လူငယ်များသို့…

◇တကယ်တော့ အသက် နှစ်တွေ တိုးလာခြင်းနှင့်အတူ အတွေ့အကြုံတွေ ကြွယ်၀လာကာ မှန်ကန်သော အတွေးအမြင်တွေ ကျယ်ပြန့်လာရမှာဖြစ်သည်။ ကိုယ့်အမှားတွေကို ပြင်ရဲကာ လူငယ်တွေအား နမူနာကောင်းတွေ ပြရမှာဖြစ်သည်။ တိုင်းပြည်၏ သယံဇာတ အရင်းအမြစ်တွေ၊ ဘဏ္ဍာတွေမှ ထင်သလို ကိုယ်ကျိုးရှာရင်း တိုင်းပြည်ကိုချစ်ကြဟု အော်နေကြရမှာ မဟုတ်ပေ။
အမှာစာ မှ

◇ကျောင်းသင်ပညာသည် ဘ၀အတွက် အခြေခံမျှသာ ဖြစ်သည်။ (ဘ၀၏ အခြေခံဖြစ်၍ ကျောင်းနေပြီး​ ကျောင်းကပေးသော ပညာကိုတော့လည်း သင်ယူကြရပါသေး၏။ ) တကယ်တမ်း ဘ၀၏ ဘ၀၏ အောင်မြင်မှုကိုရအောင် ယူပေးနိုင်သည်မှည လုံ့လ ဝီရိယ၊ ဉာဏ်ရည်ဉာဏ်စွမ်း၊ သဘောထား စိတ်ဓာတ်၊ တီထွင် ကြံဆမှု အစရှိသော အခြားအရာများ ဖြစ်ပါသည်။ အောင်မြင်မှု ရစေနိုင်သော ထိုအရာတွေကို ကိုယ် လုပ်သည့် အလုပ်ထဲမှာ ထည့်ပေနိုင်တာချင်းတူလျှင် ကိုယ်လုပ်သည့် အလုပ်က ကိုယ် ဝါသနာပါသည့် အလုပ်ဖြစ်နေက ပို၍ အောင်မြင်ဖို့ရှိပါသည်။
လူငယ်နှင့် ဝါသနာမှ

◇လူငယ်နှင့် နိုင်ငံ၏ အနာဂတ်ရော၊ လူငယ်နှင့် ၎င်းတို့၏အနာဂတ်တို့ပါ အရေးကြီးသည်။ ထို့အတွက် လူငယ်တွေကို ပျိုးထောင်ပေးမည့် လူကြီးများကလည်း အရေးကြီး၍ လူငယ်များ ကိုယ်တိုင်၏ အားထုတ်မှုကလည်း အရေးကြီးပါသည်။ လူကြီးများကလည်း လူငယ်များကို မှန်ကန်စွာ ပျိုးထောင်ပေးကြ၊ လူငယ်များကလည်း ကိုယ့်ကိုယ်ကိုယ် တိုးတက်အောင် အမြဲတမ်း ကြိုးစားနေကြမှသာလျှင် နိုင်ငံ၏ အနာဂတ်အတွက်လည်း အားထားစရာဖြစ်ပြီး လူငယ်များ၏ အနာဂတ်ကလည်း သာယာလှပလာမည်ဖြစ်ပါသည်။
လူငယ်နှင့် အနာဂတ်မှ