တို့မေမေ

မဟာဆွေ၏ ထင်ရှားသော မြန်မာ့နိုင်ငံရေး၊ အမျိုးသား လွတ်မြောက်ရေးလှုပ်ရှားမှုကို တစ်စိတ်တစ်ပိုင်း လှုံ့ဆော်ပေးခဲ့သော ဝတ္ထုတစ်ပုဒ်အဖြစ် မြန်မာစာပေသမိုင်းတွင် ‘တို့မေမေ’ကို အသိအမှတ် ပြုကြသည်။ ဝတ္ထုတစ်ပုဒ်အနေနှင့် သာမန်ဖတ်ရှုသွားပါက သာမန် အချစ်ဖွဲ့ ဝတ္ထုတစ်ပုဒ်ဟုသာ ထင်စရာရှိသော်လည်း မြန်မာ့နိုင်ငံရေး၏ အဓိက ဇာတ်ဆောင်များဖြစ်သော အင်္ဂလိပ်၊ ပြင်သစ်ကဲ့သို့ နယ်ချဲ့များကို ကိုယ်စားပြုသော ဇာတ်ကောင်နှင့် မြန်မာနိုင်ငံနှင့် သီပေါမင်း စသည်ဖြင့် ကိုယ်စားပြု ပြယုဂ်များကို သွယ်ဝိုက်၍ ဇာတ်အိမ်တည်ထားပုံကလည်း စိတ်ဝင်စားစရာ ကောင်းစေခဲ့သည်။ ပြည်ထောင်စုစိတ်ဓာတ်ကို လှုံ့ဆော် ပေးပြီး အမျိုးသားရေးနှင့် လွတ်လပ်ရေးတို့အတွက် မဟာဆွေ၏ ‘တို့မေမေ’မှာ တန်ဖိုးထားအပ်သော ဝတ္ထုတစ်ပုဒ်အဖြစ် ညွှန်းဆိုခံခဲ့ရပေ သည်။