မသွားရရင် သေနိုင်တယ်

( 2 မှတ်ချက်)

7500 (ကျပ်)

“မသွားရရင် သေနိုင်တယ်” စာအုပ်ခေါင်းစဉ်က ပြင်းပြတဲ့ဆန္ဒတစ်ခုကို ဖော်ညွှန်းထားတယ်။
မစားရရင် သေနိုင်တယ်၊ မလုပ်ရရင် သေနိုင်တယ်၊ မမြင်ရရင် သေနိုင်တယ်…. စားကို စားလိုက်ရမှ၊ လုပ်ကို လုပ်လိုက်ရမှ၊ သွားကို သွားလိုက်ရမှ … ဒါတွေဟာ ထက်သန်တဲ့စိတ်ဓာတ်တစ်ခု၊ ပြင်းပြတဲ့ဆန္ဒတစ်ခုဖြစ်တယ်။

ခုလည်း မသွားရရင် သေနိုင်တယ်တဲ့…
ဘယ်ကို မသွားရရင်လဲ..
စက်ဘီးတစ်စီးနဲ့ ကမ္ဘာတစ်ပတ် မပတ်ရရင် ..

စက်ဘီးတစ်စီးနဲ့ ကမ္ဘာတစ်ပတ် မပတ်ရရင် သေသွားနိုင်တယ်။ ဒါကြောင့် သွားကို သွားမယ်။
ပြင်းပြတဲ့ဆန္ဒရဲ့နောက်မှာ လုပ်ဆောင်ချက်တွေက ပါလာတယ်။ လုပ်ဆောင်ချက်ရဲ့နောက်မှာ တွေဝေမှု၊ ကြောက်ရွံ့မှု၊ မိမိကိုယ်ကိုမယုံကြည်မှု.. တွေ ကပ်ပါလာတယ်။ ဖြစ်ပါ့မလားလို့ ကိုယ့်ကိုယ်ကိုယ် သံသယဝင်လာတာမျိုး ရှိတတ်တယ်။ တွန့်ဆုတ်ရင်း ရှေ့တိုးကြည့်တော့ ကိုယ်ထင်သလို ခက်ခဲမနေတာကို တွေ့ရသလို ပျော်စရာတွေနဲ့လည်း ကြုံရတယ်။ ပြင်းပြတဲ့ဆန္ဒကို ဇွဲလုံ့လနဲ့ပေါင်းတော့ နောက်ဆုံးမှာ ပန်းတိုင်ကို အရောက်သွားလိုက်နိုင်တယ်။

လူတစ်ယောက်၊ စက်ဘီးတစ်စီး
အချိန် (၇) နှစ်ခွဲ၊
တိုက်ကြီး (၅) တိုက်၊
နိုင်ငံ (၈၇) နိုင်ငံ၊
ခရီးမိုင်ပေါင်း ၅ သောင်း ၈ ထောင်ကျော်
ကမ္ဘာတစ်ပတ်

စာမျက်နှာ

264

စာအုပ်အရွယ်အစား

5.5× 0.3×8.1 inches

ပုံနှိပ်မှတ်တမ်း

စာရိပ်မြိုင်စာပေ 2023ဧပြီလ (ပထမအကြိမ်)

18 in stock

မသွားရရင် သေနိုင်တယ် အား ဝေဖန်သုံးသပ်မှု 2 ရှိပါသည်။

  1. Myo Min Htet

    ဒီစာအုပ်ထဲက လူဟာ စက်ဘီးတစ်စီးနဲ့ ကမ္ဘာပတ်ဖို့ စိတ်ကူးကို စာရေးဆရာ Jules Verne ရဲ့ “Around the World in Eighty Days ” ဝတ္ထုကြောင့် ရခဲ့တာဆိုရင် အကယ်၍များ တစ်နေ့ ကျွန်တော် ကမ္ဘာပတ်ဖြစ်ရင် ဒီစိတ်ကူးကို “မသွားရရင်သေနိုင်တယ်” ဆိုတဲ့ ဒီစာအုပ်ကနေရတာဖြစ်မယ် ။

  2. Aeri Myat

    “လူ တစ်ယောက် စက်ဘီး တစ်စီး
    အချိန်(၇)နှစ်ခွဲ တိုက်ကြီး(၅)တိုက်၊ (၈၇)နိုင်ငံ၊ ခရီးမိုင်ပေါင်း ၅သောင်း ၈ထောင်ကျော် ကမ္ဘာတစ်ပတ်”

    ဒီစာအုပ်ထဲက “Yusuke Ishida” ဆိုသူကတော့ သူဖြစ်ချင်တဲ့ အရာကို တကယ်ဖြစ်အောင် လုပ်ပြသွားတာပါပဲ။ စိတ်ဆန္ဒ ပြင်းပြလွန်းရင် ဘယ်အရာကိုမဆို လက်တွေ့ အောင်မြင်အောင် စွမ်းဆောင်နိုင်တယ် ဆိုတဲ့ အသိလေးကို ခံစားလိုက်ရပါတယ်။

    သူ့ရဲ့ ရည်ရွယ်ချက်က ကမ္ဘာတစ်ပတ် ပတ်မယ်၊ ကမ္ဘာ့နံပါတ်တစ်ဆိုတဲ့ အရာတွေကို ရှာဖွေမယ်ပေါ့…။

