ချေဂွေဗားရား

( 4 မှတ်ချက်)

4500 (ကျပ်)

ပြည်သူတွေ သူတို့လွတ်မြောက်ရေးအတွက် တိုက်ပွဲဝင်တဲ့အခါ ကျူပ်တို့ဟာ သူတို့ကို စိတ်ဓာတ်အာဖြင့် ကူညီနေလို့ မပြီးသေးဘူး။ သူတို့ကို စစ်ရေးအရ အတွေ့အကြုံကြွယ်၀လာအောင် သင်ကြားပေးရမယ်။ ဒါမှလည်း လွတ်မြောက်ရေးတိုက်ပွဲတွေ ဆင်နွှဲအောင်မြင်နိုင်လိမ့်မယ်။

အာနက်စတို ချေဂွေဗားရား (၁၉၂၈-၁၉၆၇) ကို အယ်လ်ချေ သို့မဟုတ် ချေဟု အများကခေါ်ကြသည်။ သူသည် အာဂျင်တီးနားနိုင်ငံသား မာ့က်စ်ဝါဒတော်လှန်ရေးသမား၊ ဆရာဝန်၊ စာရေးဆရာ၊ ပညာတတ်၊ ပြောက်ကျားစစ်ဆင်ရေးကျွမ်းကျင်သူ၊ သံတမန်နှင့် စစ်ရေးသီအိုရီ ဖော်ထုတ်သူဖြစ်သည်။ ကျူးဘားတော်လှန်ရေးတွင် အရေးပါသော ခေါင်းဆောင်တစ်ဦးဖြစ်ပြီး သူ၏မျက်နှာပုံသည် ယဉ်ကျေးမှုကို ဆန့်ကျင်ပုန်ကန်သူတို့၏ ပြယုဂဂ်အဖြစ် နေရာအနှံ့တွေ့နိုင်ပြီး ခေတ်သစ်ယဉ်ကျေးမှုအတွက် တစ်ကမ္ဘာလုံးက လက်ခံသုံးစွဲသည့် အမှတ်အသားတစ်ခုလည်းဖြစ်သည်။

ချေဂွေဗားရားသည် ငယ်ရွယ်စဉ် ဆေးကျောင်းသားဘ၀ လက်တင်အမေရိကတစ်လျှောက် ခြေဆန့်ခရီးထွက်ခဲ့ပြီး ပြည်သူတို့ ဆင်းရဲတွင်းနက်နေမှုများကို တွေ့မြင်ခဲ့ရာမှ အတွေးအခေါ်များ ပြောင်းလဲလာခဲ့သည်။ ထိုခရီးစဉ်များတွင် ကြုံခဲ့ရသော အတွေ့အကြုံများနှင့် လေ့လာတွေ့ရှိမှုတို့အရ ဒေသအတွင်း စီးပွားဥစ္စာမညီမျှမှုတို့သည် အရင်းရှင်စနစ်၊ လက်ဝါးကြီးအုပ်မှု၊ ကိုလိုနီလက်သစ်စနစ်နှင့် ပဒေသရာဇ်စနစ်တို့ကြောင့်ဖြစ်သည်ဟု ကောက်ချက်ချခဲ့သည်။ ထိုမညီမျှမှုတို့ကို ပယ်ဖျက်ရန် ကမ္ဘာလုံးဆိုင်ရာ တော်လှန်ရေးလိုအပ်သည်ဟုလည်း ယူဆခဲ့သည်။

စာမျက်နှာ

224

စာအုပ်အရွယ်အစား

5.5 × 0.3 × 8.2 inches

ပုံနှိပ်မှတ်တမ်း

ပန်းဆက်လမ်း၊ ၂၀၂၁ မတ်လ၊ (ဒု-ကြိမ်)

15 in stock

ချေဂွေဗားရား အား ဝေဖန်သုံးသပ်မှု 4 ရှိပါသည်။

  1. Jai hurng

    သူစာအုပ်တွေထဲက ဘယ်နှစ်အုပ်လောက်ရှိလဲ အတူတူပဲလားဆရာတို့

  2. Pyae Ar Kar

    တော်လှန်ရေးသမိုင်းမှာ ကျူးဘားတော်လှန်ရေးရဲ့ ခေါင်းဆောင် ချေဂွေဗားရားကို လူတော်တော်များများသိကြတယ် ..

