ဂျူးမကလေးအီဗာ

အဖက်ဖက်မှ ရုန်းကန်လှုပ်ရှား၍
ဘ၀တိုက်ပွဲဝင်ကြရသော
မြန်မာအမျိုးသမီးကလေးများအတွက်….

ယခုဤစာအုပ်မှာ အစ္စရေး အမျိုးသား စာရေးဆရာမ မေယာလီဗင်(Meyer Levin) ရေးသားသော * အီဗာ * (EVA) အမည်ရှိ စာအုပ်ကို မြန်မာဘာသာဖြင့် ဆီလျှော်အောင် ပြန်ဆိုထားခြင်းဖြစ်ပါသည်။ ဤစာအုပ်တွင်ပါရှိသော တိုင်းပြည်မြို့ရွာ နေရာဒေသ အမည်နာမများနှင့် ဖြစ်ရပ်များမှာ ဒုတိယကမ္ဘာစစ်အတွင်းက တကယ့်ဖြစ်ရပ်များနှင့် တကယ့်နေရာ ဒေသများကို အခြေခံထားသော်လည်း ဂျူးမကလေး အီဗာ၏ ဘ၀ဖြစ်စဉ်တစ်ခုလုံးမှာ မူရင်းစာရေးသူ၏ စိတ်ကူးယဉ် ၀တ္ထုဇာတ်လမ်း တစ်ပုဒ်မျှသာ ဖြစ်ပါသည်။ အထူးသဖြင့် ဒုတိယကမ္ဘာစစ်အတွင်းက ဆင်းရဲဒုက္ခအမျိုးမျိုးတို့ကို တုန်လှုပ်ချောက်ချားဖွယ်ရာ ၊ထိတ်လန့်ကြောက်ရွံ့ဖွယ်ရာ ကြုံတွေ့ခဲ့ရသည့်အထဲက အသက်ရှင်ရေးအတွက် စွန့်စားကြိုးပမ်းခဲ့ရသော ဂျူးမကလေးအီဗာ၏ ဘ၀ဇာတ်ကြောင်းကို ဖတ်ရှုရခြင်းဖြင့် စာဖတ်သူများအတွက် အထူးသဖြင့် ယနေ့မျက်မှောက်ကာလတွင် ဘ၀တိုက်ပွဲအတွက် ရုန်းကန်လှုပ်ရှားနေရသော မြန်မာအမျိုးသမီးငယ်များအတွက် အတုယူအားကျ၍ အထောက်အကူရစေရန် ရည်သန်ရွယ်ကိုးကား ရေးသားထားပါစည်ဟု စာရေးသူက ဆိုထားပါတယ်။