    ကမ္ဘာ့နံပါတ်တစ်လို့ ဆိုလိုက်ရင် အထင်ကရ နာမည်ကြီးတဲ့ နေရာမျိုးတွေ
    ကို ရှာဖွေချင်တာရယ်လို့ အစပိုင်းက ကျွန်မ ထင်ခဲ့မိတယ်။
    တကယ်တမ်းကျ “သူ့မျက်စိနဲ့ တပ်အပ်မြင်ပြီး သတ်မှတ်ဆုံးဖြတ်မယ်”ဆိုတဲ့
    စိတ်ကူးက တကယ်ကို ထူးခြားတဲ့အပြင်
    လွတ်လပ်တဲ့စိတ်ကိုပါ ခံစားမိစေပါတယ်။

    စက်ဘီးနဲ့ ကမ္ဘာပတ်မယ်ဆိုတာ တော်တော်တော့ မလွယ်တဲ့ ကိစ္စတစ်ခုပါ။
    ဒီခရီးကို “Yusuke” အဓိပ္ပါယ်ဖွင့်ဆိုထားတာလေးလည်း သဘောကျမိတယ်။
    “ယဥ်ကျေးမှူ ဖွံ့ဖြိုးတိုးတက်မှုကြောင့် တဖြည်းဖြည်း ပျောက်ကွယ်နေပြီဖြစ်တဲ့ စွန့်စားမှု ၊ ပျော်ရွှင်ခြင်းကို ပြန်ရှာဖို့အတွက် ခရီးစဥ်တဲ့….။”

    စက်ဘီးနဲ့ ခရီးသွားရင်း မိတ်ဆွေကောင်းတွေလည်း ရလာတယ်၊လူမျိုးစုံနဲ့ ကြုံတွေ့ရတာတွေ ရှိတယ်၊ သဲကန္တာရထဲ
    ပါသမျှ ငွေတွေရော၊ပစ္စည်းတွေအားလုံးနီးပါး ဓါးပြတိုက်ခံရတာမျိုးလည်းရှိသလို လူသားချင်းစာနာပြီး သူတို့
    အိမ်ဝိုင်းထဲ ရွက်ဖျင်တဲ ပေးထိုးပြီး
    အစားအသောက်ပါ ကျွေးတတ်တဲ့
    မိတ်ဆွေကောင်းတွေလည်း ဆုံတွေ့ခွင့်ရတယ်။အခက်အခဲတွေကတော့ အများကြီး ကြုံရပေမဲ့လည်း မလျော့သောဇွဲကြောင့် “Yusuke” တစ်ယောက် ကျေနပ်ဝမ်းမြောက်မှုကို ခံစားရမယ်ဆိုတာ အသေအချာပါပဲ။

    ယူကွန်မြစ်ထဲမှာ ရွက်လွှင့်ရင်း
    ဆဲလ်မွန်ငါး၊ကောဒ့်ငါးတွေ လတ်လတ်ဆတ်ဆတ် ချက်စားကြတာမျိုး၊ညဘက်ကောင်းကင်ယံမှာ ဥတ္တရအလင်းတန်းတွေ လက်ဖြာနေတဲ့ မြင်ကွင်းကို အဆီးအတားမရှိ ကြည့်ခွင့်ရတာမျိုးတွေကြောင့်လည်း ဖတ်ရတာ အားရကျေနပ်မိတဲ့ ခံစားချက်တွေ ရစေပါသေးတယ်။

    ခရီးသွားစာပေ အမျိုးအစား ဖတ်ရတာကြိုက်သူမို့ ကျွန်မအတွက်တော့ နှစ်သက်အားရဖွယ် စာအုပ်တစ်အုပ်လို့ ဆိုချင်ပါတယ်။ဒီစာအုပ်ထဲမှာ ပါတဲ့
    အထင်ကရနေရာတွေရယ်၊ ကမ္ဘာ့နံပါတ်၁လို့ “Yusuke” ယူဆတဲ့ အရာတွေရယ်ကို လက်လှမ်းမှီသလောက် ရှာကြည့်ဖြစ်ပါတယ်။ဗဟုသုတလည်း ရစေသလို၊ ကိုယ်မရောက်ဖူးတဲ့ နေရာအသစ်တွေဆီ စိတ်ကူးနဲ့ မှန်းဆရင်း ဖတ်ရတာ
    အရမ်းမိုက်ပါတယ်။

    ဘာသာပြန်ဆိုပေးသူ ဆရာမနိုင်းနိုင်း
    စနေကိုလည်း ကျေးဇူးတင်ပါတယ်❤️

    ခရီးသွားစာပေ သဘောကျနှစ်သက်သူများအတွက်လည်း ဖတ်ကြည့်ဖို့ ညွှန်းဆိုချင်ပါတယ်နော်။

    #မသွားရရင်သေနိုင်တယ်
    #နိုင်းနိုင်းစနေ
    #စာရိပ်မြိုင်စာပေ
    #reviewby하은
    #Oct242023

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

နိုင်းနိုင်းစနေ စာအုပ်များ