အရိုးတောင်ပေါ်ကအနက်ရောင်ဒိုဇာ

( 2 မှတ်ချက်)

2500 (ကျပ်)

ဗိုလ်ကြီးဟောင်း စာရေးဆရာများ၏ ကိုယ်တွေ့စစ်မြေပြင်အတွေ့အကြုံများကို ဇာတ်ကြောင်းဖွဲ့ ရေးသားထားသည့် ဇာတ်လမ်း(၅) ပုဒ် ပါဝင်ပြီး ဖြစ်ရပ်မှန်များဖြစ်သည့်အတွက် စိတ်ကူးယဉ်ထားသည့် ဇာတ်လမ်းများထက် လက်တွေ့လောကကို ထင်ဟပ်စေပါသည်။ စိတ်ကူးယဉ်ဇာတ်လမ်းများထက် များစွာ အံ့ဩဆန်းကြယ်သည့် ဖြစ်ရပ်များကို ဖတ်ရှုရမှာဖြစ်ပါသည်။

ကျောတစိမ့်စိမ့်ဖတ်ရမည့် ပရလောကဖြစ်ရပ်ဆန်းများ အဓိကပါဝင်သလို စစ်ပွဲအတွေ့အကြုံ၊ စစ်မြေပြင်မြင်ကွင်းများနှင့် အသက်ကိုလောင်းကြေးထပ်ရသည့် စစ်သားများ၏ ဘ၀တွေ့ကြုံမှုတွေကိုလည်း သုတ ရသ ခံစားမှုအစုံဖြင့် ဖတ်ရှုရမှာဖြစ်ပါသည်။

စာမျက်နှာ

127

စာအုပ်အရွယ်အစား

5.5 × 0.4 × 8.2 inches

ပုံနှိပ်မှတ်တမ်း

ပန်းဆက်လမ်းစာပေ၊ စက်တင်ဘာလ (ပ-ကြိမ်)

အရိုးတောင်ပေါ်ကအနက်ရောင်ဒိုဇာ အား ဝေဖန်သုံးသပ်မှု 2 ရှိပါသည်။

  1. Nyi Nyi Tun (verified owner)

    ဒီစာအုပ်လေးက စစ်မြေပြင်မှာကြုံတွေရတဲ့စစ်သားတို့ရဲ့အခက်အခဲတွေ ဘဝပုံစံတွေကိုအရင်မြင်ယောင်မိတယ်။စာအုပ်ထဲမှာဇာတ်လမ်း၅ပုဒ်ပါပီး ဖတ်နေရင်းစာအုပ်ထဲကဇာတ်လမ်းထဲရောက်သွားသလိုဖြစ်ရလောက်အောင်ကောင်းလွန်းပါတယ်။ဖတ်နေရင်း အချိန်ကုန်သွားမှန်းတောင်မသိအောင်ဖြစ်ခဲ့ရပါတယ်။ကြောက်ဖို့လည်းကောင်းပါတယ်။နောက်ဆုံးဇာတ်လမ်းကတော့ကျနော်အကြိုက်ဆုံးဇာတ်လမ်းလေးပါ ။စစ်သားတယောက်ရဲ့ချစ်ခြင်းနဲ့ တာဝန် တစ်ဖက်မှလည်း သစ္စာတရားစတဲ့အာပြိုင်မူ တွေမြင်တွေ့ရမယ့် ကြေ ကွဲဝမ်းနည်းဖွယ်ဖတ်ခဲ့ရပါတယ်။ ဖတ်ပြီးသည့်ထိရင်ထဲစွဲခဲ့ရပါတယ်။

  2. Hlaing Thin Zat Aung

    တကယ့်စစ်မြေပြင်မှာ ကိုယ်တိုဂ်ရောက်သွားသလို အသည်းတယားယား ရင်တဖိုဖို ဖြစ်စေမှာပါ မီးပျက်ရင်တော့ ခဏလေး နားထားဖို့ လိုမယ်ရှင့် 😁😁

