နှလုံးသားနက်နက်မှာ ပွင့်တဲ့ပန်း

( 5 မှတ်ချက်)

4000 (ကျပ်)

” နှလုံးသားနက်နက်မှာ ပွင့်တဲ့ ပန်း ” ကို ၂၀၂၀ ပြည့်နှစ် မေလမှာ ထုတ်ဝေခဲ့ပါတယ် .. ၃ နှစ်နီးပါး ကြာခဲ့ပြီမို့ စာအုပ်ဆိုင်တွေမှာ စာအုပ်ပြတ်နေခဲ့တာကြောင့် ဒုတိယအကြိမ် ပြန်လည်ထုတ်ဝေဖြစ်ပါတယ် .. ဒီဒုတိယအကြိမ်မှာတော့ ထုတ်ဝေရေးအသစ်နဲ့ထုတ်တာကြောင့် စာတွေကို ပြင်လည် ပြင်ဆင် တည်းဖြတ်ဖြစ်ပါတယ် .. သိပ်အံမ၀င်တဲ့ စာမူတချို့ကို ဖြုတ်ပြီး နောက်ထပ်စာမူအသစ်တချို့ကို ထပ်ဖြည့်လိုက်ဝောာ့ စာအုပ်ဟာ ပန်းရနံ့တွေ ပိုသင်းထုံသွားသလိုပါပဲ .. ပန်းရံနံ့လေးတွေက ဖတ်သူရဲ့ မျက်လုံးကနေတစ်ဆင့် ရင်ထဲစိမ့်၀င်ပြီး နှလုံးသားကို ပိုနူးညံ့သွားစေမယ် ထင်ပါတယ် .. ပန်းသဘောသဘာ၀ကို လူ့အကျင့်စရိုက်နဲ့နှိုင်းယှဉ်ပြီး ပေါက်ရောက်ရာအရပ်မှာ အစွမ်းကုန် ရှင်သန်ဖူးပွင့်ရဲတဲ့ပန်းတွေအကြောင်း ဖတ်မိရင်ဖြင့် ခွန်အားတချို့ရရှိမယ်လို့ မျှော်လင့်ပါတယ် .. အနည်းဆုံးတော့ ပန်းတွေကို ပိုတန်ဖိုးထား ပိုမြတ်နိုးသွားမယ်လို့ ယုံကြည်ပါတယ် …..

( ဆရာမနိုင်းနိုင်းစနေ၏ အမှာစာမှ )

စာမျက်နှာ

120

စာအုပ်အရွယ်အစား

5 x 0.5 x 7.2 inches

ပုံနှိပ်မှတ်တမ်း

စာရိပ်မြိုင်စာပေ 2024 ဇန်နဝါရီလ (တတိယအကြိမ်)

13 in stock

နှလုံးသားနက်နက်မှာ ပွင့်တဲ့ပန်း အား ဝေဖန်သုံးသပ်မှု 5 ရှိပါသည်။

  1. Ko Aung Paing Min

    စိတ်ခွန်အားဖြည့်ဖို့…ပေါ့ပေါ့ပါးပါလေးနဲ့…အဆင်ပြေတဲ့တခုပါပဲ…ကျေးဇူးပါ…?

  2. Nan chit chit moe aye

    မိန်းကလေးတိုင်း ပန်းချစ်ကြတယ်။ ပန်းချစ်တဲ့ မိန်းကလေးတစ်ယောက် ပန်းအကြောင်းဘယ်လောက်သိလဲ၊ ပန်းနဲ့ပက်သက်လို့ စူးစမ်းဖူးလား။ ပန်းချစ်တဲ့ကျွန်မတောင် ဒီစာအုပ်ဖတ်ပြီးမှ ပန်းအကြောင်းတွေ ငါမသိသေးပါလားဆိုတာ သိခဲ့ရတယ်။

    ပန်းတွေက ကြည့်သူမရှိလဲ အစွမ်းကုန်ပွင့်လန်းကြတယ်။ ပန်းပွင့်ခါနီး ပွင့်ဖက်အသံကို နားထောင်ဖူးလား

