လူငယ်လမ်းညွှန်စာစုများ-၁

ရိုးစင်တဲ့အကြောင်းပြချက်ကိုယ်စီနဲ့ ရိုးသားဖြူစင်လျက်ရှိကြတဲ့ ကျောင်းနေအရွယ် ညီငယ် ၊ညီငယ်လေးတွေနဲ့ လုပ်ငန်းခွင်ဝင်စ လူငယ်တွေအတွက် အထူးရည်ရွယ်ပြီး ရေးသားထားပါတယ်။ စာဖတ်ခြင်းကနေရရှိခဲ့တဲ့ အသိသုတတွေ ၊ လက်တွေ့ဘ၀ထဲက ကိုယ်တွေ့ အတွေ့အကြုံတွေ ၊ ကိုယ်တိုင် အသုံးချနိုင်ခဲ့ပြီး များစွာအသုံးကျခဲ့တဲ့ အတွေးအမြင်တွေကို ပြန်လည်မျှဝေရေးသားပေးထားခြင်းလည်းဖြစ်ပါတယ်။ သူငယ်ချင်း အချင်းချင်း ရင်းနှီးချစ်ခင်စွာ တိုက်တွန်းပြောကြားနိုင်တဲ့ စကားစု၊ စာစုတွေ ဖြစ်တာကြောင့်လည်း မင်း ၊ ငါ ဆိုတဲ့နာမ်စားတွေကို သုံးနှုန်းလိုက်ရပါတယ်။ ဒီစာအုပ်လေးကို ဖတ်ရှုပြီးတဲ့ လူငယ်တွေအနေနဲ့ ဘ၀အတွက်အရေးကြီးတဲ့အသုံးချစရာတွေကို လိုရင်းတိုရှင်း သိမြင်သွားမယ် လေးနက်ရင့်ကျက်တဲ့ အသိတရားတွေကိုလည်း ဆင့်ပွားတွေးတော ယူသွားနိုင်မယ် စာဖတ်ခြင်းရဲ့ အရသာထူးကိုလည်း ပိုမိုခံစားနားလည်နိုင်သွားမယ်လို့ အာမခံပါတယ်…။