စီးပွားရေးကျရှုံးမှုအတွက် ပညတ်ချက် (၁၀)ချက်

ကျွန်တော်သိမြင်လာသည်မှာ လုပ်ငန်းခွင်အတွေ့အကြုံများလာလေလေ မအောင်မြင်မှုများကို ပိုပြီးလက်ခံတတ်လာလေလေဖြစ်သည်ဆိုသည့် အချက်ဖြစ်သည်။ ကိုယ့်ကျဆုံးမှုများ၊ မအောင်မြင်မှုများကို လေ့လာခြင်းဖြင့် မည်သို့အောင်မြင်မှုရအောင်လုပ်မည်ဆိုသည့်အချက်က ပိုမိုအရေးကြီးလာသည်။ ယင်းအတတ်ပညာက အထူးသဖြင့် အင်တာနက်ခေတ်၊ အသိဉာဏ်တုခေတ်တွင် ပို၍အရေးပါလာသည်။ ဒွန်ကီရော့ကိုယ်တိုင်က ယခုစာအုပ်သည် ယခုမှစတင်သော လုပ်ငန်းများထက် အောင်မြင်နေသောလုပ်ငန်းများအတွက် ပိုမိုသက်ဆိုင်လိမ့်မယ်ဟု ဆိုထားသည်။ သို့တိုင် လုပ်ငန်းစထောင်သူတို့ ဖတ်လျှင်လည်း အကျိုးရှိပါသည်။ အနည်းဆုံး ကိုယ်လျှောက်တော့မည့် လမ်းတွင် ဒီလိုခြေလှမ်းမျိုးတွေ လှမ်းမိလာလျှင် သတိမူမိဖို့ အချက်ပြပေးနိုင်ပါသည်။