မားကတ်တင်းဂုရု၏အမေးအဖြေများ

“Marketing ပညာ လေ့လာလိုက်စားသူတွေ၊ Marketing နယ်ပယ်နဲ့ ဆက်နွှယ်နေသူတွေ၊
Marketing နယ်ပယ်ထဲသို့ ဝင်လိုသူတွေ၊ Marketing Professional တွေ၊ ကျောင်းသားကျောင်းသူတွေ အားလုံးအတွက် ရည်ရွယ် ရေးသားထားတဲ့ စာအုပ်”

American Marketing Association က မဲပေးရွေးချယ်ခဲ့တဲ့ ဈေးကွက်ရှာဖွေခြင်း အတွေးအမြင်ကဏ္ကရဲ့ ကမ္ဘာ့ပထမဆုံးခေါင်းဆောင်တစ်ဦးဖြစ်သူ . . . ကမ္ဘာ့ကနဦးဆုံး ဈေးကွက်ရှာဖွေခြင်း လက်တွေ့အသုံးကျနည်းဗျူဟာကျွမ်းကျင်ပညာရှင်တွေထဲက တစ်ဦးလည်းဖြစ်သူ . . .“ဈေးကွက်ရှာဖွေခြင်းစီမံခန့်ခွဲမှု” စာအုပ်နဲ့ ဈေးကွက်မြှင့်တင်ခြင်းအပေါ် Kotler အမြင်” စာအုပ်တွေအပါအဝင် တစ်ကမ္ဘာလုံးအတိုင်းအတာနဲ့ လွှမ်းမိုးနိုင်စွမ်းရှိတဲ့ စာအုပ်အမြောက်အမြားကို ရေးသားခဲ့သူ . . .  အမေရိကန်လူမျိုး ဈေးကွက်ရှာဖွေခြင်းဆိုင်ရာ စာရေးဆရာ၊ အကြံပေး၊ ဂုဏ်ထူးဆောင်ပါမောက္ခ တစ်ဦးဖြစ်သူ မားကတ်တင်းဂုရုကြီး Philip Kotler ရဲ့ “Philip Kotler နှင့် Marketing : မားကတ်တင်းဂုရု၏ အမေးအဖြေများ” စာအုပ် ဖြစ်ပါတယ်။

လွန်ခဲ့တဲ့ ဆယ်စုနှစ် နှစ်ခုကျော်က ရေးသားခဲ့တဲ့ ယခုစာအုပ်မှာ လက်ရှိ မျက်မှောက်ကာလ ဈေးကွက်ရှာဖွေ ဖော်ဆောင်ရေးနယ်ပယ်အတွင်း ဖြစ်ပွားနေတဲ့ အပြောင်းအလဲတွေကို ထင်ဟပ်စေနိုင်မယ့် အချက်များစွာ ပါဝင်ပါတယ်။

မိမိကုမ္ပဏီ၊ လုပ်ငန်းနဲ့ ဈေးဆိုင်၊ Online အရောင်းအဝယ် . . . စသဖြင့် ဘယ်လို နယ်ပယ်ကဏ္ဍမှဖြစ်ပါစေ ယခုစာအုပ်က‌နေ မိမိတို့လိုချင်၊ လိုအပ်တဲ့ မေးခွန်းတွေရဲ့အဖြေကို တွေ့နိုင်ပါမယ်။

ကုမ္ပဏီကြီးတွေမှာ ဈေးကွက်ရှာဖွေဖော်ဆောင်ရေး၊ ကုန်အမှတ်တံဆိပ်တည်ဆောက်ရေး နယ်ပယ်အတွင်း လုပ်ကိုင်နေတဲ့ ပရော်ဖက်ရှင်နယ် ဝန်ထမ်းတွေ အနေနဲ့လည်း ဈေးကွက်ရှာဖွေခြင်းဆိုင်ရာကြုံတွေ့ရတဲ့ အခက်အခဲ၊ စိန်ခေါ်မှုတွေရဲ့အဖြေနဲ့ အကြောင်းရင်းတွေကို ယခုစာအုပ် ဖတ်ရှုခြင်းအားဖြင့် သုံးသပ်ဆင်ခြင် ပြင်ဆင်အသုံးချနိုင်မယ်လို့ ယုံကြည်ပါတယ်။
===
မားကတ်တင်းဂုရု၏ အမေးအဖြေများ” စာအုပ်မှာ Marketing ကို လေ့လာနေသူမှစ၍ လုပ်ငန်းရှင်၊ Professional၊ Online Seller နှင့် ဈေးကွက်ရှာဖွေခြင်းနဲ့ ဆက်နွယ်နေတဲ့ လူတိုင်းအတွက် အသုံးချနိုင်သော လက်တွေ့ဉာဏ်ပညာများကို တစ်နေရာတည်း တင်ပြထားတဲ့ အရေးပါဆုံးစာအုပ်တစ်အုပ်ပါ။ Marketing ကို သင်ကြားလိုသူ၊ လုပ်ငန်းတိုးချဲ့ချင်သူ၊ Strategy တည်ဆောက်ချင်သူတိုင်း မဖတ်မနေဖတ်သင့်တဲ့ စာအုပ်ဖြစ်ပါတယ်။