အမှတ်အသားသရုပ် ဂုဏ်သိက္ခာအတွက်တောင်းဆိုချက်နှင့် မကျေနပ်မှု၏ နိုင်ငံရေး

အင်္ဂလန်က ဥရောပသမဂ္ဂမှထွက်ပြီး အမေရိကတွင် ဒေါ်နယ်ထရမ့် အိမ်ဖြူတော်ရောက်လာခြင်းသည် အမှတ်အသားသရုပ်နိုင်ငံရေး ရှေ့ရောက်လာသည့် ခေတ်ရေစီးပင်ဖြစ်သည်။ အမှတ်အသားသရုပ်ဆိုသည်မှာ အမျိုးသားရေး၊ လူမျိုးရေး၊ လူမျိုးစုရေး၊ ဘာသာရေး၊ လိင်ပိုင်းဆိုင်ရာ၊ ကျား-မ အမှတ်အသား သရုပ်များ ပါဝင်သည်။ အဆိုပါ အမှတ်အသားသရုပ်အသီးသီးသည် လူ့အဖွဲ့အစည်း၏ လုံလောက်သော အသိအမှတ်ပြုခံလိုမှု မရဟု သက်ဆိုင်ရာ လူမှုအုပ်စုများက ခံယူထားကြဟန်ရှိသည်။ ဆိုခဲ့ပါ အမှတ်အသားသရုပ်ဆိုင်ရာ “အသိအမှတ်ပြုခံလိုမှု” က လစ်ဘရယ် ဒီမိုကရေစီကို စိန်ခေါ်လာနိုင်သည်ဟု နိုင်ငံရေးသိပ္ပံ ပညာရှင်များက ထောက်ပြကြသည်။ မြန်မာ့နိုင်ငံရေးမှာ အမှတ်အသားသရုပ်နိုင်ငံရေးနှင့် ဒီမိုကရေစီ တို့ တပြိုင်နက်တည်း ကြိုးစားနေရချိန်နှင့် ချိန်ခါသင့်တိုက်ဆိုင်နေသည်။