အညာပင်လယ်

( 1 မှတ်ချက်)

4000 (ကျပ်)

အညာပင်လယ်ဆိုသည့်အတိုင်း…ဆရာညီပု​လေးရဲ့ အညာသ​င်္ကေတပါသည့် ဝတ္ထုလတ်တစ်ပုဒ်နှင့်
ဆရာမမိချမ်း​ဝေရဲ့ ပင်လယ်သင်္ကေတပါသည့် ဝတ္ထုလတ်တစ်ပုဒ်တို့ကို ​ပေါင်းစပ်ဖွဲ့စည်းထားသည့် ရသစာအုပ်​လေးတစ်အုပ်။

အညာမှာ အညာအလှ၊ အညာသ​င်္ကေတတွေ ရှိနှင့်ပြီးသားဖြစ်၏။ ​ရေ​မြေ၊​တော​တောင်၊ သစ်ပင်၊ပန်းမန်၊မြစ်​ချောင်း၊အင်းအိုင်အလှ၊ အညာ​ဒေသ​​နေသူတို့၏ ​နေထိုင်စား​သောက်မှု ဓ​လေ့ဘာသာ​​တွေရှိသည်။ ထို့အတူပင် ပင်လယ်ကမ်းရိုးတန်းမှ မြင်ကွင်းရှုကွက်တို့၏ သဘာဝအလှ၊ ကျွန်း​တောင်၊ ​သောင်ကမ်းတို့၏ ဖွဲ့တည်မှု၊ ကျွန်း​ပေါ်​နေသူတို့၏ လှုပ်ရှားရုန်းကန် ဘဝဝမ်းစာရှာ​ဖွေမှုများ၊ တူမလိုလိုနှင့် မတူခြားနား​သော ထိုနှစ်ခုကို ဆက်စပ်ယှဥ်တွဲ၍ စာဖတ်သူများ ဖတ်ရှုခံစား​စေချင်သည်။ (စီစဉ်သူစကားမှ)

ဆရာညီပု​လေးက အညာ​ဓ​လေ့မှာ ​လူ​ပြောများလှသည့်..​လော်စပီကာကို အ​ခြေခံ၍ ဇာတ်အိမ်ဖွဲ့​ရေးသားထားသလို ၊ဆရာမမိချမ်း​ဝေမှလဲ သူမ၏ လက်​တွေ့ဘဝအ​တွေ့အကြုံဖြစ်သည့် မြိတ်​ဒေသသို့ သွား​ရောက်တာဝန်ထမ်း​ဆောင်သည့် ဆရာမ​လေး​တွေကို တည်မှီကာ ပင်လယ်အလှ၊ သဘာဝကို ​ရေးသားထားသည့် ….
#အညာပင်လယ်

စာမျက်နှာ

144

စာအုပ်အရွယ်အစား

5.5 × 0.5 × 8.2 inches

ပုံနှိပ်မှတ်တမ်း

ပန်းဆက်လမ်းစာပေ 2022 အောက်တိုဘာလ (ဒုတိယအကြိမ်)

