ခရမ်းပြာလက်တစ်စုံနဲ့ ရင်ခုန်ခွင့်ရသော နေ့ရက်များ

( 0 မှတ်ချက်)

3000 (ကျပ်)

“ခရမ်းပြာလက်တစ်စုံနဲ့ ရင်ခုန်ခွင့်ရသောနေ့ရက်များ…”က ချစ်သူတို့ရဲ့ မြိုသိပ်မှုကို နှစ်သိမ့်ပေးတဲ့ အက်ဆေးနဲ့ ကဗျာအပိုင်းအစ တစ်ချို့ပါပဲ…။
စကားတွေပြောနေရတာထက် စကားလုံးတွေကင်းမဲ့စွာ တစိမ့်စိမ့် ထိုင်ကြည့်ရင်း ဆွတ်ပျံ့ကြည်နူးမှုကို ခံစားနေရတာ ပိုပြီးနှစ်လိုဖွယ်ကောင်းတဲ့အချိန်တွေ ကြုံဖူးကြမှာပါ။ ဆိုရပါရင်… တိတ်ဆိတ်စွာ တစ်မွှာချင်းရဲ့ရသကို ထက်အောက်စုန်ဆန် စီးမျောလိုက်ပါနေမှသိနိုင်မယ့် ချိုမြိန်မှုအကြောင်း စကားလုံးတွေနဲ့ပြောပြပါလို့ တောင်းဆိုတဲ့အခါ… “ရသကဲ အနုပညာပစ္စည်းတစ်ခု” အတွက် အားနာစရာကောင်းတယ်လို့ ခံစားရပါတယ်။
တကယ်တော့ တစ်စုံတစ်ရပ်သောနှလုံးသားကို စူးနစ်တဲ့ထိတွေ့မှုတစ်ခု ဖြတ်သန်းခံရပြီဆိုရင် နှုတ်ခမ်းဆိုတာ အသုံးမဝင်တော့ပါဘူး…။ အားနာနာနဲ့ပဲ ကျွန်တော်ပြောပါဦးမယ်။ ပထမဆုံးစာမျက်နှာက “နှလုံးသား ရဲ့ကျန်းမာရေးအတွက် အမုန်းတရားကိုချမ်းသာပေးလိုက်ပါ…တဲ့။”

အမှောင်ချထားလည်း
ရောင်စုံမီးစများရဲ့ချယ်လှယ်မှုက
အရွယ်နုနု ဘဝကြမ်းကြမ်း
ဓနလမ်းကိုရွေးလျှောက်နေတဲ့ မင်းအတွက်
အတက်လွယ်သလောက် အဆင်းခက်တယ်ဆိုတာ…
မင်းခန္ဓာကောက်ကြောင်းတွေကို မေးသင့်တယ်
#နေသွင်

“မေသော်” ဆိုတဲ့မိန်းကလေးတစ်ဦး…။
ပြီးတော့…
မသွေးဘဲထားတဲ့ဓားကိုဆုတ်မိပြီး
ယုတ္တိမတန်လွန်းတဲ့ မင်းရဲ့နှလုံးသားကို
ပါးပါးလှီးဖြတ်ချင်ရုံလေးပါ…မေသော်….။ (စာ-၂၁)
ဆိုတဲ့…အစွဲအလမ်းကိုကိုးကွယ်တဲ့ ယောကျာ်းလေးတစ်ဦး…။

သူတို့ရဲ့ စိတ်အလျဉ်တွေကို ဘယ်ဝေါဟာရတွေက ပြည့်စုံအောင် ပြောပြနိုင်မှာလဲ။ ပြောပြခဲ့တယ်ဆိုရင်တောင် လူသိရှင်ကြား ဟစ်ကြွေးရမှာ မဟုတ်ပါဘူး။ သူကလည်း
“သက်ကယ်ရိုးနဲ့ခေါင်းလာင်းထိုး”ထားတယ်ဆိုတာ သိပါတယ်။ အဲဒီ သက်ကယ်ရိုးသံ မူရင်းကိုမှီအောင်ပဲ ဘယ်မိတ္တူက စွမ်းနိုင်မှာလဲ။ စွမ်းနိုင်တယ်ဆိုရင် ဒါက လိမ်တာပါ။ သိပ်ချစ်တတ်တယ် ဆိုရင်တော့ ဒီစာမျက်နှာကိုကျော်သွားပြီး မေသော်နဲ့သာတွေ့လိုက်ပါ…။

စာမျက်နှာ

139

စာအုပ်အရွယ်အစား

5.2 x 0.3 x 8.1 inches

ပုံနှိပ်မှတ်တမ်း

အောင်မြင်စာပေ၊ 2020 ဩဂုတ်လ၊ (ပ-ကြိမ်)

ဝေဖန်သုံးသပ်မှုများ

ဒီစာအုပ်မှာ ဝေဖန်အကြံပြုချက်များ မရှိသေးပါ

“ခရမ်းပြာလက်တစ်စုံနဲ့ ရင်ခုန်ခွင့်ရသော နေ့ရက်များ” စာအုပ်အပေါ် လူကြီးမင်း၏ အမြင်ကို ဝေဖန်သုံးသပ်နိုင်ပါသည်...

Your email address will not be published. Required fields are marked *

နေသွင် စာအုပ်များ

  • ခရမ်းပြာလက်တစ်စုံနဲ့ ရင်ခုန်ခွင့်ရသော နေ့ရက်များ နေသွင်

    ခရမ်းပြာလက်တစ်စုံနဲ့ ရင်ခုန်ခွင့်ရသော နေ့ရက်များ

    3000 (ကျပ်)