    ပန်းချစ်သူတွေ ဖတ်သင့်တဲ့ စာအုပ်ဖြစ်သလို ပန်းမကြိုက်ဘူးဆိုတဲ့ သူတွေရော ဖတ်သင့်ပါတယ်။ ပန်းကိုချစ်တဲ့သူတွေ ပိုပိုချစ်သလို မချစ်တဲ့သူတွေပါ ချစ်သွားစေရပါမယ်။

  3. May Yoon

    ပန်းပွင့်တွေလိုပဲရှင်သန်ရတဲ့ခဏမှာာစွမ်းကုန်ကြိုးစားပြီးလှပသွားဖို့ ဒီစာအုပ်လေးကနေ သင်ခန်းစာတွေအများကြီးရခဲ့ပါတယ်

  4. Esther

    တစ်ကယ်ကောင်းတဲ့စာအုပ်လေးပါ

  5. Htet Htet Tin Zar

    🌼 လေပြည်ညင်းလေး တိုက်ခတ်လာတယ်။ ပန်းရနံ့က နဂိုအတိုင်း သင်းပျံ့လို့။ ဒီလိုလှပတဲ့ လူတွေနဲ့ အရာဝတ္ထုဆီက ထုတ်လွှင့်လိုက်တဲ့ မွှေးရနံ့တွေက ကျွန်မနှလုံးသားမှာ ရစ်နှောင်လို့။ ကျွန်မနှလုံးသားနက်နက်ထဲ ပွင့်လန်းနေတဲ့ ဒီပန်းတွေဟာ ကျွန်မရင်ထဲ အမြဲရှိနေမှာပါ။ သူတို့ရဲ့တည်ရှိနေမှုက မြေဩဇာနဲ့ ရေမလိုပါဘူး။ သူတို့ရှင်သန်မှီခိုနေတာက ကျွန်မနှလုံးသားထဲက နေရောင်နဲ့ သူတို့အပေါ် တန်းတူထားတဲ့ ကျွန်မရဲ့ကျေးဇူးတရား၊ ချစ်ခြင်းတွေကြောင့် ဖြစ်ပါတယ်။ (~ နှလုံးသားနက်နက်မှာ ပွင့်တဲ့ပန်း)
    __________________________

    🌷 စာအုပ်နဲ့ သိပ်အံမဝင်တဲ့ စာမူတချို့ကို ဖြုတ်ပြီး နောက်ထပ် စာမူအသစ်တချို့ကို ထပ်ဖြည့်လိုက်တော့ စာအုပ်ဟာ ပန်းရနံ့တွေ ပိုသင်းထုံသွားသလိုပါပဲ။ ဒီပန်းရနံ့လေးတွေက ဖတ်သူရဲ့မျက်လုံးကနေတဆင့် ရင်ထဲစိမ့်ဝင်ပြီး နှလုံးသားကို ပိုနူးညံ့သွားစေမယ် ထင်ပါတယ်။ ပန်းသဘောသဘာဝကို လူ့အကျင့်စရိုက်နဲ့ နှိုင်းယှဉ်ပြီး ပေါက်ရောက်ရာအရပ်မှာ အစွမ်းကုန် ရှင်သန်ဖူးပွင့်ရဲတဲ့ပန်းတွေအကြောင်း ဖတ်မိရင်ဖြင့် ခွန်အားတချို့ ရရှိမယ်လို့ မျှော်လင့်ပါတယ်။ အနည်းဆုံးတော့ ပန်းတွေကို ပိုတန်ဖိုးထား ပိုမြတ်နိုးသွားမယ်လို့ ယုံကြည်ပါတယ်။ (~ ဆရာမနိုင်းနိုင်းစ‌နေ၏ အမှတ်တရစကားမှ)
    __________________________

