ဘင်္ဂလားဒေ့(ရှ်)သမိုင်း

( 0 မှတ်ချက်)

9000 (ကျပ်)

ဘင်္ဂလားဒေ့(ရှ်)နိင်ငံသည် ရုရှားနိုင်ငံ၊ ဂျပန်နိုင်ငံတို့ထက် ပို၍လူဦးရေများပြီးယနေ့ကမ္ဘာပေါ်တွင် သတ္တမလူဦးရေအများဆုံးနိုင်ငံကြီးဖြစ်ပါတယ်။ ယခုစာအုပ်တွင် ဘင်္ဂလားဒေ့(ရှ်)နိင်ငံ၏ အခြေခံလူ့အဖွဲ့အစည်းများအကြောင်း နှင့် ဘင်္ဂလားဒေ့(ရှ်)နိင်ငံဟူ၍ပေါ်ပေါက်လာပုံကို ဖော်ပြထားပါတယ်။ ၁၉၃၀ ခုနှစ် မှစပြီး အိန္ဒိယနိုင်ငံကြီး ပြိုကွဲထွက်ရန် အကြောင်းတရားများ ပေါ်ထွက်လာသည်။ ပုဂ္ဂိုလ်ရေးအစွဲအလမ်း၊ နိုင်ငံရေးအယူဝါဒ၊အစွဲအလမ်းထက် ဘသာရေး အစွန်းရောက်မှုများသည် အလွန်ကြီးမားသော စိတ်ဝမ်းကွဲမှုများကို ပေါ်ပေါက်စေပြီး လူမဆန်သောရက်စက်မှုများကို ဖြစ်ပေါ်စေခဲ့သည်။ အလွန်နူးညံ့သော ဘာသာရေး၊ သာသနာရေးကို အခြေခံပြီး လူမဆန်သော သွေးချောင်းစီးသတ်ဖြတ်မှုများသည် ရာစုနှစ်ပေါင်းမြောက်များစွာ ဥမကွဲ၊ အသိုက်မပျက် နေခဲ့ကြသော အိန္ဒိယလူနေမှုအသိုက်အဝန်းကြီးသည် ဟိန္ဒူအများစုနေထိုင်သော အိန္ဒိယနိုင်ငံနှင့် မွတ်စလင်အများစုနေထိုင်ကြသော ပါကစ္စတန်နိုင်ငံဟူ၍ သီးခြားလွတ်လပ်သော နိုင်ငံကြီးနှစ်ခုအဖြစ် ကွဲထွက်သွားသည်။ ၁၉၄၇ ခုနှစ်တွင် အရှေ့ပါကစ္စတန်ပေါ်ပေါက်ခဲ့သည်။ အရှေ့ပါကစ္စတန်နှင့် အနောက်ပါကစ္စတန်သည် ဘာသာရေးကိုးကွယ်မှုတစ်ခုသာတူညီပြီးလူမျိုး၊ယဉ်ကျေးမှု ဓလေ့ထုံးစံစာပေနှင့် ဘာသာစကားများ မတူကြပေ။ ထို့ကြောင့်အရှေ့ပါကစ္စတန်သည် အနောက်ပါကစ္စတန်၏လွမ်းမိုးအုပ်ချုပ်မှုအောက်တွင်မနေလိုကြပေ။ ထို့ကြောင့် ၁၉၇၀ခုနှစ်တွင် ဘင်္ဂလားဒေ့(ရှ်)နိင်ငံသစ်တစ်ခုပေါ်ထွက်လာခဲ့သည်။ သမိုင်းမတင်မီခေတ်ကာလမှသည်ပထဝီဝင်အနေအထား၊ ကိုလိုနီခေတ်ကာလ နိုင်ငံရေးအခြေအနေ၊ အမျိုးသားလှုပ်ရှားမှုများ၊ နယ်မြေကွဲထွက်သွားခြင်းအကြောင်း၊ နိုင်ငံရေး၊စီးပွားရေး၊ ယဉ်ကျေးမှု၊ နိုင်ငံအသစ်ပေါ်ထွက်လာခြင်းနှင့် ခေတ်သစ်လူ့အဖွဲ့အစည်းများအကြောင်းကို နှံ့နှံ့စပ်စပ် ထောင့်စေ့အောင်ရေးသားဖော်ပြထားသည့် သမိုင်းစာအုပ်ကောင်းတစ်အုပ်ဖြစ်ပါတယ်။
ကမ္ဘာ့သမိုင်းကြောင်းရာများကို နှစ်သက်သူများ..သမိုင်းပညာရပ်ကိုလေ့လာနေသူများနှင့် နိုင်ငံတို့၏လူမှုရေး နိုင်ငံရေးတို့အကြောင်းကိုသိရှိလိုသူတို့အတွက် ဖတ်ရှုသင့်သည့်စာအုပ်ကောင်းတစ်အုပ်…

စာမျက်နှာ

334

စာအုပ်အရွယ်အစား

7.3 x 0.6 x 10.3 inches

ပုံနှိပ်မှတ်တမ်း

ယဉ်မျိုးစာပေ၊ ၂၀၂၀ ခုနှစ် ၊ ဩဂုတ်လ

ဝေဖန်သုံးသပ်မှုများ

ဒီစာအုပ်မှာ ဝေဖန်အကြံပြုချက်များ မရှိသေးပါ

“ဘင်္ဂလားဒေ့(ရှ်)သမိုင်း” စာအုပ်အပေါ် လူကြီးမင်း၏ အမြင်ကို ဝေဖန်သုံးသပ်နိုင်ပါသည်...

Your email address will not be published. Required fields are marked *

ကိုကိုလေး စာအုပ်များ