ဘဝမှာပို၍ ပျော်ရွှင်ရအောင် ကိုယ့်ကိုယ်ကိုယ် ဂရုစိုက်ပါ

လူတိုင်းရဲ့ ဘဝမှာ ပူပန်စရာတွေများပါတယ်။ မိသားစု၊ ပညာရေး၊ ငွေရေးကြေးရေး၊ အချစ်ရေး၊ စားဝတ်နေရေး၊ လူမှုအထွေထွေတွေနဲ့ တစ်နေ့တစ်နေ့ လုံးပန်းနေရတဲ့အခါ တစ်ခါတစ်ရံ ပျင်းစရာလိုလို၊ စိတ်ပျက်စရာလိုလို၊ အသက်မဲ့နေသလိုလို၊ အဓိပ္ပာယ်မဲ့ ရှင်သန်နေရသလိုလိုပင်ပန်းပြီး အားအင်တွေ ကုန်ခမ်းသလိုလိုဖြစ်လာတတ်ပါတယ်။

ဘယ်နေ့အချိန်များ ဘယ်လိုဖြစ်သွားမလဲ မရေရာတဲ့ဘဝဆိုတဲ့အချိန်ကာလတိုလေးတစ်ခုမှာ ကိုယ့်ကိုယ်ကိုယ် ချစ်တတ်ဖို့နဲ့ ကိုယ်ပိုင်ဘဝမှာ ပျော်ရွှင်တတ်ဖို့ သင်ယူသင့်ပါတယ်။

ကိုယ့်ကိုယ်ကိုယ်ချစ်တတ်သွားပြီဆိုရင် ကိုယ်ပိုင်ဘဝလေးမှာ ရောင့်ရဲတင်းတိမ်ပြီး ပျော်ရွှင်ဖို့၊ သင်ယူနိုင်သွားပြီးဆိုရင် စိတ်ဖိစီးစရာတွေပိုနည်းလာမယ်။ မလိုအပ်တဲ့အရာတွေ အာရုံမစိုက်မိတော့ဘူး။ ကိုယ့်တန်ဖိုးကို သိလာမယ်။

နေ့ရက်တိုင်း ပျော်ပျော်ရွှင်ရွှင် ဖြတ်သန်းနိုင်ဖို့အတွက် အရင်ဆုံးကိုယ့်ကိုယ်ကို ချစ်ပါ။ ဂရုစိုက်ပါ။ ကိုယ်ပိုင်ဘဝမှာ ပျော်အောင်နေပါဆိုတဲ့အကြောင်း ဒီစာအုပ်လေးထဲမှာ မျှဝေထားပါတယ်။