မအိမ်ကံ

မအိမ်ကံ အား ဝေဖန်သုံးသပ်မှု 8 ရှိပါသည်။

1. 

   Rated 0.1 out of 5

   Myo Myint Khing (verified owner) – September 13, 2022

   ” မအိမ်ကံ ” တဲ့…
   ဖတ်ပြီးတော့ သက်ပြင်းတွေချလိုက်ရတာ အခါခါ…
   မအိမ်ကံဟာ အနိုင်ယူ ခဲ့တာလား ၊ အရှုံးပေးခဲ့တာလား ….. ။
   ကျနော်တို့ လူ အဖွဲ့အစည်းမှာ ကိုယ်မပြောင်းလဲ
   နိုင်တဲ့ အရာ ကို အပြစ်တစ်ခုလို့ မြင်တာဟာ
   တကယ့်ကို မဖြစ်သင့်တဲ့ အရာပဲ ။
   ကျနော်တို့ဟာ ဘယ်မိဘက မွေးရမယ် ၊
   ချမ်းချမ်းသာသာ မွေးရမယ် ၊ ရုပ်လှလှလေး
   မွေးရမယ် စသဖြင့် စိတ်ကြိုက်ရွေးချယ်လို့မရဘူး ။
   ကိုယ့်ဘ၀နဲ့ ကိုယ် ၊ သူ့ဘ၀ နဲ့ သူ လာတာ ။
   ဒီလို ကိုယ်ပြောင်းလဲ လို့မရတဲ့ အရာကို
   ပြစ်ချက် တစ်ခုအဖြစ် မြင်လို့မရဘူး ။
   အဲ့တာကို ပြစ်ချက်တစ်ခု လို မြင်တဲ့ သူဟာ
   လူဖြစ်ပြီး လူလို မသိ ၊ လူကျင့်၀တ်မရှိတဲ့ သူပဲ ။
   ဒါပေမဲ့ အဲ့ဒီလို မြင်တဲ့ သူဟာ တစ်ယောက်တည်း
   မဟုတ်ဘဲ လူအဖွဲ့စည်း တစ်ခုလုံး ဖြစ်နေခဲ့ရင်
   ကျနော်တို့ ဘာတတ်နိုင်မလဲ ။ အဲ့တာကို
   အရွဲ့တိုက်ရမှာလား ၊ ဘာသိဘာသာ နေသွား
   ရမှာလား ။
   ကျနော်တို့ မြန်မာလူမျိုးတွေမှာလဲ ဒီလို ဓလေ့
   ထုံးတမ်းတွေရှိတယ် ။ မှန်တယ် ၊ မှားတယ်
   မစဉ်းစားတော့ဘူး ။ အရင်ကလုပ်ခဲ့တယ်
   ဆိုတာနဲ့ မျက်လုံးမှိတ်ပြီး လိုက်လုပ်ကြ တာပဲ ။
   ကျေးလတ် ဒေသက တစ်ချို့လူကြီး
   ဆိုတဲ့သူ တွေ ပိုဆိုးတယ် ။
   ” ဓလေ့ထုံးတမ်းဆိုတာ မှန်မှန် ၊ မှားမှား
   အများသဘောတူရင် ဖြစ်စတမ်း ” ။
   မအိမ်ကံဟာလဲ သူနဲ့ ဘာမှ မဆိုင်တဲ့အရာ
   တစ်ခုအတွက်နဲ့ သူတစ်ဘ၀လုံး စွဲလမ်းခဲ့ရတဲ့
   အရာကို လက်လွှတ်ခဲ့ရသူတစ်ယောက် ။
   မအိမ်ကံဟာ ချောတယ် ၊လှတယ် ၊ ချမ်းသာတယ် ၊
   အကျင့် စာရိတ္တ ကောင်းတယ် ။ လူချစ်၊လူခင်‌
   ပေါ‌တယ် ။ မအိမ်ကံရဲ့ ဘ၀ ဟာ အပေါ်ယံ
   ကြည့်ရင် မိန်းကလေးတိုင်း အားကျ စရာ ဘ၀မျိုး ။
   ဒါပေမဲ့…
   မအိမ်ကံမှာ ငယ်ငယ်ထဲ ရူးသွပ် ခဲ့ရတဲ့
   အရာတစ်ခုရှိတယ် ။ မအိမ်ကံ အတွက်တော့
   ထိုအရာက သူ့ ဘ၀မှာ အရေးကြီးဆုံး ။
   ထုံးစံအတိုင်းပဲ လောကကြီးက ဘ၀နဲ့ ရင်းပြီး
   ရူးသွပ်ရတဲ့အရာဆိုရင် ဆိုလွယ်လွယ်နဲ့ မပေးဘူး ။
   လွယ်လွယ်နဲ့ မရရင်‌ ခက်ခက်ခဲခဲ ကြိုးစားပြီ
   ယူရင်တော့ ရမှာပေါ့။ အဲ့ဒီလိုဆိုရင်
   ဆိုရင် တရားပါ သေးတယ် ။
   ဒီလိုမှ မဟုတ်ပဲလောကကြီးက
   ” မင်း ဖြစ်နေလို့ကို ဒါကို မပေးတာ ”
   ဆိုရင် ဘာတတ်နိုင်မလဲ ။
   မအိမ်ကံ ဟာ ဒီလိုမတရားခံခဲ့ရတဲ့
   သူတွေထဲက တစ်ယောက် ။
   မအိမ်ကံ ရခဲ့တဲ့ စိတ်ချမ်းသာမှုတွေဟာ
   သူရခဲ့တဲ့ စိတ်ဆင်းရဲ မှုတွေနဲ့ ယှဉ်လိုက်
   ရင် ဘာမှ မဟုတ်တော့ဘူး ။ အင်္ဂလိပ် ခေတ်၊
   ဂျပန် ခေတ် ၊ လွတ်လပ်ရေး ရပြီးခေတ်တွေမှာ
   ကျေးတောသူ မအိမ်ကံတစ်ယောက်
   လောကကြီးနဲ့ ဘယ်လို ဖတ်ပြိုင်
   ခဲ့ရသလဲ ဆိုတာတွေကို နင့်နင့်နဲ နဲ ဖတ်ရမှာပါ ။
   မိန်းကလေးတွေဆိုရင် ပိုပြီး ဖတ်သင့်ပါတယ် ။
   ဆရာမခင်ခင်ထူး ကိုယ်တိုင်ကလဲ ဒီစာအုပ်ကို ရေး
   တာ ရှေးခေတ် မြန်မာ့အမျိုးသမီး တို့ရဲ့ ကိုယ့်ကျင့်
   တရားနဲ့ အကျင့်စာရိတ္တ တို့ကို သိရှိစေချင် ၊
   မြတ်နိုးတန်ဖိုးထားစေချင်လို့ လို့ ပြောထားပါတယ် ။
   နောက်ဆုံး
   “မအိမ်ကံဟာ အနိုင်ယူခဲ့တာလား
   ဒါမှ မဟုတ် အရှုံး ပေးခဲ့တာလား ”
   သေချာတာကတော့ နှစ်ခုလုံး အတိအကျ
   မဟုတ်ဘူး။ အနိုင် ယူခဲ့တယ်ဆိုရင်လည်း အရှုံး
   နည်းနည်း ပါသလို ၊ အရှုံးပေးခဲ့ တာဆိုရင်လဲ တစ်နည်းအားဖြင့် အနိုင် ယူခဲ့တာပဲ ။
   #မအိမ်ကံ
   #ခင်ခင်ထူး

