ဧကရာဇ်ဟီရိုဟီတို

ဂျပန်ဧကရာဇ် ဟီရိုဟီတိုသည် ၁၉၀၁ ခုနှစ်တွင် ဖွားမြင်သည်။ ဧကရာဇ်ကို နေမင်းအနွယ်မှ ဆင်းသက်လာသညသ်ဟု ဂျပန်ပြည်သူတို့က ယုံကြည်ကြသည်။ ၁၉၂၆ ခုနှစ်တွင် ခမည်းတော် နတ်ရွာစံသောအခါ ဟီရိုဟီတို ဧကရာဇ်ဖြစ်လာလေသည်။ ဟီရိုဟီတိုခေတ်ကို ရှိုဝါခေတ် (တရားမျှတမှုအားဖြင့် ငြိမ်းချမ်းရေးခေတ်) ဟု ခေါ်စမှတ်ပြုကြသော်လည်း ထိုခေတ်တွင် ဂျပန်၏ နယ်ချဲ့စစ်ပွဲများစွာကို တွေ့ကြရပေသည်။ ၁၉၄၁ ခုနှစ် ဒီဇင်ဘာလ ၇ ရက်နေ့တွင် ဧကရာဇ်ဟီရိုဟီတိုသည် အင်္ဂလိပ်နှင့် အမေရိကန်တို့အား စစ်ကြေညာခဲ့သည်။ ဒုတိယကမ္ဘာစစ်အတွင်း ဂျပန်စစ်တပ်၏ ကျူးကျော်တိုက်ခိုက်မှုများကို ဧကရာဇ်အနေဖြင့် သဘောတူညီခဲ့သော်ငြား စစ်တရားခံအဖြစ်မှ နာမည်ဆိုး ကင်းလွတ်ခဲ့ပါသည်။