13 in stock

အညာပင်လယ် အား ဝေဖန်သုံးသပ်မှု 1 ရှိပါသည်။

  1. Aeri Myat

    တန်ဆောင်တိုင်ကာလဆိုတော့မနက်တည်းကအသံချဲ့စက်သံတွေကညံနေတာရယ် အသံချဲ့စက်သံတွေက ဒိုးသံဗျောသံတွေညံနေတာမျိုးဆိုရင်တော့
    နားထောင်ကောင်းအုံးမယ်လို့သွားတွေးမိတယ်အခုခေတ်အလှူတွေများကျတော့မဆီမဆိုင်သီချင်းတွေဖွင့်ပြီး
    ဆူညံပွက်လောရိုက်နေတော့
    စိတ်ထဲမနှစ်မြို့မိတာတော့အမှန်ပဲ
    ခေတ်ကာလမကောင်းတဲ့အချိန်မှာတော့
    တော်သင့်ရုံပဲလုပ်ကြရင်ကောင်းမယ်လို့
    တွေးမိတာပေါ့လေ… …ဒါပေမဲ့လည်း
    စိတ်အလိုအတိုင်း ပြောမရဘူးကိုး
    အသံချဲ့စက်ဆိုလို့ ဒီနေ့တိုက်တိုက်ဆိုင်ဆိုင်ဖတ်ဖြစ်တာ ဆရာညီပုလေးရဲ့
    ဝတ္ထုလတ်လေးတပုဒ်
    အညာ တဘက်ကျော့ဘုရားပွဲဆီက
    ရွာစဥ်အသံချဲ့စက်အပြိုင်အဆိုင်
    ဖွင့်တတ်ကြတဲ့ အညာဘုရားပွဲလေး
    အကြောင်းပေါ့….
    ပကာသနမဖက်ဘဲ လူတန်းစားပေါင်းစုံပျော်ကြတဲ့ဘုရားပွဲရယ်လို့
    မြင်သာအောင်ဖော်ပြရေးထားတာလေးတွေကို သဘောကျမိတယ်
    အလိုလိုပြုံးမိစေတယ်
    သူ့ရွာကိုယ့်ရွာအပြိုင်
    လှည်းတန်းကြီးတွေစီလို့
    ရွာအငြိမ့်ရွာဇာတ်ပွဲကို
    လာပြီးကြည့်ကြတာတွေ လှည်းမြီးမှာမှန်ဝိုင်းချိတ်လို့အလှပြင်ကြတဲ့ ရွာသူလုံမတွေ တမျှော်တခေါ်မဆုံးတဲ့ မုန့်သည်တွေ အသံချဲ့စက်သံတွေနဲ့စီစီညံနေပုံကိုတွေးမြင်ကြည့်ရတာ ပျော်စရာပါပဲ 🤎
    အသံချဲ့စက်ရဲ့ကြည်မြပုံကို
    တင်စားထားတာ
    “မဟာမြေမဟီတောင်ကွဲလောက်ပါရဲ့” တဲ့…ရွာသူရွာသားတွေရဲ့
    ဘဝအမောပြေမှူအတွက် တထောင့်
    တနေရာကနေကူညီအားဖြည့်ပေးနေတဲ့
    အသံချဲ့စက်ရယ်ပါ အသက်အရွယ်မရွေးအတွက် လိုက်ဖက်တဲ့ သံစဥ်တွေကိုလည်းရွေးချယ်ဖွင့်ပေးရတာလည်း သူ့ပညာနဲ့သူတော့ နေရာကျတာပါပဲ🤎
    လူငယ်တွေအတွက်လည်း လွမ်းရဆွေးရ
    လယ်ထဲကိုင်းထဲသွားနေရတဲ့သူတွေအတွက်လည်း အပျင်းပြေရ
    အိမ်မှာကျန်ခဲ့ရတဲ့ သက်ကြီးပိုင်းတွေအတွက်လည်း တရားနာရပေါ့..
    အညာမှာဘုရားပွဲသွားကြတာဟာ
    ဘုရားလည်းဖူး လိပ်ဥလည်းတူး
    လိပ်မကြီးလည်းဖမ်းသလိုပါပဲတဲ့
    ဘုရားလည်းဖူးကြ စျေးလည်းရောင်းကြ
    ပျော်ကြရတာကို တင်စားထားတာပါ ဒီဝတ္ထုလေးဖတ်ရင်းကလေးဘဝက ရောက်ခဲ့ဖူး လျှောက်ခဲ့ဖူးတဲ့
    ဘုရားပွဲစျေးနေ့တွေကိုတောင်လွမ်းမိပါသေးတယ်…

