အဝါရောင်ညနေခင်း
2500 (ကျပ်)
” တစ်ယောက်ကို တစ်ယောက် အသက်ထက်ဆုံးခွင့်လွှတ်ရင်း
မမြဲခြင်းတရားကို လက်ခံရင်း
မသေချာသေးသော ကိုယ့်အနားမှာရှိလာမယ့်
တခြားသော လက်တွေကို မြဲမြဲဆုပ်ကိုင်ရင်း
ကိုယ်တို့ သတိရနေကြရအောင် ”နွေသစ်ငြိမ်း
(စာအုပ်ကျောဖုံးပါ ကောက်နှုတ်ချက်)
ယခု စာအုပ်လေးသည် ဆရာနွေသစ်ငြိမ်း၏ စတုတ္ထမြောက် ထွက်ရှိလားသည့် စာအုပ်လေးတစ်အုပ်ဖြစ်ပြီး လူငယ်ဘ၀အတွေ့အကြုံ ခံစားချက်များကို ရေးသားဖွဲ့သီထားသည့် စာအုပ်ကောင်းတစ်အုပ်ဖြစ်ပါတယ်။
| စာမျက်နှာ | 116 |
|---|---|
| စာအုပ်အရွယ်အစား | 5.2 x 0.2 x 8.2 inches |
| ပုံနှိပ်မှတ်တမ်း | ချန့်ချန်စာပေ၊ 2020 စက်တင်ဘာလ (ပ-အကြိမ်) |
Out of stock
နွေသစ်ငြိမ်း စာအုပ်များ
-
နွေသစ်ငြိမ်းလရိပ်မှာလွမ်းရတယ်
3500 (ကျပ်) -
နွေသစ်ငြိမ်းစံပယ်ပွင့်လေးခေါင်းပေါ်တင်
3500 (ကျပ်)
Pyae Ar Kar –
ညီမလေးတစ်ယောက်ကပြောတယ် အစ်ကို ဒီစာအုပ်လေးဖတ်ကြည့် သူအရမ်းကြိုက်တယ်တဲ့ ၊ စာအုပ်လေးကို လှန်ကြည့်မိတော့ ကိုယ့်ရင်ကိုထိစေသော ကဗျာလေးတစ်ပုဒ်စတွေ့လိုက်တယ်
” လူတစ်ယောက်မှာ စကားပြောဖော် နောက်ထပ်လူတစ်ယောက်ကတော့ ရှိဖို့လိုတယ် …
ကိုယ်တိုင်က မပြောဖြစ်ရင်တောင် တစ်ခုခုကို အစပြုပေးမယ့်လူမျိုး …
အရမ်းတိတ်ဆိတ်နဲ့ညနေတွေ ၊ အိပ်လို့မပျော်တဲ့ မိုးသည်းချိန်တွေ ၊ တောင်စဉ်ရေမရ အတွေးတွေ ၊ ရူးချင်နေတာတွေ ၊ အဲဒီလိုအခက်အခဲတွေကို ဖြိုခွင်းပေးမယ့် (ဖြေရှင်းပေးမယ့်) အဆင်မပြေမှုတွေထဲက ကယ်ထုတ်ပေးသွားမယ့် အသံတစ်သံ သိုမဟုတ် အကြောင်းအရာတစ်ခုခုတော့ ရှိနေမှ ဖြစ်မှာပါ ၊ ကျွန်တော်တို့ တကယ်လိုအပ်ကြတယ် …
တစ်လောကလုံးက ဝိုင်းဟားနေရင်တောင် ကိုယ့်ဆီမှာ အမှန်အကန် ရှိနေပြီး တစ်ယောက်တည်းသော စာနာတတ်တဲ့ မျက်၀န်းတွေကို … ”
(မှောင်မိုက်သောတနင်္ဂနွေ-၂)
ဆက်ဖတ်တော့ ” စာအုပ်တွေပဲ စုဆောင်းပါ ” ဆိုတဲ့ ခေါင်းစဉ်လေးတွေ့တယ် ၊ ကိုယ်က စာအုပ်ပဲ စုတဲ့ လူဆိုတော့ ကဲ Feel ကြည့်ပီလေပေါ့ ၊ ဖတ်နေရင်းနဲ့ လက်ရှိဘ၀မှာ ကိုယ်ဖြစ်နေတဲ့ ခံစားချက်လေးနဲ့ တူနေတာကို တွေ့ရလို့ ဟာခနဲ တောင်ဖြစ်သွားတယ် ၊ ဟုတ်တယ် သူပြောထားသလို ” ဘယ်တော့မှ မျှော်လင့်သလောက် ပြန်မရတဲ့ ကမ္ဘာမှာ နည်းနိုင်သမျှ အထိအရှကင်းအောင် နေထိုင်ရမယ် ”
ဒီစာအုပ်လေးထဲမှာ ကိုယ့်အိမ်မက်လေးတစ်ခုကိုေတွ့ရတယ် ၊ တစ်စုံတစ်ယောက်ကိုတော့ အဲ့အကြောင်းလေး ဖတ်ပြဖြစ်မှာပါ ၊ စာမျက်နှာ ၅၈ က နံပါတ် ၁၄ …
ဒီထဲမှာပါတဲ့ တချို့အကြောင်းအရာလေးတွေဟာ ကိုယ်နဲ့မတိုက်ဆိုင်ပေမယ့် ခံစားလို့ကောင်းတယ် ၊ တိုက်ဆိုင်တဲ့ စာသားတွေကျတော့ ထပ်တလဲလဲ Feel ဖြစ်တယ် ၊ အက်ဆေးလေးတွေဆိုလည်း တစ်ပုဒ်ဖတ်ပြီးတိုင်း ရင်မောသွားစေတယ် …
” ဘယ်ကမ္ဘာမြေပေါ်မှာမှ
အမြစ်စွဲ ရှင်သန်ခွင့်မရတဲ့
သစ်ပင်လေးတစ်ပင်လို
ကိုယ့်ကိုယ်ကို
ထင်နေရတာမျိုးဟာ
တကယ် အဆင်မပြေဘူး “