အပြန်လမ်းဘယ်မှာ လမ်းဘယ်မှာ

( 1 မှတ်ချက်)

3500 (ကျပ်)

စာမျက်နှာ

227

စာအုပ်အရွယ်အစား

5.5 x 0.6 x 8.2 inches

ပုံနှိပ်မှတ်တမ်း

မဟာစာပေ 2020 ဇူလိုင်လ (ဒု-ကြိမ်)

အပြန်လမ်းဘယ်မှာ လမ်းဘယ်မှာ အား ဝေဖန်သုံးသပ်မှု 1 ရှိပါသည်။

  1. Zaw Ye Naing

    ဆရာမ စံပယ်ဖြူနု၏ “အပြန်လမ်းဘယ်မှာ လမ်းဘယ်မှာ မဂ္ဂဇင်း ဝတ္ထုတိုများ” စာအုပ်တွင်ဝတ္ထုတို (၁၇)ပုဒ် ပါရှိသည်။ ဝတ္ထုတိုဆိုသည့်အတိုင်း အပုဒ်တိုင်းတွင် ပေးချင်သည့် ရသ၊ဖော်ညွှန်းချင်သည့် အကြောင်းအရာနှင့် ဦးတည်ချက်ကို ဆရာမက ရေးဟန်သွက်သွက်ဖြင့် ထိမိစွာ ရေးဖွဲ့ထားသည်ကို တွေ့ရသည်။ အသက်၁၂နှစ်အရွယ် အိမ်ဖော်ကလေးမလေးတစ်ဦး၏ ကျောင်းနေချင်သော်လည်း နေခွင့်မရဘဲ အိမ်ရှင်ကလေး၏ ကျောပိုးအိတ်ကို လွယ်ကာ ကျောင်းအကြိုအပို့ လုပ်ရပုံကို ဂရုဏာသက်ဖွယ် ရေးဖွဲ့ထားသော “အကြိုတော်” ၊ စစ်ဘေးရှောင် စခန်းသို့ ရောက်မှန်းမသိ ရောက်ခဲ့ရသော ကလေးငယ်တစ်ဦး၏ အိမ်အပြန်လမ်းကို နာကျင်ဖွယ်ရာ ရေးဖွဲ့ထားသော “အပြန်လမ်းဘယ်မှာ လမ်းဘယ်မှာ”၊ လူစုံတက်စုံဖြင့် ကိုယ့်အရပ် ကိုယ့်ဇာတ်ကခဲ့ရသော ဇာတ်ပွဲကြီးအကြောင်း ပြန်လည် လွမ်းမောဖွယ် ရေးဖွဲ့ထားသော “အတိတ်ပွဲ”၊ မရှိတာကို အရှိလုပ်၊ ပုံရိပ်ယောင်ကို ပုံရိပ်စစ်လုပ်ကာ မိခင်မေတ္တာငတ်မွတ်ခဲ့ရသော မိန်းကလေးတစ်ဦးအကြောင်း ရေးဖွဲ့ထားသော “အရိပ်ပျောက်ရှာသူ” ၊ လူမမည် ကလေးငယ်တစ်ဦး၏ မိဘ မစုံလင်ဘဲ ကျင်းပရသော မွေးနေ့ပွဲအကြောင်း သနားစဖွယ် ရေးဖွဲ့ထားသော “မွေးနေ့ပွဲ”၊ မြန်မာနိုင်ငံ မြောက်ဖျားပိုင်း မငြိမ်းချမ်းသေးသည့်ဒေသမှ ကလေးငယ်များနှင့် ဆောင်းရာသီ အကြောင်း ဆက်စပ်ရေးဖွဲ့ထားသော “မြောက်ဖျားက ဆောင်းရာသီ”၊ အဝေးရောက် သမီးတစ်ယောက်အပေါ် ထားရှိသော မိခင်၏ချစ်ခြင်း မေတ္တာအကြောင်း ဖော်ကျူးထားသော “လက်ဖဝါးတွင် ထင်ဟပ်သော”၊ စစ်အတွင်း အဖေနှင့် အကို ဆုံးရှုံးသွားသော ဂျပန်လူမျိုး အဘွားတစ်ဦး၏ မေတ္တာကို ရေးဖွဲ့ထားသော “လွမ်းတမှုန်ရီ” စသည်တို့အပါအဝင် မေတ္တာဘွဲ့ ရသအသားပေး ဝတ္ထုတို (၁၇)ပုဒ် စုစည်းမှုဖြစ်ပါသည်။ အမျိုးသား စာပေဆု ရရှိထားသော စာရေးဆရာမ ဖြစ်သည်နှင့် အညီ ဆရာမ စံပယ်ဖြူနု၏ ဝတ္ထုတိုများသည် ခေတ်နှင့်လျော်ညီစွာ ခေတ်စနစ်ကို မီးမောင်းထိုးပြထားသော ဝတ္ထုတိုများဖြစ်ကြသည်။ ထို့အပြင် လူ့ပတ်ဝန်းကျင်၊ လူ့အသိုင်းအဝိုင်းအတွင်းရှိ ဖြစ်ရပ်များကို လူတိုင်း ခံစားနိုင်အောင် အခြေပြု ရေးသားထားသည်ဖြစ်ရာ ရသဟင်းလေးအိုးကြီးသဖွယ် လူတိုင်း ဖတ်သင့်သော စာအုပ်တစ်အုပ် ဖြစ်ပါကြောင်း ညွှန်းလိုက်ရပါသည်။

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

စံပယ်ဖြူနု စာအုပ်များ