    နောက်တပုဒ်ကတော့ ဆရာမကြီး မိချမ်းဝေရဲ့ “ညံ့သက်ပြေလွင် …. လှိုင်းကလေးသင်” ဆိုတဲ့ ဝတ္ထုလတ်လေးပါ မြိတ်မြို့ကလေးရဲ့ရွာကလေးတွေဆီကို ဆွဲခန့် ဆရာမအဖြစ်နဲ့ ရောက်လာကြတဲ့
    သူငယ်ချင်းသုံးယောက်အကြောင်းရေးထားတာလေးပါ ဘဝအခြေအနေတွေမတူ ရောက်လာကြရပြီး
    ရောက်ပြန်တော့ ဘဝအခြေအနေတွေက
    မျှော်လင့်ထားသလို မဟုတ်ဘဲ တယောက်တမျိုးစီကြုံရတာလေးတွေ မြိတ်မြို့ရဲ့ဒေသိယစကားသံတွေ
    အစားအစာတွေ ရွာဘက်တွေတာဝန်ကျတဲ့ “စိုး မေနီ နဲ့ ညွှန့်ညွှန့်” တို့ကြုံရတဲ့ အခက်အခဲလေးတွေ မိတ်ဆွေကောင်းတွေ အကြံသမားတွေ ဘဝအဖြစ်အပျက်တွေရယ်ပေါ့ လေယာဥ်လက်မှတ်မရလို့ လှိုင်းတွေလေတွေကြားကနေ
    သဘော်နဲ့မော်လမြိုင်ပြန်ရတာကလည်း
    မှတ်မှတ်ရရ စွန့်စားမှူတခုပေါ့လေ…
    ဘဝစွန့်စားမှူတွေထဲက တခုလိုပေါ့..

    “မေနီ”ကတော့ သူ့ဘဝသူ့တက်လမ်းတွေမရွေးတော့ဘဲအချစ်ကို ဦးစားပေးရွေးချယ်သွားတာပေါ့… ဒါလည်း သူ့ရဲ့ရွေးချယ်မှူဆိုပေမဲ့ စိုးတို့နဲ့ထပ်တူ
    နှမြောတသဖြစ်ရတာပေါ့လေ

    “ညွှန့်ညွှန့်”ကတော့ သူဖြစ်ချင်တဲ့
    ကျောင်းအုပ်ဆရာမကြီးလည်းဖြစ်
    တန်းတူနီးပါးဖြစ်သူကိုရွေးချယ်သွားသူမို့
    အဆင်ပြေသွားတယ်ပြောရမယ်

    နောက်ပြီးတော့…
    မြိတ်မြို့ သာကေတအိမ်ကြီးက
    အဘွားအေးတို့ မိသားစု နောက်ပြီး
    “ကိုလတ်” “စိုး” တာဝန်ကျတဲ့ပန်းလက်ဆုံရွာကလေးမှာနေတဲ့
    စိုးအပေါ်သမီးလေးလိုချစ်ပေး
    စောင့်ရှောက်ပေးတဲ့ဘွားချမ်းဝေ
    သူတို့မိသားစုကတော့ စိုးအတွက် မိတ်ဆွေကောင်းတွေ အမြဲကျေးဇူးတင်ဖို့ကောင်းတဲ့သူတွေပေါ့
    သွေးမတော်သားမစပ်ပေမဲ့ အေးမြတဲ့
    မေတ္တာတွေလည်းရှိနိုင်ပါသေးတယ်လို့
    တွေးမိတယ်…

    အညာပင်လယ်ဆိုတဲ့ဒီစာအုပ်ကလေးထဲကဝတ္ထုလတ်နှစ်ပုဒ် တစ်ပုဒ်ချင်းစီမှာ
    မတူညီတဲ့ ရသတမျိုးစီကိုရတယ် ဝတ္ထုတိုတိုလေးလည်းမဟုတ်
    အရှည်ကြီးလည်းမဟုတ်တာမို့ ဖတ်ရတာ
    တော်တော်လေးသဘောကျမိပါတယ်
    ခရီးမသွားဖြစ်တဲ့ဒီကာလကြီးမှာ
    ခရီးထွက်ရသလိုပါပဲ အညာဘုရားပွဲလေးသွားလိုက် မြိတ်ကျွန်းစုဘက်ကပင်လယ်လေနံ့လေးရှုရှိုက်လိုက်
    လုပ်ရင်းပေါ့💗

    #အညာပင်လယ်
    #ညီပုလေး
    #မိချမ်းဝေ

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

ညီပုလေး စာအုပ်များ