    သူဟာ ငယ်စဉ်ကလေးဘ၀ကတည်းက စာအုပ်တစ်ဖက် သေနတ်တစ်ဖက်နဲ့ ကြီးပျင်းလာခဲ့သူဖြစ်ပြီး မတရားမှုတွေကိုတော်လှန်ဖို့ ဆေးထိုးအပ်ကိုစွန့်ကာ သေနတ်ကို လွယ်ခဲ့တယ် ..

    ဒီလိုတော်လှန်ဖို့ ဖြစ်လာတဲ့ အကြောင်းအရင်းကတော့ သူ့ဇာတိ အာဂျင်တီးနားနိုင်ငံရဲ့ တပ်မတော်မှ ဗိုလ်မှုးကြီးပီရွန်ဟာ ဖက်ဆစ်ဝါဒကို စွဲကိုင်ပြီး အာဏာသိမ်းလိုက်တဲ့အတွက်ကြောင့်ဖြစ်တယ် ..

    ပီရွန်ဟာ ဟစ်တလာကို ၀ပ်တွားဆည်းကပ်ခဲ့ပြီး ဖက်ဆစ်ဝါဒကို လက်ဆင့်ကမ်း အမွေယူခဲ့တာကြောင့် အာဂျင်တီးနားကို ဖက်ဆစ်ဝါဒနဲ့ အကြမ်းဖက် အုပ်ချုပ်ခဲ့တယ် ..

    ချေဟာ တော်လှန်ဖို့ကြိုးစားရင်း ကျူးဘားပြည်က ကပ်စထရိုနဲ့တွေ့တယ် .. ကပ်စထရိုဆိုတာကလည်း ကျူးဘားပြည်ရဲ့ တော်လှန်ရေးသမိုင်းမှာ ချေဂွေဗားရားနည်းတူ နာမည်ကျော်ကြားတဲ့သူ တစ်ဦးဖြစ်တယ် ..

    သူတို့နှစ်ဦးကနေ စတင်ပြီး ခေါင်းဆောင် ၁၂ ယောက်ပါ၀င်တဲ့ တော်လှန်ရေးကြီးဟာ ကျူးဘားတော်လှန်ရေးရဲ့ သမိုင်း၀င်ဖြစ်ရပ်ကြီး ဖြစ်ပွားစေခဲ့တယ် ..

    သူတို့ရဲ့ တော်လှန်ရေး လှုပ်ရှားမှုတွေရယ် ၊ ချေဂွေဗားရားရဲ့ ကိုယ်တိုင်ရေး မှတ်တမ်းဆောင်းပါးရယ် ၊ ချေရဲ့ နောက်ဆုံးနေ့ရက်တွေရယ်ကို မြင်တွေ့နိုင်တာကြောင့် ချေဂွေဗားရားအကြောင်းကို သိချင်သူတွေအတွက် ပေါ့ပေါ့ပါးပါး ဖတ်ရှုနိုင်တဲ့ စာအုပ်တစ်အုပ်အဖြစ် ညွှန်းလိုက်ပါတယ် …..

    #ချေဂွေဗားရားအတ္ထုပ္ပတ္တိ
    #ရဲနောင်ထွဋ်
    #ပန်းဆက်လမ်း

    #PyaeArKar

  3. Aung Some Moe

    Give 5 Star

  4. Mi Shweyee Win Htet (verified owner)

    ကျူဘားတော်လှန်ရေးရဲ့ သူရဲကောင်ဖြစ်တဲ့အပြင် အခြားနိုင်ငံတွေအပါအဝင်၊အိမ်နီးချင်းနိုင်ငံတွေ အတွက် စွန့်စားပြီး အလိုလို တော်လှန်နေတဲ့ သူရဲကောင်း ချေဂွေဗားရား။

    သူသည်ငယ်ရွယ်စဉ် ဆေးကျောင်းသားဘဝကတည်းက ပြည်သူတို့ရဲ့ဆင်းရဲတွင်းနက်နေမှုများပို တွေ့ဖြစ်ခဲ့ရာမှ အတွေးအခေါ်တွေစပြီးပြောင်းလဲလာခဲ့တယ်။ဒေသအတွင်း စီးပွားဥစ္စာ မညီမျှမျှမှု၊အရင်းရှင်းစနစ်၊လက်ဝါးကြီးအုပ်မှု စတဲ့ မတရားမညီမျှမှုတွေကို ပပျောက်အောင် ကမ္ဘာလုံးဆိုင်ရာ တော်လှန်ရေးလိုအပ်သဘည်ဟုလည်း ယူဆခဲ့သည်။ထိုအချိန်ကစပြီး တော်လှန်းရေးကို နည်းအမျိုးမျိုးနဲ့စတင်ခဲ့တယ်။
    တော်လှန်ရေးကာလ တစ်လျှောက်လုံးမှာ ရင်ဆိုင်ခဲ့ရတဲ့ ရန်သူတွေရဲ့ တိုက်ခိုက်နည်းတွေကို ပြောက်ကျားစစ်ဆေးရေးနည်းတွေနဲ့ ကျူးဘားနိုင်ငံအတွက် တိုက်ခိုက်အနိုင်ယူ ခဲ့ပေမဲ့ အခြားနိုင်ငံကိုမူ မကယ်တင်နိုင်ခဲ့ပါဘူး။