  3. Pyae Ar Kar (verified owner)

    #စစ်မြေပြင်မှပရလောက အကြောင်းကို ဖတ်ချင်သူများအတွက်

    နယ်ပယ်အသစ်တစ်ခုကိုရောက်သွားတဲ့အခါမှာ လူကြီးသူမတွေက မြင်အပ် မမြင်အပ် နှစ်ရပ် သတ္တဝါတွေကို မစော်ကားမိစေနဲ့လို့ ပြောဆိုဆုံးမလေ့ရှိတယ် ၊ အနက်ရောင်ဒိုဇာဆိုတဲ့ ဇာတ်လမ်းလေးမှာ အရိုးတောင်လို့ခေါ်တဲ့ ကရင်လူမျိုးတွေရဲ့ ရိုးရာသင်္ချိုင်းလေးကို ဘူဒိုဇာနဲ့ ထိုးမိလို့ မြင်အပ် မမြင်အပ် သတ္တဝါတွေက တုန့်ပြန့်တာကို တော်တော်လေး ခံလိုက်ရတာ တွေ့ရတယ်

    တပ်ထဲမှာ အမိန့်မနာခံဘဲ လူတစ်ယောက်ကိုသတ်ပြီး ကိုယ့်ကိုယ်ကိုလည်း Sucide လုပ်သွားတဲ့ လူတစ်ယောက်ကို ဝိညာဥ်ဘ၀နဲ့လည်း တပ်ရဲ့ လုံခြုံရေးကို တာ၀န်ဆက်လက်ထမ်းဆောင်စေတယ် ၊ သူ ဝိညာဉ်ဘ၀နဲ့ တပ်ကို ဘယ်လို ကာကွယ်ခဲ့လဲဆိုတာကတော့

    ကျင်းကိုးကျင်းပြည့်ရင် သရဲရွာတစ်ရွာ တည်လို့ရလားဆိုပြီး စဉ်းစားမိသွား‌ေစတဲ့ ဇာတ်လမ်းလေးတစ်ပုဒ်ကိုလည်း တွေ့ရတယ် ၊ တပ်ကြပ်ကြီးမောင်ညိုတစ်ယောက် အိပ်မက်မက်ပြီး မြင်ကွင်းတစ်ခုကိုမြင်လိုက်ရတယ် ၊ မြင်ကွင်းက သူတို့နဲ့ တပ်ချင်းချိန်းလိုက်ပီးသားလူတွေက သူတို့ ရှင်းလင်းထားတဲ့ ကုန်းတစ်ခုမှာ ကျင်းတစ်ကျင်း တူးနေတယ် ၊ ဘာလို့တူးနေလဲမေးတော့ အထက်ကတူးခိုင်းတာဖြစ်ပြီး လောလောဆယ် ကျင်းရှစ်ကျင်း ရှိတာကြောင့် နောက်တစ်ကျင်းရှိပီဆို ရွာတည်လို့ ရပြီလို့ သူ့ကိုပြောတယ် ၊ သူတို့တူးနေတဲ့ အဲ့ကျင်းက ဘယ်သူ့အတွက်ဖြစ်မလဲ

    နောက်တစ်ယောက်က ကြိုးကွင်းလေးထဲမှာတွေ့တဲ့ မြင်ကွင်းကို ပိုစိမ်းလန်းတယ်ဆိုပြီး Sucide လုပ်သွားသူအကြောင်း ၊ သူ့မှာလည်း သူ့အကြောင်းနဲ့သူတော့ ရှိပါတယ်လေ

    နောက်ဆုံးတစ်ခုက အချစ်ရေးထက် တာ၀န်ကို ဦးစားပေးလိုက်တဲ့ ရဲဘော်မောင်ကြီးရဲ့ အကြောင်း ၊ ဖြစ်ပုံက သူက ကချင်တိုင်းရင်းသူလေးတစ်ယောက်နဲ့ချစ်ကြိုက်မိပြီး ရိုးမြေကျ ပေါင်းသင်းပါမယ်လို့ ကချင်နတ်တပါးရှေ့မှာ လက်မောင်းသွေးဖောက်ပြီး တူနှစ်ကိုယ် သစ္စာဆိုခဲ့တယ် ၊ ဒီဇာတ်လမ်းလေးကိုဖတ်ပြီး တာ၀န်နဲ့ သစ္စာတရား ဘယ်အရာကို ပိုအလေးပေးသင့်လဲဆိုတာကို တွေးကြည့်မိသွားတယ် …

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

ကပ္ပတိန်၀န စာအုပ်များ