အခြားတစ်ဖက်မှရှုမြင်ခြင်း

( 0 မှတ်ချက်)

3500 (ကျပ်)

လူတိုင်းသည် မိမိတို့ ယုံကြည်ရာအတိုင်း ဘုရားရှိဝါဒီ၊ ဘုရားမဲ့ဝါဒီ၊ မသိဝါဒီ၊ သံသယဝါဒီ၊ လက်တွေ့အကျိုးကြည့် ဝါဒီ၊ ယထာဘူတဝါဒီ၊ နတ္ထိကဝါဒီ၊ ရုပ်ဝါဒီ ဒါမှမဟုတ် ဆင်ခြင်မှုအဓိကဝါဒီ စသဖြင့် ဖြစ်နိုင်ပေသည်။ ယေဘုယျ အားဖြင့် ဒဿနိကဗေဒသည် အရာအားလုံးနှင့်သက်ဆိုင်ကာ ဒဿနိကဗေဒအရ သင်ကိုယ်တိုင်သည်ပင် သက်ရှိ သက်သေတစ်ဦးဖြစ်နေသည်ကို တွေ့ရှိရပါလိမ့်မည်။ ဒဿနိကဗေဒသဘောကို ကောင်းစွာ နားလည်သဘော ပေါက်ပြီး နားလည်သည့်အတိုင်း ဘဝတွင် နေထိုင်သွားနိုင်လျှင် ဘဝသည် မူလထက်ပိုအဓိပ္ပာယ် ပြည့်စုံလာနိုင် မည် ဖြစ်သည်။ အကြောင်းမှာ ဘဝရည်မှန်းချက်၊ ဦးတည်ချက်ကို သိမြင်လာနိုင်သည့်အတွက်ပင် ဖြစ်သည်။ လက်တွေ့ကျင့်သုံးမှုမပါသော ဒဿန၊ ဒဿနမပါသော လက်တွေ့ကျင့်သုံးမှုတို့သည် အဓိပ္ပာယ်မရှိပေ။ ဒဿနနှင့် လက်တွေ့ကျင့်သုံးမှု နှစ်ခုစလုံးသည် ညီမျှရမည်ဖြစ်သည်။ ဤနေရာတွင် ပိုမိုနားလည်စေရန် မေးခွန်းတချို့ မေးမြန်းပါရစေ။ ဒဿနိကဗေဒအရ လွတ်မြောက်ခြင်းကို ရရှိရန် (သို့) ဆင်းရဲဒုက္ခမှလွတ်မြောက်ရန် တစ်ခုတည်း သော နည်းလမ်းသည် ဗုဒ္ဓ၏သစ္စာလေးပါးတရားနှင့် ရှိုပင်ဟောင်ဝါ၏ ကုထုံးများအတိုင်းသာ လိုက်နာရမည်လော။ သို့တည်းမဟုတ် သစ္စာလေးပါးနှင့် ရှိုပင်ဟောင်ဝါကုထုံးတို့၏ အနှစ်သာရသည် ရုပ်လွန်ဝါဒဖြစ်စဉ်သက်သက် လော။ ရုပ်လွန်ဝါဒဖြစ်စဉ်သက်သက်မဟုတ်လျှင် သစ္စာလေးပါးနှင့် ရှိုပင်ဟောင်ဝါ ကုထုံးများကို မလိုက်နာ ကျင့်ကြံသူများကို လိုက်နာကျင့်ကြံခြင်းအားဖြင့် ဒုက္ခမှ လွတ်မြောက်ကြောင်းဖြစ်သည်ကို မည်သို့သက်သေပြနိုင် မည်နည်း။ ထိုမေးခွန်းများအတွက် ဗုဒ္ဓနှင့် ရှိုပင်ဟောင်ဝါတို့၏ ဒုက္ခမှလွတ်မြောက်ကြောင်း အယူအဆဆိုင်ရာ ဖြေရှင်းချက်များနှင့် ဗုဒ္ဓနှင့် ရှိုပင်ဟောင်ဝါတို့၏ ဒဿနနှင့် အယူအဆများကို ဆန်းစစ်လေ့လာခြင်း ဖြစ်သည့် အတွက် အထူးသဖြင့် ဗုဒ္ဓ၏ သစ္စာလေးပါး တရားတော်ကို ရှိုပင်ဟောင်ဝါ၏ အဓိကကျသော ဒဿနများနှင့် နှိုင်းယှဉ်လေ့လာပုံကို ယခုစာအုပ်တွင် လေ့လာဖတ်ရှုနိုင်ပါသည်။

စာမျက်နှာ

216

စာအုပ်အရွယ်အစား

5.5 x 0.3 x 8.1 inches

ပုံနှိပ်မှတ်တမ်း

ဆုပြည့်စုံထွန်းစာပေ၊ 2022 ဧပြီလ (ဒုတိယအကြိမ်)

2 in stock (can be backordered)

ဝေဖန်သုံးသပ်မှုများ

ဒီစာအုပ်မှာ ဝေဖန်အကြံပြုချက်များ မရှိသေးပါ

“အခြားတစ်ဖက်မှရှုမြင်ခြင်း” စာအုပ်အပေါ် လူကြီးမင်း၏ အမြင်ကို ဝေဖန်သုံးသပ်နိုင်ပါသည်...

Your email address will not be published.

ဆွေ​ေဆွေမွန် စာအုပ်များ