အနမ်းတစ်ပွင့်၏ကျိန်စာ

( 0 မှတ်ချက်)

3000 (ကျပ်)

စာမျက်နှာ

113

စာအုပ်အရွယ်အစား

5.2 x 0.3 x8.3 inches

ပုံနှိပ်မှတ်တမ်း

ကိုလတ်စာပေ၊ 2020 ဩဂုတ်လ (ပ-အကြိမ်)

ဝေဖန်သုံးသပ်မှုများ

  1. ‎Pyae Ar Kar‎

    ” ကိုယ်ပျော်ဖို့အတွက် … တစ်ဖက်လူကို ရယူချင်တာ … ကိုယ့်စိတ်ခံစားချက် အဆင်ပြေဖို့အတွက် သူ့ကို ပိုင်ဆိုင်ချင်တာ … နောက်တော့ ကိုယ့်အတ္တအတွက် သူ့မျက်ရည်ကို မကြည့်ဘူး … အဲ့ဒါ ကိုယ့်ကိုယ်ကို ချစ်တာ သိပြီလား …”

    စာသင်ပေးတဲ့ ကိုကြီးတစ်ယောက်ကို ချစ်ခဲ့မိတဲ့ ယုရဲ့ ဆယ်ကျော်သက်အချစ်အကြောင်းလေးမှာတော့ ၁၅၀၀ အချစ်နဲ့ ၅၂၈ ချစ်ခြင်းတို့ဟာ ခပ်ပါးပါးလေးကွာခြားတယ်ဆိုတာလေးကို ပြထားတယ်

    ကိုကို ကျွန်မကိုချစ်တယ်ဆိုတဲ့ ၀တ္ထုလေးမှာတော့ နောက်တစ်ယောက်ရသွားတဲ့ အမျိုးသားကို အပြစ်မတင်ပဲ သိက္ခာကျမှာဆိုးလို့ သူ့အကြောင်းနဲ့သူ ရှိပါစေလေဆိုပီး သဘောထားလိုက်တဲ့ အမျိုးသမီး‌တစ်ယောက်ရဲ့ ရဲရင့်တဲ့ဆုံးဖြတ်ချက်ကို မြင်တွေ့ရပါတယ်

    အနမ်းတစ်ပွင့်၏ ကျိန်စာလေးကိုတော့ သဘောအကျဆုံးပဲ ၊ အချစ်ရဲ့ လှည့်ဖျားခြင်းကို ခံလိုက်ရတဲ့ မိန်းမပျိုလေးရဲ့ သွေးပျက်သွားတဲ့ အကြောင်းလေးတွေကို ဖော်ပြထားတယ် ၊ ဒါလေးကိုဖတ်ပြီး မိန်းကလေးတွေရဲ့ အခွင့်အရေးဆိုတာကို ပိုမြင်မိသွားတယ် ၊ တကယ်ပဲ တချို့မိန်းကလေးတွေအတွက် အနမ်းတစ်ပွင့်ဟာ ကျိန်စာဖြစ်စေခဲ့တယ်လေ …

    ဧပရယ်ဖူးထဲကလိုမျိုး အချစ်ဇာတ်လမ်းလေးကိုတော့ အပြင်မှာ မြင်ဖူးတယ် ၊ တစ်ယောက်နဲ့တစ်ယောက် စနောက် ကျီစယ်ရင်း ဘ၀ခရီးကို ပျော်ပျော်ကြီး ဖြတ်သန်းနေကြတဲ့ အတွဲတွေဟာ သဘောကျဖို့ကောင်းပါတယ် ၊ ဒါပေမဲ့ ကျီစားသန်က ရန်များ၏ ဆိုသလိုပါပဲ တစ်ခါတလေတော့ နေရာတိုင်း စနောက် ကျီစယ်နေတာတော့ မကောင်းဘူးပေါ့လေနော် …

    နောက်ထပ်အကြိုက်ဆုံးလေးကတော့ ယုံကြည်မှုဆိုတဲ့ ဇာတ်လမ်းလေးပဲ ၊ အချစ်တစ်ခုမှာ ယုံကြည်မှုအပြင် အရေးအကြီးဆုံး လိုအပ်တဲ့အရာက နားလည်မှုဆိုတာကိုပါ ထပ်ပေါင်းသိလိုက်ရတယ် …

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

မေမီကိုကို စာအုပ်များ