ကွန်ဖြူးရှပ်

( 0 မှတ်ချက်)

2000 (ကျပ်)

တရုတ်တွေးခေါ်ပညာရှင် ကွန်ဖြူးရှပ် (ဘီစီ ၅၅၁-၄၇၉) ကို ယနေ့ တရုတ်နိုင်ငံ အရှေ့မြောက်ဖက်ရှိ ရှန်တုန် (shandong) ပြည်နယ်ရှိ လူ (lu) နိုင်ငံငယ်လေးတွင် ဘီစီ ၅၅၁ ခုက ဖွားမြင်သည်။ ငယ်စဉ်ကပင် ဖခင်ဆုံးပါးသဖြင့် မိခင်မုဆိုးမက ကျွေးမွေးစောင့်ရှောက်လာခဲ့သည်။ လူငယ်ဘ၀က အစိုးရဝန်ထမ်းအဖြစ် တာဝန်ထမ်းခဲ့ဖူးပြီး ဝန်ထမ်းသက်အတော်ကြာမှ အလုပ်ထွက်ကာ အတွေးအမြင်များကို စတင်ဟောပြောပို့ချသည်။ ကွန်ဖြူးရှပ်ကို အတွေးအခေါ်ပညာရှင်သာမက ဘာသာရေးရှေ့ဆောင်အဖြစ်လည်း သတ်မှတ်ကြသည်။ ကိုရီးယားကျွန်းဆွယ်တွင် ဘာသာရေးအသွင်ဖြင့် ကိုးကွယ်သေးသည်။ တရုတ်လူမျိုးတို့အတွက်မူ ဘ၀လမ်းပြဒဿနဆရာကြီးအဖြစ် ကြည်ညိုပြီး သူ၏လမ်းစဉ်များကို လိုက်နာကြပါသည်။ ကွန်ဖြူးရှပ်၏ ဆုံးမစာများမှာ အစိုးရအုပ်ချုပ်ရေးကို ပဲ့ကိုင်သည့် လမ်းညွှန်ပြဋ္ဌာန်းချက်များဖြစ်ပြီး တရုတ်လူမျိုးတို့အတွက် ကျင့်ဝတ်၊ အုပ်ချုပ်မှုရေးရာနှင့် လူမှုရေးရာ စံလမ်းညွှန်ချက်များအဖြစ် ယနေ့တိုင် ခိုင်မြဲနေဆဲဖြစ်သည်။

စာမျက်နှာ

112

ပုံနှိပ်မှတ်တမ်း

ပန်းဆက်လမ်းစာပေ၊ 2020 ဇွန်လ၊ (ပ-ကြိမ်)

ဝေဖန်သုံးသပ်မှုများ

  1. Pyae Ar Kar

    တရုတ်လူမျိုးတို့ရဲ့ ကျင့်၀တ်ဆိုင်ရာနဲ့ အတွေးအခေါ်တွေကို မြှင့်တင်ပေးတဲ့ နေရာမှာ ကွန်ဖြူးရှပ်ဝါဒကလည်း ထင်ရှားခဲ့တယ် ၊ တရုတ် ထိုင်၀မ် ကိုရီးယား ဂျပန်နဲ့ ဗီယက်နမ်နိုင်ငံတို့မှာ ကွန်ဖြူးရှပ်ဝါဒ လွှမ်းမိုးခြင်းခံရပြီး wiki ရဲ့ အဆိုအရ ကွန်ဖြူးရှပ်ဝါဒကို လိုက်နာကျင့်သုံးသူပေါင်း ၁.၅ ဘီလီယံလောက်ရှိမယ်လို့ သိရတယ်

    ရိုးရှင်းတဲ့ သူ့အယူအဆတွေဟာ ကမ္ဘာကြီးကို နက်နက်ရှိုင်းရှိုင်း ရိုက်ခတ်ခဲ့တယ် ၊ သူ့ရဲ့အတွေးအခေါ်ကနေ ပြောင်းလဲလာတဲ့ နီယိုကွန်ဖြူးရှပ်ဝါဒနဲ့ မော်ဒန်ကွန်ဖြူးရှပ် ဝါဒ‌ေတွမှာလည်း ကိုယ်ကျင့်တရားဆိုင်ရာ အပြုအမှုတွေ ၊ ဂုဏ်သိက္ခာပိုင်းဆိုင်ရာတွေ ၊ ဆက်ဆံရေးနဲ့ပတ်သက်တာတွေ ကို တိုးချဲ့ပီး ဖော်ပြထားတယ်

    ရှင်သန်စဉ်က သူ့အတွေးအခေါ်တွေကို သူကိုယ်တိုင် ဒီလောက်ပျံ့နှံမယ်လို့ ထင်ခဲ့ပုံမရပါဘူး ၊ သူ့အယူအဆတွေကိုတော့ ခိုင်ခိုင်မာမာယုံကြည်ခဲ့သူတစ်ယောက်ပါ

    သု့ရဲ့ ရိုးရှင်းတဲ့အတွေးအခေါ်တွေကနေ ကြီးမား‌တဲ့ စွမ်းအားတွေ ထွက်ပေါ်လာတာလို့ ယူဆလိုက်တယ် ၊ ဘ၀မျှော်လင့်ချက်နဲ့ပတ်သက်ပြီး အယူအဆတစ်ခုကို အရမ်းသဘောကျတယ် ” ဘ၀၏မျှော်လင့်ချက်သည် ဇွဲလုံ့လပေါ်တွင်မူတည်သည် ၊ မိမိအလုပ်ကို အကောင်းဆုံး လုပ်ကိုင်လိုသူ စက်ပြင်သမားသည် ဦးစွာသူ၏ ပစ္စည်းကိရိယာများကို အကောင်းဆုံးပြင်ဆင်ထားရမည် ”

    အပြုသဘောဆောင်တဲ့အတွေးအခေါ်တွေကို သူရှင်သန်စဉ်က တန်ဖိုးထားခြင်း သိပ်မခံခဲ့ရပါဘူး ၊ ပြည်နယ်အချို့က အုပ်ချုပ်သူတွေကို နိုင်ငံရေးအတွေးအခေါ်တွေ သင်ကြားပေးချင်တဲ့ သူဆန္ဒကို ထိုသူတွေက ငြင်းဆန်ခဲ့ကြပါတယ်

    ဘာပဲပြောပြော တရုတ်အ‌ေတွးအခေါ်သမိုင်းနဲ့ ဝါဒသမိုင်းမှာတော့ ကွန်ဖြူးရှပ်ကို ချန်ခဲ့လို့ မရတာတော့ အသေအချာပါပဲ …..

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

ပန်းဆက်လမ်းအယ်ဒီတာအဖွဲ့ စာအုပ်များ