2. 

   Rated 5 out of 5

   Zay Yar Tun – February 8, 2023

   ဘဝမှာ ဝတ္ထုရယ်လို့ ကျကျနနမဖတ်ခဲ့တဲ့ ကျွန်တော်။ ဆဌမအကြိမ်ထွက်လာတဲ့ စာရွက် ၅၈၁ မျက်နှ၊ အခန်းရယ် ၃၆ ခန်းပါလေသော မအိမ်ကံ ဝတ္ထုကြီး ၄ ရက်နဲ့ပြီးခဲ့ရပေါ့။

   အများကြီးမညွှန်းလိုတော့၊ ညွှန်းရလောက်အောင်ထိကို ဘယ်လိုတောင်ပြောပြရမယ်မသိ။ ကောင်းလွန်းတယ်ဆိုတဲ့စကားထက်ပိုကောင်းတဲ့စကားရှိသေးရင် ပြောချင်ပါရဲ့။

   ကျွန်တော့်ဘဝမှာ ဒီဝတ္ထုကိုဖတ်ပြီး gender အရ မအိမ်ကံလိုမိန်းကလေးမဟုတ်သော်ငြား အတူယူစရာတွေများလှပါ၏။ စကားစုတစ်ခုစီတိုင်းကို အလေးနက်ထားရေးသားခဲ့ပါသော ဆရာမ ခင်ခင်ထူးကိုလည်း အလွန်ပင် ကျေးဇူးတင်မိပြီး၊ နောင်များ ရေစက်ရှိခဲ့ရင် မအိမ်ကံလိုလူနှင့် ဆုံချင်ပါသေးရဲ့…

3. 

   Rated 5 out of 5

   Zay Yar Tun – February 8, 2023

   ဘဝမှာ ဝတ္ထုရယ်လို့ ကျကျနနမဖတ်ခဲ့တဲ့ ကျွန်တော်။ ဆဌမအကြိမ်ထွက်လာတဲ့ စာရွက် ၅၈၁ မျက်နှာ၊ အခန်းရယ် ၃၆ ခန်းပါလေသော မအိမ်ကံ ဝတ္ထုကြီး ၄ ရက်နဲ့ပြီးခဲ့ရပေါ့။

   အများကြီးမညွှန်းလိုတော့၊ ညွှန်းရလောက်အောင်ထိကို ဘယ်လိုတောင်ပြောပြရမယ်မသိ။ ကောင်းလွန်းတယ်ဆိုတဲ့စကားထက်ပိုကောင်းတဲ့စကားရှိသေးရင် ပြောချင်ပါရဲ့။

   ကျွန်တော့်ဘဝမှာ ဒီဝတ္ထုကိုဖတ်ပြီး gender အရ မအိမ်ကံလိုမိန်းကလေးမဟုတ်သော်ငြား အတူယူစရာတွေများလှပါ၏။ စကားစုတစ်ခုစီတိုင်းကို အလေးနက်ထားရေးသားခဲ့ပါသော ဆရာမ ခင်ခင်ထူးကိုလည်း အလွန်ပင် ကျေးဇူးတင်မိပြီး၊ နောင်များ ရေစက်ရှိခဲ့ရင် မအိမ်ကံလိုလူနှင့် ဆုံချင်ပါသေးရဲ့…