အာဏာသိမ်းပွဲနှင့် ဘာသာပြန်သူစိတ်ကြိုက် ဂျက်ဖရီအာချာ၏ ၀တ္ထုတိုများ

( 0 မှတ်ချက်)

3500 (ကျပ်)

ဗြိတိသျှ စာရေးဆရာကြီး ဂျက်ဖရီ အာချာ၏ ထွက်ရှိခဲ့သော ဝတ္ထုတို ၆ အုပ်မှ အကြိုက်ဆုံး ၁၂ ပုဒ်ကို ရွေးထုတ်ပြန်ဆိုထားခြင်း ဖြစ်သည်။ သွက်လက်သော ရေးဟန်၊ စိတ်ဝင်စားဖွယ်ကောင်းသော ဇာတ်လမ်းဇာတ်ကွက်များကြောင့် မြန်မာစာဖတ်ပရိသတ်နှင့် လုံးဝ ရင်းနှီးနေပြီးသူလည်း ဖြစ်သည်။ ယခု ဝတ္ထုတိုများသည် အာချာ ထောင်နန်းစံခဲ့ရစဉ်က ဘဝတူ အကျဉ်းသမားများ၏ ဇာတ်လမ်းများ၊ သူ၏ ခရီးသွားအတွေ့အကြုံများ၊ ကိုယ်ပိုင် စိတ်ကူးစိတ်သန်းများဖြင့် ရေးဖွဲ့ထားသော ဇာတ်လမ်းတိုများ ဖြစ်ပြီး ကမ္ဘာတစ်ဝန်းရှိ စာဖတ်သူများ အမြဲလို အငမ်းမရ ဖတ်ရှုခဲ့ကြရစမြဲလည်း ဖြစ်သည်။
(၁) အရူးအမူး
ဗြိတိသျှ အထက်တန်းလွှာ အမျိုးသမီးငယ်လေး တစ်ဦးသည် လူငယ်လေး တစ်ဦးအား ချစ်ဟန်ဆောင်ကာ လန်ဒန်ရှိ ဒီဘီယား စိန်တိုက်ကြီးမှ စိန်လက်စွပ်ကြီး ခိုးယူခိုင်းခဲ့ရာ လုံခြုံရေး တင်းကျပ်စွာ ချထားသည့် ကြားမှ အရောင်းတာဝန်ခံ၏ မျက်စိရှေ့မှောက်မှာပင် အမိအရ ယူနိုင်ခဲ့အောင် သေသပ်လှပစွာ ကြံစည်နိုင်ခဲ့ကြပုံ။
(၂) အာဏာသိမ်းပွဲ
ပြိုင်ဖက် ဘရာဇီး စီးပွားရေးလုပ်ငန်းရှင် သူဌေးကြီးနှစ်ဦးသည် နိုင်ဂျီရီးယားတွင် သမ္မတပါ လုပ်ကြံခံခဲ့ရသော သွေးထွက်သံယို စစ်အာဏာသိမ်းပွဲကြောင့် တိုင်းပြည်တွင်း ပိတ်မိနေကြပုံ။
(၃) စီးကရက်တစ်ဘူး၊ သတင်းစာတစ်စောင်နှင့် ဆက်တီမပ်စ်
အိမ်မှ ထွက်ပြီး မီးရထားဖြင့် ရုံးသွားချိန်၊ စီးကရက်သောက်ချိန်၊ ထမင်းစားချိန်၊ ရုံးဆင်းချိန် တို့ကို နှစ်ပေါင်းများစွာ ကြာအောင် တစ်မိနစ်မျှ အလွဲမခံဘဲ လုပ်လေ့ရှိသည့် အာမခံ ရုံးစာရေးကြီး တစ်ယောက် မထင်မှတ်သည့် အခြေအနေကြောင့် ရုံးနောက်ကျသွားခဲ့ရာက မကြုံဖူးလောက်အောင် ကျွမ်းထိုးမှောက်ခုံအဖြစ်နှင့် ရင်ဆိုင်တိုးခဲ့ရပုံ။
(၄) ဘဏ္ဍာရေးဝန်ကြီး၏ အကျင့်ပျက်ခြစားမှု တိုက်ဖျက်ရေး
နိုင်ငံတွင်းရှိ အကျင့်ပျက် ခြစားသူများ ဖော်ထုတ်ရန် ဆွစ်ဇာလန်ရှိ ဘဏ်တိုက်ကြီးသို့ ပစ္စတိုတစ်လက် ကိုင်ပြီး ရောက်ရှိလာခဲ့သော နိုင်ဂျီရီးယား ဘဏ္ဍာရေးဝန်ကြီးမှ ၎င်းကိုယ်တိုင် ငွေများ အပ်နှံသည့်အထိ ဖြစ်သွားခဲ့ရပုံ။
(၅) သေသော်လည်း ငရဲမလားနိုင်သည့် စစ်သားကြီးများ