    📚 ဆရာမနိုင်းနိုင်းစနေရဲ့ ❝နှလုံးသားနက်နက်မှာပွင့်တဲ့ပန်း❞ ဆိုတဲ့ ဒီစာအုပ်လေးက အမှတ်တရစကားမှာ ဆရာမပြောထားသလိုပါပဲ။ ပန်းနဲ့ပတ်သက်တဲ့ အကြောင်းအရာတွေချည်းသာ ပါဝင်ပါတယ်။ ပန်းလေးတွေရဲ့သဘာဝ၊ ပန်းလေးတွေရဲ့ လောကဓံကို ရုန်းကန်ပြီး ပွင့်လန်းလာရပုံ စတဲ့ ပန်းနဲ့ ပတ်သက်ပြီးတော့မှ တွေးစရာ၊ ဆင်ခြင်သုံးသပ်စရာ စာစုလေးတွေ စုစုပေါင်း (၃၅) ပုဒ် ပါပါတယ်။
    __________________________

    🍎 ပန်းတိုင်း အသီးသီးလိုစိတ် ရှိတယ် 🍎

    “ဒီပန်းသီးပင်ကလည်း အသီးကျ မသီးဘဲ နှစ်တိုင်း ဘာလို့ ပန်းပွင့်နေ တာလဲ မသိဘူး”

    “ပန်းတစ်ပွင့်တိုင်းက အသီးသီးလိုတဲ့စိတ် ရှိကြတာပဲ။ အသီးမအောင်လည်း သူတို့က နှစ်တိုင်း ပန်းပွင့်နေကြတယ်။ ပန်းပွင့်မှ အသီးသီးနိုင်မယ့် မျှော်လင့်ချက် ရှိမှာ။ တကယ်လို့ ပန်းတောင်မပွင့်ရင် ဘယ်ကလာ အသီးသီးမယ့် မျှော်လင့်ချက် ရှိတော့မလဲ”

    ဟုတ်သားပဲ။ ပန်းတစ်ပွင့်တိုင်းက အသီးသီးလိုကြတယ်။ အသီး မသီးနိုင်မှန်းသိလည်း သူတို့က လှလှပပ ပွင့်လန်းကြတယ်။ အသီးမသီးနိုင်ဘူးဆိုပြီး ပန်း မပွင့်ဘဲ သူတို့မနေဘူး။ ပန်းတစ်ပွင့်တိုင်းမှာ အသီးသီး လိုတဲ့စိတ် ရှိပြီး နောက်ဆုံး လိုချင်တဲ့အသီးကို မသီးနိုင်ခဲ့တာဟာ ပန်းလှလှ မပွင့်ခဲ့လို့ မဟုတ်ဘူး၊ အသီးသီးဖို့ မကြိုးစားခဲ့တာလည်း မဟုတ်ဘူး။

    🌼 ပန်းတစ်ပွင့်ရဲ့ အလှ 🌼

    “နင်တို့ဝတ်မှုန်ကူးဖို့အတွက် အခု ငါကူညီနေတယ်လေ။ သိပ်မကြာခင်မှာပဲ နင်တို့ ကြွေလွင့်ကြတော့မယ်။ ဒါပေမဲ့ ဒါဟာ နင်တို့သေသွားကြတာ မဟုတ် ဘူး။ နင်တို့ရဲ့အလှ ပျောက်ကွယ်သွားတာလည်း မဟုတ်ဘူး။ ဒါဟာ နင်တို့ အသီး သီးကြတော့မလို့။ အသီးက နင်တို့ရဲ့ ရှေ့ဆက်မယ့်ဘဝပေါ့။ ဒါကမှ ပန်းတစ်ပွင့်ရဲ့ အလှဆုံး အဆုံးသတ်ဖြစ်တယ်”

    သစ်ခက်ပေါ် လေပြည်လေး ဖြတ်တိုက်သွားပြီး နွေဦးရဲ့လျှို့ဝှက်ချက် တစ်ခုကို ဆင့်ကမ်းသွားတယ်။ အသီးသီးတယ်၊ ဒါဟာ ပန်းတစ်ပွင့်ရဲ့အလှကို ထိန်းထားရစ်ခဲ့နိုင်မယ့် အကောင်းဆုံးနည်းတစ်ခုပဲ ဖြစ်တယ်။

