ငါ့ဘဝအတွက် ငါလုပ်နိုင်တယ်

ငါ့ဘဝအတွက် ငါလုပ်နိုင်တယ် အား ဝေဖန်သုံးသပ်မှု 1 ရှိပါသည်။

1. 

   Rated 5 out of 5

   Thiha Htin Kyaw (verified owner) – March 28, 2023

   ငါ့ဘ၀အတွက်ငါလုပ်နိုင်တယ် – နေထွန်းလင်း
   ( Say yes to yourself by Molly Burford )
   တခါတလေကျရင် ကျွန်တော်တို့ဟာ လူသားတွေဖြစ်တဲ့အလျောက် စိတ်ဓာတ်ကျတာ ၊ ပြိုလဲကျလာတာမျိုးတွေရှိမှာပါ။ကိုယ့်ဖြစ်တည်မှုနဲ့ခံစားမှုတွေအပေါ်မှာလည်း တိတ်တိတ်လေး ဘယ်သူမှမသိအောင် ကြေကွဲခံစားရင်း လောကကြီးကို အရှုံးပေးချင်စိတ်တွေ ဖြစ်တတ်တာမျိုး ကြံ‌ုဖူးကြမှာပါ ။အဲ့လို အခြေအနေ‌ေတွမှာ ကိုယ့်ရဲ့အနားက သူတွေဟာ ကိုယ့်ကို အဖော်ပြုမနေဘဲ ဝေးကွာနေတာမျိုးလည်း ဖြစ်ဖူးကြပါလိမ့်မယ်။
   ဒါပေမဲ့ လူဆိုကတည်းက တစ်လုံးတည်း တစ်ဦးတည်း တစ်ယောက်တည်းကိုသာ ကိုယ်စားပြုလို့ ကိုယ့်ဘ၀အတွက် ကိုယ့်ကိုကိုယ်ဘဲ အားကိုးရမှာပါ။ အဲ့လိုအချိန်တွေမှာ ပြန်ပြီးရပ်တည်နိုင်ဖို့ နည်းလမ်းတွေထဲမှာ စာဖတ်ခြင်းနဲ့‌ေလ့လာတာကတော့ မပါမဖြစ်ပါပဲ။ အကောင်းဆုံးပြန်လည်တည်ဆောက်ဖို့ လိုအပ်ချိန်မှာ ဒီစာအုပ်လေးကို ဖတ်ကြည့်ပေးပါ။
   ” ငါ့ဘ၀အတွက်ငါလုပ်နိုင်တယ် ” စာအုပ်လေးကို ဖတ်ပြီးတော့ ထူးထူးခြားခြား ရိုးရှင်းတဲ့ဘာသာပြန်ဆိုတာကို ခံစားရတယ်။ စိတ်ခွန်အားပေးစာအုပ်ဆိုလို့ လေးပင်မနေဘဲ ရိုးရှင်းပေါ့ပါးတဲ့ စာစုလေးတွေနဲ့ တကယ့်လက်‌ရှိဘ၀မှာ အသုံးချနိုင်တာကို တွေ့ရမှာပါ။
   ဒီစာအုပ်လေးထဲမှာ ကိုယ့်ကိုကိုယ် self care လုပ်ရမဲ့ အကြောင်းအရာတွေ ၊ ကိုယ့်ရဲ့ပုံစံ ဖြစ်တည်မှုအတွက် စိတ်ခွန်အားနှင့် တန်ဖိုးတွေ ၊ ယုံကြည်မှုအတွက် တည်ဆောက်ခြင်းဆိုင်ရာ လေ့ကျင့်ခန်းလေးတွေ ၊ အပေါင်းလက္ခဏာဆောင်စေတဲ့ တိုက်တွန်းမှုလေးတွေကို ရိုးရုိးရှင်းရှင်း ဘာသာပြန်ထားပါတယ်။
   ပုံမှန်အားဖြင့်တော့ ဒီလို ခွန်အားပေးစာစုလို စာအုပ် အမျိုးအစားကို အညွှန်းရေးဖို့ စိတ်ကူး ကျွန်တော့်မှာ ရှိမနေတတ်ပါဘူး ။ စိတ်ခွန်အားအတွက် ရည်ရွယ်တဲ့စာအုပ်ဖြစ်တာမလို့ ပြန်လည်ညွှန်းဆိုဖို့ထက် ကိုယ့်စိတ်အတွက် ပြန်ပြီး တွေးယူရင်း ဖတ်လိုက်တာကိုပဲ သဘောကျတာပါ။(ကျွန်တော့်ရဲ့အတွေးတစ်ခုမျှသာ)
   ဘာလို့ညွှန်းလဲမေးရင် စိတ်ခွန်အားရဖို့ဆိုတာထက် ကိုယ့်ဘ၀အတွက် ပေါ့ပါးရိုးရှင်းတဲ့ ဆိုလိုရင်းလေးတွေပါတာကြောင့် သဘောကျလို့ ဖတ်ကြည့်စေချင်ပါတယ်။ စာအုပ်ရဲ့ မူရင်းနာမည်က ” Say yes to yourself” ပါ။ ဒီဘက်ခေတ် စာရေးဆရာမတစ်ယောက်ဖြစ်တဲ့ Molly Burford က ရေးသားထားတာပါ။ စာအုပ်ခေါင်းစဉ်လိုပဲ ကျွန်တော်တို့ ကိုယ့်ကိုကိုယ် ” Yes ” ငါလုပ်နိုင်ပါတယ် လို့ ပြန်ပြောဖို့ လိုအပ်ပါတယ်။
   – Review by August –
   ပထမအကြိမ်
   ထုတ်ဝေသည့်ခုနှစ် – ၂၀၂၂ခုနှစ် နို၀င်ဘာလ
   စာအုပ်တန်ဖိုး – ၄၀၀၀ကျပ်
   မျက်နှာဖုံးဒီဇိုင်း – ပိုင်နိုင်အောင်
   စာမျက်နှာ – ၁၂၇
   #ငါ့ဘ၀အတွက်ငါလုပ်နိုင်တယ်
   #Sayyestoyourself
   #Saryeikmyaingsarpay