ဟင်နရီကစ်ဆင်းဂျား၏ တရုတ်

ဒီစာအုပ်ဟာ တရုတ်ခေါင်းဆောင်တွေနဲ့ စကားစမြည်ပြောဆိုမှုအပေါ် တစ်စိတ်တစ်ပိုင်း အခြေခံပြီး စစ်နဲ့ငြိမ်းချမ်းရေးပြဿနာ၊ နိုင်ငံတကာ စနစ်ပြဿနာတို့အပေါ် တရုတ်ရဲ့စဉ်းစားမှုကို ကျွန်တော်က အမြင်သဘောထားအပေါ် အခြေခံတဲ့နည်းလမ်းနဲ့ ရှင်းလင်းပြဖို့ ကြိုးပမ်းအားထုတ်ခဲ့တာပဲ ဖြစ်ပါတယ်။ ဒါ့အပြင် ပိုမိုလက်တွေ့ကျပြီး အကြောင်းအရာတစ်ခုချင်းစီအလိုက်ဖြစ်တဲ့ အမေရိကန်နဲ့ ချဉ်းကပ်မှုနဲ့ ပက်သက်ပြီး တရုတ်ရဲ့ဆက်ဆံရေးကို ရှင်းပြဖို့ ကြိုးပမ်းအားထုတ်မှုတစ်ရပ်လည်းဖြစ်ပါတယ်။

မတူခြားနားတဲ့ သမိုင်းတွေနဲ့ ယဉ်ကျေးမှုတွေက တစ်ခါတစ်ရံမှ ကွဲလွဲတဲ့ကောက်ချက်တွေကို မွေးထုတ်ပေးပါတယ်။ တရုတ်တို့ရဲ့ အမြင်ရှုထောင့်ကို ကျွန်တော်ဟာ အမြဲသဘောတူတာတော့ မဟုတ်ပါဘူး။ စာဖတ်သူတွေကလည်း ဒီအတိုင်းပဲ သဘောတူကြမှာမဟုတ်ပါဘူး။ ဒါပေမယ့် ဒါကို နားလည်ဖို့တော့ လိုပါတယ်။ ဘာကြောင့်လဲဆိုတော့ ၂၁ ရာစုကမ္ဘာကြီးမှာ တရုတ်ဟာ ဒီလိုကြီးမားတဲ့ အခန်းကဏ္ဍကနေ ပါဝင်အသုံးတော်ခံမှာဖြစ်လို့ပဲ ဖြစ်ပါတယ်။