အဆိပ်သင့် နှလုံးသား

ဒီဝတ္ထုဟာ မိခင်ဘဝ၊ ဆုံးရှုံးနစ်နာမှု၊ ကလေးဘဝရဲ့ အပြစ်ကင်းစင်မှုတွေကို ပြင်းပြင်းပြပြ မီးမောင်းထိုးပြထားပြီး အချစ်ဇာတ်လမ်းတွေမှာ ပိုင်နိုင်ကျွမ်းကျင်တဲ့ Danielle Steel ရဲ့ တမူထူးခြားတဲ့ ဟန်နဲ့ ရေးထားတဲ့ စိတ္တဇ သည်းထိတ်ရင်ဖို ဝတ္ထုပါ။

ဇိုးမော်ဂန် အသက် ဆယ်နှစ်အရွယ်မှာ သူ့ဘဝ အရာရာ ပြောင်းလဲသွားတယ်။ သူ့ညီမလေး ရို့စ်ကို ရှားပါးရောဂါကြောင့် ဆုံးရှုံးခဲ့ရပြီး မိဘတွေဟာလဲ သူ့အတွက် သူစိမ်းပြင်ပြင် ဖြစ်သွားလေရဲ့။ ဇိုးရဲ့ အထီးကျန်ငယ်ဘဝဟာ ကျောင်းစာမှာပဲ နှစ်မြှုပ်ထားရင်း ကုန်လွန်ခဲ့ရတယ်။

ယေးတက္ကသိုလ်မှ ဘွဲ့ရတစ်ယောက် ဖြစ်လာတဲ့ ဇိုးက ဆေးကျောင်း ဆက်မတက်တော့ဘဲ ညှဉ်းပန်းအနှိပ်စက်ခံ ကလေးငယ်များအတွက် ဖွင့်ထားတဲ့ နယူးယောက်ရှိ ဂေဟာမှာ အလုပ်လုပ်တယ်။ အဲဒီမှာပဲ ကလေးသူငယ်ဆိုင်ရာရှေ့နေနဲ့ ဆုံဆည်းပြီး သူက ဇိုးဘဝရဲ့ ချစ်ရသူ၊ လက်ထပ်ရမဲ့သူ ဖြစ်လာလေရဲ့။

သူတို့ ဇနီးမောင်နှံရဲ့ ဘဝဟာ ပြီးပြည့်စုံနေပြီး သမီးလေး မွေးလာတော့ ပိုလို့တောင် သာယာပျော်ရွှင်တဲ့ မိသားစုလေး ဖြစ်လာတယ်။ ဒါပေမဲ့ ဇိုးရဲ့ ငယ်ဘဝမှာ ညီမလေး ကွယ်လွန်ခဲ့လို့ ဖြစ်လာတဲ့ စိတ်ပိုင်းဆိုင်ရာ သက်ရောက်မှုတွေဟာ ဘယ်သူမှ စိတ်မကူးရဲတဲ့ အခြေအနေတွေနဲ့ သူတို့မိသားစုဘဝလေးကို ဖျက်ဆီးလိုက်တယ်။ ဇိုးကိုယ်တိုင် သူ့သမီးလေးအပေါ် စွဲလမ်းစိတ်က သူတို့မိသားစုကို ပြိုကွဲစေမှာလား။