    #ပင်ဒိုရာ
    “ဘာဖြစ်လို့ ဘိုလီဗီးယားမှာတော်လှန်ရေးလာလုပ်တာလဲ။တောင်အမေရိကရဲ့ အဆင်းရဲဆုံးကိုမှ ဘာဖြစ်လို့ ရွေးရတာလဲ။
    ခင်ဗျာ ဘိုလီဗီးယားကိုစွန့်စားခန်းအနေနဲ့ ရွေးတာကိုက အစကတည်းက အမှားပဲဗျာ’
    #ချေဂွေဗားရား
    “တော်လှန်ရေးဆိုတာ စွန့်စားခန်းမှမဟုတ်တာ”
    ________________
    ဂျေဂွေဗားရားရဲ့ ပြောစကားများ

    “တော်လှန်ရေးမှာ ခေါင်းဆောင်ဆိုတာ မရှိဘူး ရဲဘော်”

    “ပြည်သူတွေသူတို့လွတ်မြောက်ရေးအတွက် တိုက်ပွဲဝင်တဲ့အခါ ကျုပ်တို့က သူတို့ကို စိတ်ဓာတ်အားဖြင့် ကူညီနေလို့ မပြီးသေးဘူး။ သူတို့ကို စစ်ရေးအရ အတွေ့အကြုံကြွယ်ဝလာအောင် သင်ကြားပေးရမယ်။ ဒါမှလည်း လွတ်မြောက်ရေးတိုက်ပွဲ တွေဆင်နွှဲအောင်မြင်လိမ့်မယ် ။”

    “မင်းငါ့ကိုသတ်ဖို့လာတယ်ဆိုတာ ငါသိတယ်။ကဲ့ ပစ်စရာရှိတာပစ် ကွာ။သူရဲဘောကြောင်တဲ့ကောင်ပစ်။ မင်းက လူသတ်ဖို့ပဲဖြစ်လာတဲ့ကောင်ပဲ ။”

    ချေသည် ‌ကျည်ဆံတစ်ပြုံတစ်တွဲကြီးနှင့်ကျဆုံးသွားရ၏။
    ချေ၏ အလောင်းကို လက်နှစ်ဖက်မပါဘဲနဲ့ မြှုပ်နှံထားကြတာကိုညပြန်တွေ့ခဲ့ပြီးနောက်ပိုင်း ကျူးဘားနိုင်းငံ၏ မြို့တော်တစ်နေရာမှာ ဇာဇာနည်ဗိမာန်အဖြစ် ထားရှိကြသည် ။

    💥💥
    ကျူးဘားနိုင်ငံ ဗိုလ်ချုပ်ကြီး၊ဘဏ်ဥက္ကဌ၊သူရဲကောင်း၊အာဇာနည်ကြီးဖြစ်သည့် ချေဂွေ‌ဗားရားသည်ကား မကောင်းသူတွေဘယ်လိုပဲအလောင်းဖျောက်ဖျောက် ပြည်သူတွေရဲ့ နှလုံးသား၊ကမ္ဘာသူ၊ကမ္ဘာသားတို့၏ အသဲအိမ်ထဲမှာ ဘယ်သောအခါမှ ပျောက်ပျက်မသွား။သူရဲကောင်းက သူရဲကောင်းသာပင်။အများအကျိုးအတွက် အသက်စွန့်လွှတ်ပေးဆပ်ရဲသော သူရဲကောင်းတို့သွားရာလမ်းက အောင်မြင်ပျော်ရွှင်မှုပန်းတွေအပြိုင်အရိုင်း ပွင့်ဆကြလေပြီ။လူသားကမ္ဘာမှာ တော်လှန်ရေးသမား အာဇာနည်တွေကို လေးစားကြည်ညိုနေကြသည်။ကမ္ဘာတည်သရွေ့သာတည်း။

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published.

ရဲနောင်ထွဋ် စာအုပ်များ