လာရာ

လာရာ (Lara) သည် ဒေါက်တာဇီဗားဂိုး (Dr. Zhivago) ဖန်ဆင်းရှင် ဘိုးရစ်ပါစတာနက် (Boris Pastanak) ၏ တကယ့်ဘဝဖြစ်စဉ်ကို မြေးမကလေး အင်နာပါစတာနက် (Anna Pastanak) က လက်တဆုံးနှိုက်၍ ရေးထားသည့် ဝတ္ထုဟန် အတ္ထုပ္ပတ္တိ ဖြစ်သည်။ စင်စစ် ဒေါက်တာဇီဗားဂိုးသည် ဘိုးရစ်ပါစတာနက်က သူ့ဘဝကို အရင်းခံပြီး ရေးထားသည့် ဝတ္ထုကြီးဖြစ်သည်။ မြေးမလေးက ဘိုးလေးအကြောင်း ပြန်ရေးသည့်အခါ ‘လာရာ’သည် ဒေါက်တာဇီဗားဂိုးဝတ္ထုထက်ပင် ဇာတ်နာကြောင်းကို စာဖတ်ပရိသတ်တို့ ရင်နင့်စွာ ဖတ်ရမည်ဖြစ်သည်။ အဘိုးလေး ပါစတာနက်အကြောင်းကို မြေးမလေးအန်နာက ပြန်ရေးတာဆိုတော့ သူ့မှာပြောရေးဆိုခွင့်အပြည့်ရှိတယ်။ လာရာနဲ့ အိုလ်ဂါ့ အကြောင်း သူ့လောက်သိတဲ့သူဘယ်သူမှ မရှိနိုင်ဘူး။ ၁၉၄၆ခုနှစ်မှာ ရေးနေတဲ့ ဒေါက်တာဇီဗားဂိုး ဟာ စာရေးဆရာနဲ့ အိုလ်ဂါတွေ့တော့ ရသလမ်းကြောင်းကို လုံးဝပြောင်းသွားတယ်။