    🌹 နှင်းဆီ့စကား 🌹

    လူရဲ့ရှုထောင့်ကနေ နှင်းဆီပန်းကို ကြည့်ပါလို့ ဆိုလာခဲ့ရင် နှင်းဆီမှာရှိတဲ့ ဆူးက အခြားလူ သည်းမခံနိုင်တဲ့ ကျွန်မတို့ အကျင့်စရိုက်ရဲ့ ထူးခြား တဲ့လက္ခဏာ ဖြစ်မှာပါ။ အဲဒီထူးခြားတဲ့ လက္ခဏာက မဆိုးဘူးဆိုရင်တောင် ကောင်းတယ်၊ မကောင်းဘူးဆိုတာကလည်း မတူတဲ့ရှုထောင့်က မြင်တွေ့ ရတဲ့ ကောက်ချက်တွေပဲဖြစ်တယ်။

    နှင်းဆီကို ချစ်တဲ့သူကတော့ နှင်းဆီရဲ့ဆူးနဲ့ ဆူးစူးခံမယ့်ဒဏ်ကို ခံနိုင်ကြတယ်။ တကယ်လို့ လူတစ်ယောက်ကို ချစ်ရင်လည်း သူ့ရဲ့အကောင်းအဆိုး အကျင့်စရိုက်အားလုံးကို လက်ခံနိုင်ရမှာပဲ မဟုတ်လား။ ဒီလောကမှာ လုံးဝပြီး ပြည့်စုံတဲ့အရာဆိုတာ မရှိသလို ခြောက်ပစ်ကင်းတဲ့လူ ဆိုတာလည်း မရှိပါဘူး။

    🌸 ပန်းပွင့်တိုင်း အသီးသီးဖို့ မလို 🌸

    “လောကကြီးက ဘဝရှိလို့ လှနေသလို ဘဝဟာလည်း စိတ်ကူးအိပ်မက် ရှိလို့ လှနေပါတယ်။ ဒါပေမဲ့ ကမာကောင်တိုင်းမှာ ပုလဲ မရှိပါဘူး။ ဒါကြောင့် ဘဝတိုင်းက အရောင်လက်နိုင်မှာ မဟုတ်ပါဘူး၊ စိတ်ကူးအိပ်မက်တိုင်းက အကောင်အထည်ပေါ်နိုင်မှာ မဟုတ်ပါဘူး။ တကယ့်လက်တွေ့ဘဝမှာ ပိုကြီးမား၊ ပိုလှပပြီး အမှန်တရားနဲ့ ပိုနီးစပ်ဖို့အတွက် တချို့အရာတွေကို ကျွန်တော်တို့ လက်လွတ်သင့်ပါတယ်။ သင့်တင့်တဲ့ ‘ပန်း’ တချို့၊ ‘အသီးကင်း’ တချို့ကို ကျွန်တော်တို့ ခူးထုတ်ပစ်ရပါတယ်။ ဘဝဟာ အကန့်အသတ်ရှိပြီး ခွန်အားဟာလည်း စွမ်းနိုင်သလောက်ပဲ ရှိလို့ပါ။ အရာရာတိုင်း၊ ကိစ္စရပ်တိုင်းကို အကောင်အထည်ဖော် ဖြစ်မြောက်ဖို့ဆိုတာ ကျွန်တော်တို့ မတတ်နိုင်ပါဘူး။ ဒီလိုမှမဟုတ်ရင် အပင်တစ်ပင်လုံး “ပန်း” တွေပြည့်ပြီး အကိုင်းအခက်ကို ကျိုးစေမယ့် ‘အသီး’ တွေစုပြုံနေခဲ့ရင် နောက် ဆုံးမှာ အလုံးလှပြီး ချိုတဲ့ ‘မက်မွန်’ ကို မရနိုင်မှာ စိုးပါတယ်”

    လက်လွတ်တယ်ဆိုတာ စွန့်ပစ်တာ မဟုတ်ပါဘူး။ ပိုကောင်းတဲ့ အရာကို ရရှိဖို့အတွက်ဖြစ်ပါတယ်။
    __________________________

    🌷🌻🌹🌺🪻

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

နိုင်းနိုင်းစနေ စာအုပ်များ