တိမ်မြေပုံ

( 0 မှတ်ချက်)

10000 (ကျပ်)

မြန်မာစာဖတ်ပရိသတ်ကို ခေတ်ပြိုင် ဗြိတိသျှစာရေးဆရာ ဒေးဗစ်မစ်ချယ်လ်နဲ့ မိတ်ဆက်ပေးလိုက်ပါပြီ။ မူရင်းစာအုပ် Cloud Atlas ကို ၂၀၀၄ ခုနှစ်က ထုတ်ဝေခဲ့ပါတယ်။ ဒီဝတ္ထုမှာ တခုနဲ့တစ်ခု ဆက်နွယ်နေတဲ့ ဇာတ်လမ်း ခြောက်ခု ပါပါတယ်။ အတိတ်ကာလ ၁၉ရာစု တုန်းက ခေါင်လှတဲ့ ပစိဖိတ်တောင်ပိုင်းကနေ ကမ္ဘာပျက်ပြီးလို့ လူ့ဘောင် တဖန် ပြန်စတဲ့ အနာဂတ်ကာလ ဟာဝိုင်ယီကျွန်းအထိ စာဖတ်သူကို ရာစုနှစ်ခြောက်ခုကို ဖြတ်ပြီး ခေါ်သွားမှာ ဖြစ်ပါတယ်။ ဒီစာအုပ်ဟာ ဘဝတွေ အဖန်တလဲလဲ ဖြစ်ခြင်း နဲ့ လူသားသဘာဝဟာ ကမ္ဘာအဝန်း အတူတူပါပဲ ဆိုတာကို ပြောတာပါလို့ စာရေးသူက ပြောပါတယ်။ မြေပုံလို မပြောင်းမလဲတဲ့ လူ့သဘာဝနဲ့ တိမ်တွေလို ပြောင်းလဲ ရွေလျားနေတဲ့ မြင်ကွင်း အထွေထွေကို ဒီစာအုပ် အမည်က ရည်ညွှန်းနေတယ်၊ ဂျပန်ဂီတစာဆို တိုရှီ အီချီယာနာဂီ (Toshi Ichiyanagi) ရဲ့ Cloud Atlas ဆိုတဲ့ တေးရဲ့အမည်ကို သဘောကျလို့ သူ့စာအုပ်ကို ဒီနာမည် ပေးလိုက်တာလို့ လည်း ပြောပါတယ်။ မူရင်းစာအုပ်ဟာ ဗြိတိသျှ ရသစာပေဆု (British Book Awards Literary Fiction)၊ ရစ်ချတ်နဲ့ ဂျူဒီ (Richard & Judy) တို့ရဲ့ တနှစ်အတွင်းအကောင်းဆုံးစာအုပ် (Book of the Year) ဆုတွေကို ရထားပါတယ်။ ထုတ်ဝေတဲ့ နှစ်ရဲ့ မန်ဘုကာဆု( Booker Prize) ရဲ့ ဆန်ခါတင်စာရင်းဝင် ဖြစ်ခဲ့တယ်။ နေဗျူလာ အကောင်းဆုံးဝတ္ထုဆု (Nebula Award for Best Novel)၊ အာသာစီကလတ်ဆု (Arthur C. Clarke Award) စတဲ့ ဆုတွေ ရခဲ့ပါတယ်။ ဆက်နွှယ်နေတဲ့ ဇာတ်လမ်းတွေကို တင်ဆက်ထားရာမှာ ရှေ့ဇာတ်လမ်းကို နောက်ဇာတ်လမ်းရဲ့ အဓိက ဇာတ်ဆောင်က ဖတ်ရတယ်၊ ဒါမှမဟုတ် အဲဒီဇာတ်လမ်းမှာ သူပါ တွေ့ကြုံခဲ့ရတယ် ပေါ့၊ ဒီလိုနည်းနဲ့ ဆဋ္ဌမ ဇာတ်လမ်းထိ သယ်လာပါတယ်၊ ပဉ္စမဇာတ်လမ်းထိ အချက်အချာကျတဲ့နေရာမှာ ပထမပိုင်းကို ရပ်လိုက်ပြီး နောက်ဇာတ်လမ်းတခုကို စပါတယ်။ ဆဋ္ဌမဇာတ်လမ်းမှာပဲ အစအဆုံး ရေးထားပါတယ်၊ ပြီးတော့ ပဉ္စမဇာတ်လမ်းရဲ့ ဒုတိယပိုင်းကို ဆက်ပါတယ်၊ ပြီးမှ စတုတ္ထ…တတိယ… ဒုတိယ…ရဲ့ ဒုတိယပိုင်းတွေ လာပါတယ်၊ နောက်ဆုံးမှာမှ ပထမဇာတ်လမ်းရဲ့ ဒုတိယပိုင်းနဲ့ အဆုံးသတ်ထားပါတယ်။ ဒီလိုနဲ့ အဖွင့်ဇာတ်လမ်း ပထမပိုင်းမှာ တောင်ပစိဖိတ် သမုဒ္ဒရာထဲမှာ ဒုက္ခခံခဲ့ရတဲ့ အာဒံယူးအင်းက ဇာတ်သိမ်းမှာတော့ အမေရိကကို ပြန်ရောက်နေပါပြီ။ ကျွန်စနစ် ပပျောက်ရေးမှာ ပါဝင်လှုပ်ရှားဖို့ ဆုံးဖြတ်လိုက်ပါပြီ။ ဒါကို ကြေးရတတ်ဖြစ်တဲ့ သူ့ယောက္ခမယောက်ျားသူက သဘောမကျဘူး- အော်၊ မင်းကတော့ နိုင်ငံ့အရေးတွေကို ငြင်းယင်း ခုံယင်းနဲ့ပဲ နားကြားပြင်းစရာ ဖြစ်လာမယ်၊… ခေါင်းဖြူလာမယ်၊ မင်းကို ဝိုင်းလို့ တံတွေးထွေးကြမယ်။… တယ်နုံပါလား၊ အိပ်မက်နေတဲ့ အာဒံကပဲ။ လူ့သဘာဝက ခေါင်းတွေ အများကြီးရှိတဲ့ နဂါးကြီးလိုပဲ၊ တိုက်ခိုက်တဲ့သူဟာ ဝေဒနာတွေကိုပဲ ရပေလိမ့်မယ်၊… ထွက်သက်ငင်နေမှ မင်းနားလည်ပေလိမ့်မယ်။ မင့်ဘဝဟာ အနန္တသမုဒ္ဒရာထဲက ရေတပေါက်ထက် မသာပေဘူး။ အဲဒီမှာ အာဒံယူးအင်းက ပြန်မေးပါတယ်_ သမုဒ္ဒရာဆိုသဟာကကော ဘာလဲ၊ ရေပေါက်တွေအနန္တရဲ့ အစုအရုံးပဲ မဟုတ်ဘူးလား။ ဒီစကားလေးကိုပဲ ဆားမြည်းဖို့ ပေးလိုက်ပါရစေ။

စာအုပ်ထွက်မည့်ရက်

29.1.2021

စာမျက်နှာ

647

ပုံနှိပ်မှတ်တမ်း

ဇလပ်နီစာပေ၊ 2021 ဇန်နဝါရီလ၊ (ပ-ကြိမ်)

Out of stock

ဝေဖန်သုံးသပ်မှုများ

ဒီစာအုပ်မှာ ဝေဖန်အကြံပြုချက်များ မရှိသေးပါ

“တိမ်မြေပုံ” စာအုပ်အပေါ် လူကြီးမင်း၏ အမြင်ကို ဝေဖန်သုံးသပ်နိုင်ပါသည်...

Your email address will not be published. Required fields are marked *

ဉာဏ်သစ် စာအုပ်များ