အလင်းဖန်ဆင်းရှင် အက်ဒီဆင်

အကြိမ်တစ်ထောင်လုံး ကြိုးစားတာမအောင်မြင်ဘူးလို့ ကျုပ်တော့မပြောချင်ဘူး။ ရှုံးနိမ့်စေတဲ့အကြောင်းရင်းပေါင်းတစ်ထောင်ကို ကျုပ်တွေ့ရှိလိုက်ပြီလို့ဘဲ ကြေငြာမယ်

သောမတ်အယ်ဒီဆင်သည် အမေရိကန်တီထွင်သူ၊ သိပ္ပံပညာရှင်နှင့် စီးပွားရေးလုပ်ငန်းရှင်တစ်ဦးဖြစ်သည်။ ၁၈၄၇ ခုနှစ် ဖေဖော်ဝါရီလ ၁၁ ရက်နေ့တွင် အမေရိကန်ပြည်ထောင်စု အိုဟိုင်းယိုးပြည်နယ်ရှိ သာမန်မိဘများမှ မွေးဖွားခဲ့သည်။ ငယ်ရွယ်စဉ်ကလေးဘ၀မှ စတင်ကာ အရာရာကို  လေ့လာစူးစမ်းလိုစိတ်ပြင်းပြခဲ့ပြီး ထိုစိတ်ကြောင့်ပင် ဘေးဒုက္ခမျိုးစုံ တွေ့ကြုံခဲ့ရသည်။ ငယ်စဉ်က ဉာဏ်ရည်နိမ့်ကျသည်ဟုဆိုကာ ကျောင်းထုတ်ခံခဲ့ရပြီး အများသူငါလို ကျောင်းပညာရေးသင်ကြားခြင်းမခံခဲ့ရပေ။ မိခင်၏ သင်ကြားပြသမှုဖြင့် စာအုပ်စာပေများစွာ ဖတ်ရှုလေ့လာခဲ့ပြီး အသက်ဆယ့်တစ်နှစ်အရွယ်မှာပင် ပထမဆုံးကြေးနန်းကို တီထွင်နိုင်ခဲ့သည်။

သူ၏တစ်သက်တာ တီထွင်ဖန်တီးမှုများကြောင့် ကမ္ဘာ့လူမှုစနစ်တစ်ခုလုံးကို ကြီးမားစွာ ပြောင်းလဲတိုးတက်စေခဲ့သည်။ လျှပ်စစ်မီးသီးတီထွင်ခဲ့မှုအပါအဝင် တီထွင်မှုပေါင်းထောင်ချီကာ မှတ်တမ်းတင်နိုင်ခဲ့သူဖြစ်သဖြင့် အယ်ဒီဆင်ကို ၂၀ ရာစု၏ အကြီးမြတ်ဆုံးတီထွင်သူတစ်ဦးအဖြစ် သတ်မှတ်ဂုဏ်ပြုခဲ့ကြသည်။