မဲ့

( 1 မှတ်ချက်)

3000 (ကျပ်)

အိမ်နီးနားခြင်းနိုင်ငံအသီးသီးက အကျဉ်းထောင်အသီးသီးကို ရောက်ရှိနေတဲ့ မိဝေးဖဝေး ၊ မိသားစုဝေး အကျဉ်းသားတွေဆီက စာလေးတွေကို အကျိုးဆောင်ပို့ဆောင်ပေးနေတဲ့ ယုဇန။
သူကိုယ်တိုင်ကလည်း မိဘမဲ့ တစ်ယောက်ဖြစ်ခဲ့ပြီး မိသားစုနဲ့ ဝေးနေရသူများကို ရင်နှင့်အမျှ ခံစားကာ ကူညီဆောင်ရွက်ပေးနေရသူပါ။
စာတစ်စောင်အတွက် တောင်တွေပေါ်လည်း တက်ခဲ့တယ်။ တောတွေထဲလည်း သွားခဲ့တယ်။ သေချာတာကတော့ ဝေးရသူတွေကို နီးစေချင်ခဲ့တယ်။
ခရီးတွေသွားရင်၊ ကျေးလက်ဒေသတွေဆီရောက်ရင်း ယုဇနသိလိုက်ရတာကတော့ ပြည်တွင်းမှာ လူငယ် လူရွယ်တွေ မရှိသလောက်နည်းပါးနေပါပြီ။ တရားဝင်ရော တရားမဝင်ပါ လုပ်အားတွေ ပြည်ပကို စီးဆင်းခဲ့ပါပြီ။ တချို့ကတော့ မျှော်လင့်ချက်ကြီး တစ်ခွဲသားနဲ့သွားခဲ့ပေမယ့် ရလာဒ်ကတော့ အကျဉ်းသားဘဝပါပဲ။
ယုဇနတို့အဖွဲ့လေးကတော့ ပြည်ပက မြန်မာ အကျဉ်းသားတွေအတွက် စာတမာန်တော်အဖွဲ့ဆိုရင်လည်း မမှားပါဘူး။
ဆရာမယုယရဲ့ မဲ့စာအုပ်လေးဟာ စာမျက်နှာ ၂၀၀ တောင်မပြည့်တဲ့ စာအုပ်မထူ မပါးလေးပါ။ ဒါပေမယ့် စာဖတ်သူများအတွက်ကတော့ ဇာတ်လမ်းပေါင်းများစွာတို့ကို တစ်နေရာတည်းမှာ ဖတ်ခွင့်ရပါလိမ့်မယ်။ ဇာတ်ပေါင်းများစွာရဲ့ တူညီတဲ့ ဦးတည်ချက်ကတော့ တစ်ခုတည်းပါပဲ။
“ဝမ်းနည်းကြေကွဲခြင်း”

စာမျက်နှာ

149

စာအုပ်အရွယ်အစား

5.6 x 0.4 x 8.2 inches

ပုံနှိပ်မှတ်တမ်း

ငါတို့စာပေ၊ 2020 ဇူလိုင်လ၊ (ပ-အကြိမ်)

2 in stock

မဲ့ အား ဝေဖန်သုံးသပ်မှု 1 ရှိပါသည်။

  1. Wuthmone Phyu

    မဲ့
    ယုယ

    ကျွန်မအလွန်နှစ်သက်တဲ့ စာရေးဆရာကြီး ဆရာမင်းလူရဲ့ သမီး ဆရာမ “ယုယ ” ရေးတဲ့ လုံးချင်းဝတ္ထုလေးတစ်ပုဒ်ပါ ။ဦးသာဓု မျိုးဆက် ဦးသုမောင်မျိုးဆက်ဆိုတော့လည်း အရည်အသွေးက ဘယ်ခပ်သေးသေး ဟုတ်ပ့ါမလဲ ..နော့ ။အရေးအသားလည်းကောင်း သလို ဒီဖက်ခေတ်ရဲ့ သဘောသဘာဝ အခြေအနေ လေးတွေကိုပါထင်ဟပ်အောင် ရေးသွားနိုင်စွမ်းရှိပါတယ်။

    ဒီစာအုပ်ဖတ်ပြီးတော့လေ ..အရင်က ခံယူထားတဲ့ ခံယူချက်တစ်ခုက ပိုခိုင်မာသွားတယ်။လောကကြီးမှာ ဘာ..မှ မရှိရင်နေပါစေ “မေတ္တာတရား ” ကတော့ ရှိဖို့ လိုကို လိုအပ်တယ်။မရှိရင်လည်း ရှိအောင် အမြဲကြိုးစားနေရမယ်။ ဘယ်သူ့ဖို့ ဘယ်ဝါ့ဖို့ ဆိုတာတွေထက် အရင်ဦးဆုံး ကိုယ်အေးချမ်းဖို့ ၊ ကိုယ်ငြိမ်းချမ်းဖို့ အတွက်ပါ။အဲ့ဒါလေးကို လက်ကိုင်ထားဖို့အမြဲကြိုးစားနေတုန်းမှာ ဒီစာအုပ်ထဲက မိဘမဲ့ ဆွေမျိုးမဲ့ ဘာမှမပြည့်စုံပေမယ့် မေတ္တာတရားမမဲ့လေတဲ့ “ယုဇန” ဆိုတဲ့ ကလေးမလေးတယောက်အကြောင်းဖတ်လိုက်ရတော့ အဲ့ဒီခံယူချက်ကလေးကို ပိုခိုင်မာအောင်ကြိုးစားချင်စိတ်ပေါက်သွားပါတယ်။

    ဇာတ်လမ်းပုံစံလေးကအရမ်းလှပါတယ်။အလျဉ်းသင့်သလို အစားအသောက်တွေအကြောင်းကိုလည်း စားချင်စရာဖြစ်အောင်ရေးထားတာလည်း သဘောကျစရာပါ။။

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

ယုယ စာအုပ်များ