ဆင်ကုန်သည်

နာမည်ကျော်စာရေးဆရာကြီး ဝီလ်ဘတ်စမစ်၏ Elephant Song ဝတ္ထုကို ဆရာမောင်ထွန်းသူမှဘာသာပြန်ဆိုထားခြင်းဖြစ်သည်။ ရွှေဖြူဟုလဲခေါ်ကြသည့်ဆင်စွယ်သည် လောဘများ၊ အဂတိတရားများ၊ အဓိပ္ပာယ်မရှိသေကြေပျက်စီးရခြင်းများကြားမှ ရင်ခုန်စရာ၊ ကြောက်ရွံ့စရာ အရာဝတ္ထုတစ်ခုဖြစ်သည်။ ဆုံးဖြတ်ချက်ပြတ်သားသည့်အမျိုးသားပညာရှင်တစ်ဦးနှင့် ရည်မှန်းချက်ကြီးမားသော မနုဿပညာရှင်အမျိုးသမီးတစ်ဦးတို့သည် ဆင်များကိုအဓိပ္ပာယ်မရှိရက်စက်သတ်ဖြတ်နေခြင်းများအားတားဆီးရန်အလို့ငှာ အန္တရာယ်များ၍ ကြောက်ရွံ့စရာကောင်းလှသော သွေးစွန်းလောကထဲသို့ ဝင်ရောက်လာခဲ့ကြပုံနှင့်  ဗဟိုအာဖရိကတိုက်တောနက်ထဲမှ ထိုင်ဝမ်နှင့်ဗြိတိန်နိုင်ငံ တို့အထိကျယ်ပြန့်လှသော အာဏာ၊ ပါဝါ၊ ရက်စက်ကြမ်းကြုတ်မှုပြိုင်ပွဲများကြား ထိုသူနှစ်ဦး၏ အသက်ကိုပဓာနမထား စွန့်စားကြိုးစားတိုက်ပွဲဝင်ခဲ့ကြရပုံတို့ကို စာမျက်နှာတိုင်း၌ အသည်းထိတ်ဖွယ်ဖတ်ရှုရမည် ဖြစ်ပါသည်။