ကျွန်မဖတ်ခဲ့သော စာအုပ်များ

ဘယ်စာရေးဆရာ အကြိုက်ဆုံးလဲဟု မေးလာတိုင်း ကျွန်မဖြေရခက်တက်ပါသည်။ ကျွန်မသည် စာမျိုးစုံကို တက်နိုင်သမျှ ဖတ်သူဖြစ်သည်။ အကြိုက်ကလဲ အမျိုးစုံပါသည် စာရေးဆရာများကလည်း အမျိုးစုံလှသည်မဟုတ်လား အင်္ဂလိပ်စာရေးဆရာများ၊ အမေရိကန်စာရေးဆရာများ ၊ ပြင်သစ်စာရေးဆရာများ ၊ ရုရှားစာရေးဆရာများ ၊ဂျာမန်စာရေးဆရာများ၊ သူတို့အားလုံး ကမ္ဘာကျော်စာရေးဆရာများချည်းဖြစ်သည်။ စာအုပ်တွေဖတ်တိုင်း ၀တ္ထုရေးချင်စိတ်နှင့် ၀တ္ထုရေးရမှာ ကြောက်သောစိတ်သည် အမြဲတွဲနေတက်၏ ။ ၀တ္ထုရေးချင်စိတ်မှာ အားကျစိတ်ကို အခြေခံပြီး ၊ရေးရမှာကြောက်သောစိတ်မှာ ရှက်ရွံအားငယ်စိတ်ကို အခြေခံပါသည်။ စာရေးသူတိုင်းသည် ကိုယ့်သမိုင်းကို ကိုယ်တိုင်ရေးနေသူများဖြစ်သောကြောင့် တာဝန်အလွန်ကြီးပါသည်။ ထိုတာဝန်ကို ကျွန်မတို့သည် ဂုဏ်သိက္ခာဖြင့် ရင်းရမည်။ ထိုဂုဏ်သိက္ခာကိုလည်း ကျွန်မတို့ဖတ်သောစာအုပ်များက ပေးအပ်ပါလိမ့်မည်…။

(စာအုပ်အဖုံးနောက်ကျောမှာကောက်နှုတ်ထားပါသည်)