က္ကစ္ဆာသယစိတ်ပညာ(ပ-ဒု-တ သုံးအုပ်တွဲ)

စိတ်ပညာနယ်သည်၊ လောကကြီးတစ်ခုလုံးလောက် ကျယ်ဝန်းသဖြင့် ဆုံးနိုင်မည်မဟုတ်ပါ။ ပညာအပေါင်းတို့တွင် စိတ်ပညာသည် အမြတ်ဆုံးဖြစ်၏။ စိတ်ပညာမှာ မိမိ၏ စိတ်ကို သိခြင်းသည် အဖိုးတန်ဆုံးသော အသိဖြစ်လေသည်။ သူတစ်ပါးမကောင်းသည်ကို သိမြင်တတ်ကြ၏။ ကိုယ်တိုင်မကောင်းကြောင်းကိုလည်းကောင်း၊ ကိုယ်တိုင်ချွတ်ယွင်းမှုများကိုလည်းကောင်း သိလည်းမသိ၊ သိလည်း မသိလို။ သို့အတွက် သိအောင်လည်း ဂရုမစိုက်ကြပေ။ ကိုယ်တိုင်အပြစ် အနာအဆာကင်းအောင်နေဖို့ အရေးသည် ကြီး၏။ သို့ပါလျက်လူသည် အိမ်နီးချင်း၏ အပြစ်ကိုသာ မြင်အောင်ရှုသည်မှာ လူဒစိတ်သည် အစမှာပင် အလုပ်မှား၍နေခြင်းဖြစ်လေသည်။ သို့အတွက် စိတ်၏အလုပ်မှန်ကန်ခြင်းကို ဤစာအုပ်ငယ်သည် သင်ပြနိုင်ပါစေသတည်း။