ကော်ဖီတွေအေးမသွားခင်

( 1 မှတ်ချက်)

4200 (ကျပ်)

သင် အတိတ်ကို သွားခွင့်ရမယ်ဆိုရင် ဘယ်သူနဲ့ ပြန်တွေ့ချင်ပါသလဲ။
ဒါမှမဟုတ် အနာဂတ်ကို သွားခွင့်ရမယ်ဆို ဘာတွေကြိုသိချင်ပါသလဲ…….။

 

တိုကျိုမြို့ရဲ့လမ်းကြိုလမ်းကြားတစ်နေရာမှာရှိတဲ့ မြေအောက်ကော်ဖီဆိုင်သေးသေးလေးတစ်ဆိုင်က ဧည့်သည်တွေကိုတစ်မူထူးခြားတဲ့ ဝန်ဆောင်မှုတစ်ခုပေးတယ်။ အဲ့ဒါက အတိတ်၊ ဒါမှမဟုတ် အနာဂတ်ကိုသွားပြီး ကိုယ်တွေ့ချင်တဲ့ လူတစ်ယောက်နဲ့ တွေ့ဆုံခွင့်ပေးတာပါပဲ။ ဒါပေမယ့် စည်းမျဉ်းတွေ၊ သတ်မှတ်ချက်တွေရှိနေတာကြောင့် ကော်ဖီဆိုင်လာတဲ့ ဧည့်သည်တိုင်းက အဲဒီ့အတွေ့အကြုံကို ခံစားခွင့်မရကြဘူး။
လူလေးယောက်ကတော့ အကြောင်းကြောင်းသော အကြောင်းကြောင်းတွေကြောင့် အချိန်ခရီးသွားဖို့ ဖြစ်လာခဲ့တယ်။ အဲဒီလူလေးယောက်က တစ်ယောက်နဲ့တစ်ယောက် တစ်နည်းနည်းနဲ့ ပက်သက်ဆက်နွယ်နေကြပေမယ့် ဇာတ်လမ်းတွေကတော့ တစ်ပုဒ်နဲ့တစ်ပုဒ် မတူညီကြလို့ ဆက်စပ်မှုမရှိတဲ့ ၀တ္ထုလတ်လေးပုဒ်ကို ဖတ်ရသလို ခံစားရစေပါလိမ့်မယ်။ စာအုပ်တစ်အုပ်လုံးက ကော်ဖီဆိုင်သေးသေးလေးထဲမှာပဲ ပြီးသွားတာဟာ ဒီစာအုပ်ရဲ့ ထူးခြားချက်င်္တွေထဲက တစ်ခုလို့ ပြောနိုင်ပါတယ်။

စာမျက်နှာ

237

စာအုပ်အရွယ်အစား

5.4 x 0.5 x 8.2 inches

ပုံနှိပ်မှတ်တမ်း

ကံ့ကော်ဝတ်ရည်စာပေ၊ 2021 ဖေဖော်ဝါရီလ (ပ-ကြိမ်)