ဒုတိယကမ္ဘာစစ်ကြီးအပြီး နာမည်ကျော် တိုကျို စစ်ခုံရုံးတွင် မဟာမိတ် တပ်သားများအား ဖမ်းဆီးထားသည့် ဂျပန် စစ်သုံ့ပန်းစခန်း တပ်မှူးကို တရားစီရင်မှုနှင့် ၎င်းနှင့် စစ်သုံ့ပန်းစခန်းတွင် နဖူးတွေ့ ဒူးတွေ့ ရင်ဆိုင်ခဲ့ရသော အဖမ်းဆီးခံ ဗြိတိသျှ ဗိုလ်မှူးတစ်ဦး၏ ကိုယ်တွေ့ဖြစ်ရပ်များ။
(၆) ဘဂ္ဂဒက်လေဆိပ်
ဆက်ဒမ်ဟူစိန်၏ လက်အောက်မှ ကာလကြာမြင့်စွာကတည်းက ထွက်ပြေးလာသော အီရတ် စိုက်ပျိုးရေးဝန်ကြီးတစ်ဦးသည် အစ္စတန်ဘူလ်မှ နေအိမ်ရှိရာ နယူးယောက်သို့ အပြန်တွင် မမျှော်လင့်ဘဲ စီးလာသည့် လေယာဉ်စက်ချို့ယွင်း၍ ဘဂ္ဂဒက်လေဆိပ်သို့ ဆင်းသက်ခဲ့ရာမှ အစပြုခဲ့သော သည်းထိတ်ရင်ဖို ဖြစ်ရပ်။
(၇) မျက်လုံးတစ်လုံးအတွက် မျက်လုံးတစ်လုံး
မိမိအား ကာလကြာမြင့်စွာ ရိုက်နှက်နှိပ်စက်ခဲ့သည့် ခင်ပွန်းဖြစ်သူကို သတ်ဖြတ်ခဲ့မှုသည် ရိုးရှင်းလှသော လူသတ်မှုတစ်ခု ဖြစ်သော်လည်း တရားခံ အမျိုးသမီးက သူမ မကျူးလွန်ခဲ့၊ နေအိမ်တွင်ပင် မရှိ ရိုက်နှက်သည့် ဒဏ်ရာများဖြင့် ဆေးရုံတွင် ရှိနေကြောင်း သက်သေအခိုင်အလုံဖြင့် ငြင်းဆိုခဲ့ရာမှ ရှုပ်ထွေးပွေလီသွားခဲ့ရသည့် ဇာတ်လမ်း။
(၈) အလယ်ကလူ
ဗြိတိသျှ ထိန်းချုပ်နယ်မြေ ဖြစ်သည့် မြောက်အိုင်ယာလန်နှင့် အိုင်ယာလန်သမ္မတနိုင်ငံ နယ်နိမိတ်မျဉ်းပေါ်တွင် ခွ၍ ဆောက်ထားသော အိမ်တစ်လုံး၊ ထိုအိမ်ပိုင်ရှင်က ရာဇဝတ်မှုမျိုးစုံ ကျူးလွန်နေ၍ ဗြိတိသျှရဲအဖွဲ့ ဦးနှောက်ခြောက်လာခဲ့ရသည်အထိ ဖြစ်လာခဲ့ရပုံ။
(၉) အချစ်
လန်ဒန် မြေအောက်ရထား ဘူတာရုံကြီးအတွင်း လူငယ်တစ်ဦးနှင့် မိန်းမပျိုလေးတစ်ဦးအကြား မမျှော်လင့်ဘဲ ပေါက်ဖွားလာခဲ့သည့် ချစ်ခြင်းမေတ္တာတရားကို လှပစွာ သရုပ်ဖော် ရေးဖွဲ့ထားသည့် ဇာတ်လမ်း။
စာမျက်နှာ

222

စာအုပ်အရွယ်အစား

5.5 × 0.4 × 8.4 inches

ပုံနှိပ်မှတ်တမ်း

ဆုရောင်စဉ်စာပေ ၂၀၂၁၊ ဇန်နဝါရီလ (ပ-ကြိမ်)

Out of stock

ဝေဖန်သုံးသပ်မှုများ

ဒီစာအုပ်မှာ ဝေဖန်အကြံပြုချက်များ မရှိသေးပါ

“အာဏာသိမ်းပွဲနှင့် ဘာသာပြန်သူစိတ်ကြိုက် ဂျက်ဖရီအာချာ၏ ၀တ္ထုတိုများ” စာအုပ်အပေါ် လူကြီးမင်း၏ အမြင်ကို ဝေဖန်သုံးသပ်နိုင်ပါသည်...

Your email address will not be published. Required fields are marked *

လှစိုးဝေ စာအုပ်များ