အတ္တဖြေဆေး

( 2 မှတ်ချက်)

4000 (ကျပ်)

အတ္တာဟိ အတ္ထနော နာထောတွင် မိမိကိုယ်သာ ကိုးကွယ်ရာဟူသောစကားမှပါဝင်သောအတ္တမှာ ကောင်းမြတ်သောဆန္ဒ၊ ဝီရိယ၊ ပညာ၊ စိတ်ဓာတ်တို့ဖြင့် မိမိကိုယ်မိမိကောင်းစွာချယ်မှုန်းသော အတ္တဖြစ်သည်။ ယနေ့လူသုံးများသော အတ္တသည် တကိုယ်ကောင်းစိတ်၊ အနိုင်ယူလိုစိတ်၊ သိမ်းပိုက်လိုသောစိတ်စသော လူသားမဆန်သောစိတ်များဖြင့် ဖွဲ့စည်းထားသော အတ္တဖြစ်သည်။ ယခုစာအုပ်ထဲတွင် လူ့အဖွဲ့အစည်းကို ညစ်နွမ်းစေသော၊ ဆိုးဝါးပျက်စီးစေသော၊ မငြိမ်းချမ်းစေသောအဖြစ် အတ္တအဖြစ်ဖော်ပြထားပြီး ထိုအတ္တအတွက်ဖြေဆေးကိုပါဖော်ပြပေးထားပါတယ်။

စာမျက်နှာ

301

စာအုပ််အရွယ်အစား

5.3 x 0.8 x 8 inches

ပုံနှိပ်မှတ်တမ်း

မျိုးဆက်သစ်ဓမ္မစာစဉ်စာပေ၊ 2022၊ ဇူလိုင်လ (အဋ္ဌမအကြိမ်)

23 in stock

အတ္တဖြေဆေး အား ဝေဖန်သုံးသပ်မှု 2 ရှိပါသည်။

  1. အရှင်စန္ဒာသိရီ

    ဒီစာအုပ်လေးကို စမြင်ကတည်းက နဲနဲထူးဆန်းနေသလိုခံစားရတယ်။ စာအုပ်ရဲ့အဖုံးပိုင်းမှာက အနက်ရောင်ဖုံးလွှမ်းနေတဲ့ထဲကို အလင်းတံခါးတစ်ချပ်ပွင့်လာတယ့်ပုံစံလေး။ စာအုပ်နာမည်ကိုကြည့်လိုက်တော့ အတ္တဖြေဆေးတဲ့။ တကယ်ကိုလိုက်ဖက်ပါတယ်။ အတ္တတွေဖုံးလွှမ်းနေတယ့် အမှောင်ထဲကို အလင်းတံခါးလာဖွင့်ပေးတဲ့စာအုပ်ကလေး…

    စာအုပ်ဆိုတာကလဲ အပြင်ပန်းကြည့်ရုံနဲ့ ကောင်း/မကောင်း သိနိုင်တာမျိုးမဟုတ်တော့ အထဲကို နဲနဲလေးအမြည်းလေးဖတ်ကြည့်မိတယ်။ အဲ့ဒီမှာ သဘောကျသွားမိတဲ့စာကြောင်းလေးက ‘အချစ်ဆုံး’ တဲ့ စကားလုံးလေးက သိပ်လှတာ။ ကံကြမ္မာရဲ့ဇာတ်၀င်ခန်းကိုက

    ကိုယ့်အတ္တကို ဗဟိုပြုပြီး ရယူထားတဲ့အချစ်
    ငါ့အတွက်လို့ မှတ်ယူထားတဲ့ အချစ်
    ငါ ပိုင်ကိုပိုင်ရမယ်ဆိုတဲ့ အတ္တ
    ငါပိုင်တယ်ဆိုတဲ့ စွဲမှတ်ထားတဲ့ အတ္တ
    အကျဉ်းချုံးကြည့်ရင် အတ္တနဲ့ အချစ်ပဲ
    စကားလုံးလေးက သိပ်ကို ရိုးရှင်းတာ အချစ် + ဆုံး တဲ့။