1 in stock

ကော်ဖီတွေအေးမသွားခင် အား ဝေဖန်သုံးသပ်မှု 1 ရှိပါသည်။

  1. Motivated Yourself

    ကော်ဖီပူပူလေး တစ်ခွက်လောက်သောက်ပြီး နောက်တစ်ခေါက် ထပ်ဖတ်ဖြစ်ဦးမယ့် စာအုပ်လေးတစ်အုပ်အကြောင်း……
    “ကော်ဖီတွေ အေးမသွားခင်” တဲ့……ကျွန်မဒီစာအုပ်လေးဖတ်ဖြစ်တဲ့ အကြောင်းအရင်းလေးကတော့ အချိန်ခရီးသွားခြင်း ( time travel) အကြောင်းကို ဇာတ်ကားတွေသာကြည့်ဖူးပြီး စာအုပ်မဖတ်ဖူးတာကတစ်ကြောင်း….. ဆရာမျိုးဇော်ဝင်းရဲ့ ‘ကြောင်တွေမရှိတဲ့ကမ္ဘာ’ စာအုပ်လေးဖတ်ပြီးကတည်းက ဆရာ့ရဲ့စာအုပ်လေးတွေထပ်ဖတ်ချင်မိတာက တစ်ကြောင်း……ဒီစာအုပ်လေးဖတ်ဖြစ်ခဲ့တာပါပဲ… ..this book is my favorite one too…..ကျွန်မတစ်ကယ့်ကို ကြိုက်နှစ်သက်မိတဲ့ ဘာသာပြန်စာအုပ်လေးတစ်အုပ်ပါ…..
    ကျွန်မတို့ အားလုံးဟာ ပစ္စုပ္ပန်မှာ နေဖို့ ကြိုးစားနေကြပါတယ်…..အတိတ်ကို ခနခနပြန်မတွေးနေချင်သလို အနာဂတ်အတွက်လည်း ပူပန်ပြီး မနေချင်ကြပါဘူး……ဒါပေမယ့် နေ့တိုင်း အတိတ်ကိုပြန်သွားနေတတ်ပြီး အနာဂတ်အတွက်လည်းပူပန်မိနေတတ်ကြပါတယ်……သင်သာ အချိန်ခရီးသွားခွင့်ရှိမယ်ဆိုရင် အတိတ်ကိုပြန်သွားချင်လား အနာဂတ်ကိုကြိုသွားချင်လား…… ဒီစာအုပ်လေးက အချိန်ခရီးသွားခြင်းစာအုပ်လေးတစ်အုပ်ပါ……
    တိုကျိုမြို့ရဲ့ လမ်းကြိုလမ်းကြားထဲမှာရှိတဲ့ ထူးခြားတဲ့ ကော်ဖီဆိုင်လေးတစ်ဆိုင်အကြောင်း…..အဲ့ဆိုင်လေးရဲ့ထူးခြားချက်က……သင် အဲ့ဒီဆိုင်ရဲ့ နေရာတစ်နေရာကနေ အတိတ်ကိုလည်းသွားနိုင်သလို အနာဂတ်ကိုလည်းသွားနိုင်တယ်…..ကိုယ်အတိတ်မှာပဲဖြစ်ဖြစ် အနာဂတ်မှာပဲဖြစ်ဖြစ် တွေ့ဆုံချင်တဲ့သူနဲ့ တွေ့ဆုံခွင့်ရမယ်……ဒါပေမယ့် စည်းမျဥ်းလေးတွေတော့လိုက်နာဖို့လိုမယ်….. time travel လာလုပ်တဲ့သူတွေ တော်တော်များများ လက်လျော့သွားတာ ဒီစည်းမျဥ်းတွေကြောင့်ပဲ…..ဘယ်လို စည်းမျဥ်းတွေလိုက်နာဖို့လိုမလဲ စဥ်းစားကြည့်ပေါ့နော်…….
    ပါဝင်တဲ့ဇာတ်ကောင် ၄ ၅ ၆ ယောက်နဲ့တင် ကော်ဖီဆိုင်လေးထဲမှာပဲ ပြီးဆုံးသွားတာကတော့ စာအုပ်လေးရဲ့ထူးခြားချက်လို့ပြောလို့ရပြီး ဖတ်လို့တော်တော်ကောင်းပါတယ်……ကျွန်မပါ ကော်ဖီဆိုင်လေးထဲ ထိုင်ပြီး ဇာတ်လမ်းထဲကလူတွေ စကားပြောတာ လိုက်နားထောင်နေမိသလို feeling လေးဆို တော်တော်လေး ခံစားလို့ကောင်းတယ်…..ဝမ်းနည်းပူဆွေးမှု ဝမ်သာကြည်နူးမှု စိတ်လှုပ်ရှားမှု ထိတ်လန့်မှုလေးတွေပါ ခံစားရစေပါတယ်…..
    သင်ရော အတိတ်ကိုပြန်သွားချင်သူလား…..အနာဂတ်ကိုကြိုသွားချင်သူလား……သင်အတိတ်ကို သွားခွင့်ရမယ်ဆို ဘယ်သူနဲ့တွေ့ချင်ပါသလဲ…….အတိတ်ဖြစ်ဖြစ် အနာဂတ်ဖြစ်ဖြစ်သွားမယ်ဆိုရင်တော့ ပစ္စုပ္ပန်ကို ကော်ဖီတွေ အေးမသွားခင် ပြန်ရောက်ဖို့တော့လိုမယ်နော် ☕
    Thae JM

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

မျိုးဇော်ဝင်း စာအုပ်များ