစ်ပါတယ်။