အမ္ဗပါလီ

( 0 မှတ်ချက်)

5500 (ကျပ်)

အမ္ဗပါလီ ဇာတ်လမ်းသည် အိန္ဒိယ ကဗျာဆရာ၊ ဝတ္ထုရေးဆရာ၊ ပြဇာတ်ဆရာတို့၏ သည်းခြေကြိုက် ဇာတ်လမ်းတစ်ခုဖြစ်ခဲ့သည်။ ကဗျာဆရာများကလည်း အမ္ဗပါလီ၏ ဘဝနှင့် ပတ်သက်သည့် ကဗျာများကို စပ်ဆိုခဲ့ကြသည်။ ဝတ္ထုရေးဆရာများကလည်း အမ္ဗပါလီအကြောင်းကို ဝတ္ထုရေးသားကြသည်။ ပြဇာတ်ဆရာများကလည်း အမ္ဗပါလီ၏ အတ္ထုပ္ပတ္တိကို ပြဇာတ်ပုံသွင်းကြသည်။ ယင်းသို့အားဖြင့် အမ္ဗပါလီအကြောင်း ရေးသားဖွဲ့ဆိုထားသည့် စာများသည် အိန္ဒိယစာပေ၌ နေရာတော်တော်များများ ယူထားသည်ကို တွေ့ရသည်။ အမ္ဗပါလီ၏ဇာတ်လမ်းသည် အိန္ဒိယပြဇာတ်လောက၌လည်း လူသိများသည့် ဇာတ်လမ်းတစ်ခုဖြစ်နေသည်။

ဝေသာလီရှိ မင်းဥယျာဉ်အတွင်း တစ်ခုသော သရက်ပင်ရင်း၌ မွေးဖွားသောကြောင့် “အမ္ဗပါလီ” အမည်တွင်သည်။ အရွယ်ရောက်သောအခါ့ အတိုင်းထက် လှသော လုံမပျိုဖြစ်လာသည်။ ဝေသာလီမင်းသားများသည် အမ္ဗပါလီနှင့် လက်ထပ်ရန်အတွက် တစ်ဦးနှင့် တစ်ဦး အပြိုင်အဆိုင်ဖြစ်နေကြသည်။ ဝေသာလီလွှတ်တော်က ဝေသာလီမင်းလုလင်တို့၏ ရန်ပွဲငြိမ်းအေးသွားစေရန်အတွက် အမ္ဗပါလီကို အများပိုင် ပြည့်တန်ဆာအဖြစ် သတ်မှတ်ဆုံးဖြတ်လိုက်သည်။ ဗုဒ္ဓ ဝေသာလီသို့ ကြွလာသောအခါ အမ္ဗပါလီ၏ဥယျာဉ်၌ သီတင်းသုံးတော်မူသည်။ အမ္ဗပါလီသည် ဗုဒ္ဓကို ပင့်ဖိတ်လျက် ဆွမ်းလုပ်ကျွေးသည်။ ဆွမ်းလုပ်ကျွေးပြီးနောက် ဗုဒ္ဓ၏ တရားဒေသနာကို နာကြားပြီးသောအခါ အမ္ဗပါလီသည် သူ၏ ဥယျာဉ်ကို ဗုဒ္ဓအမှူးရှိသော ရဟန်းသံဃာတို့အား ပေးလှူလိုက်သည်။ အမ္ဗပါလီသည် သားဖြစ်သူ ဝေမလကောဏ္ဍည ရဟန်းထံမှ တရားနာကြား၍ အကျွတ်တရားရပြီး သာသနာ့ဘောင်ဝင်ခဲ့သည်။ ကမ္ဘာလောကရှိ အရာဝတ္ထုဟူသမျှ၏ အနှစ်သာရမဲ့ပုံကို တွေ့မြင်သဘောပေါက်ပြီးလျှင် အမ္ဗပါလီသည် ဇရာထောင်းနေပြီဖြစ်သည့် မိမိ၏ ကိုယ်ခန္ဓာကို ကြည့်လျက် သံဝေဂဖြစ်ပြီး ဓမ္မဂီတကို ရွတ်ဆိုသည်။ ထိုဓမ္မဂီတမှာ “ထေရီဂါထာ ပါဠိတော်” ၌ပါရှိသည်။

စာအုပ်အရွယ်အစား

5.5× 0.5 ×8 .4 inches

စာမျက်နှာ

356

ပုံနှိပ်မှတ်တမ်း

လရိပ်မွန်စာပေ၊ 2022 မတ်လ-သတ္တမအကြိမ်

8 in stock (can be backordered)

ဝေဖန်သုံးသပ်မှုများ

ဒီစာအုပ်မှာ ဝေဖန်အကြံပြုချက်များ မရှိသေးပါ

“အမ္ဗပါလီ” စာအုပ်အပေါ် လူကြီးမင်း၏ အမြင်ကို ဝေဖန်သုံးသပ်နိုင်ပါသည်...

Your email address will not be published.

ပါရဂူ စာအုပ်များ