    ကျွန်တော်တို့ဘ၀မှာ ကိုယ်ရဲ့အတ္တတွေကြောင့် ကိုယ်ချစ်တဲ့လူတွေမဆုံးရှုံးဖို့ ကြိုးစားရင်း ဒီအတ္တတွေရဲ့ အမှောင်ထုတွေမှာ ကျင်လည်နေခဲ့ရတယ်။ ဒီလိုအခြေ‌အနေမျိုးတွေကို တရားသဘောလေးတွေနဲ့ ဖြေရှင်းကြည့်တဲ့အခါ ရလာတဲ့အကျိုးဆက်ကလေးတွေက စိတ်ကို အေးချမ်းမှုအစစ်အမှန်ပေးနိုင်တယ်ဆိုတာကို ဖော်ပြပေးထားတယ်။

    လူတော်တော်များများ လိုချင်နေကြတဲ့ သူတစ်ပါးဆီက ဂရုစိုက်မှု၊ အလေးထားမှု၊ ကြင်နာယုယမှုတွေ စတယ့်လိုချင်တပ်မက်ခြင်းတွေဟာ တကယ်ရော အစစ်အမှန်ပျော်ရွှင်မှုကို ပေးနိုင်သလား? တကယ်ရော ကိုယ်ကိုပျော်ရွှင်စေနိုင်သလား? သေသေချာချာစဉ်းစားကြည့်တယ့်အခါ ပျော်ရွှင်မှုဆိုတာ ဘယ်ကလာသလဲ? တကယ်တော့ ပျော်ရွှင်မှုဆိုတာ မိမိကိုယ်တိုင်တည်ဆောက်ယူရတဲ့အရာမျိုး။ သူတစ်ပါးဆီကလာတဲ့ ပျော်ရွှင်မှုဆိုတာက ခဏတာဘဲ။ သူမရှိတော့ရင်ရော ပျော်ရွှင်နေနိုင်သေးသလား? ဘယ်လိုအခြေအနေဘဲရောက်ရောက် ကိုယ့်ကိုယ်ကိုယ် ပျော်ရွှင်အောင်နေတတ်ဖို့လိုတယ်။

    ဒီစာအုပ်ထဲမှာ ဆရာတော်အရှင်ဆန္ဒာသိရီက အပိုင်းကလေးနဲ့ ခွဲပီးဖော်ပြပေးထားတယ်။ အပိုင်းတစ်ခုချင်းစီတိုင်းကလဲ တကယ်ကိုမှတ်သားစရာ လိုက်နာသင့်တဲ့အချက်အလက်ကလေးတွေကို ရေးသားထားတယ်။
    ဒီလောက်ဆိုရင်တော့ နဲနဲစိတ်၀င်စားလိမ့်မယ်လို့ထင်ပါတယ် ဖတ်ကြည့်စေချင်ပါတယ်။ ကျွန်တော်ဖော်ပြတာက နဲနဲလေးဘဲရှိပါသေးတယ်။ ဒီစာအုပ်ကိုဖတ်ကြည့်တဲ့အခါ အကျိုးတစ်ခုခုရရှိသွားမယ်ဆိုရင်တော့ စာရေးသူ ဆရာတော်အရှင်ဆန္ဒာသိရီနဲ့အတူ ကျေနပ်ပိတိဖြစ်နေမှာပါ။

  2. ကိုမောင်မောင်

    စာအုပ်ကဖတ်လို့ကောင်းပါတယ်။ဒါပေမဲ့ စာတွေကထပ်ထပ်နေတယ်။သိပြီးသားစာစုကိုထပ်ထပ်ဖတ်နေတော့ effect ကလျှော့လာတယ်။စာအုပ်ပါးရင်ပါးပစေ။စာနဲရင်နဲပါစေ စာဖတ်သူရင်ထဲ ထိသွားမဲ့ ဗဟုသုတရမဲ့ တရားရမဲ့ စာမျိုးဆိုရင် စာရွက်ရေ ၁ ရွက်ပါရင်လဲ ဖတ်လို့ကောင်းပါတယ်

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published.

အရှင်စန္ဒသိရီ(မျိုးဆက်သစ်အရှင်-ဖိုလေးလုံး) စာအုပ်များ