ပါရီက သူခိုးမလေး အေပိုနှင်း

ကမ္ဘာ​ကျော် ပြင်သစ်ဂန္ထဝင်စာ​ပေမှ ဗစ်တာဟူးဂိူး၏ ဝတ္ထု Les Mis’erables ၏ ဇာတ်​ကောင်များစွာထဲမှ ပါရီမြို့၏ သူခိုးမ​လေး… အချစ်ရူးမ​လေး ​အေပိုနှင်း၏ ဘဝတစ်စိတ်တစ်​ဒေသအဖြစ် အင်္ဂလိပ်စာ​ရေးဆရာမ ဆူဆန်ဖလက်ချာ (Susan Fletcher) ၏ A Little in Love အား မြန်မာဘာသာဖြင့် ဆရာမဝါ​တင့်တင့်​ဆွေက ပြန်ဆို​ရေးသားထား​သော ​အေပိုနှင်း🌹🌹🌹

ကမ္ဘာ့နာမည်ကြီး The Whitebread အဖွဲအစည်းက ချီးမြှင့်သည့် ပထမဆုရလုံးချင်းဝတ္ထုဖြစ်သည့် ​A Little in Love ဟာ …

ကဗျာဆန်ဆန် ဖွဲ့ဆိုထားပြီး လူတိုင်းကြုံ​တွေ့နိုင်သည့် ​လောကဓံ အထုအ​ထောင်းများနှင့် ဘဝအချိုးအ​ကွေ့များကို ​ဖော်ညွှန်းထားသည့်အတွက် ယ​နေ့လက်ရှိ ပစ္စပ္ပန်အ​ခြေအ​နေကို တိုက်ရိုက်ထင်ဟပ်​စေသည့် ဝတ္ထု​ကောင်းတစ်အုပ်ဖြစ်သည်။

​ခေတ်ပျက်ကြီးထဲမှာ ​မွေးဖွားလာ​သော ​အေပိုနှင်း.
​ရုန့်ရင်းကြမ်းတမ်းလာတဲ့ မိသားစုထဲမှာ ​ပေါက်ဖွားလာ​​သော ​အေပိုနှင်း…
ဆိုးဝါးလှတဲ့​ခေတ်စနစ်​တွေထဲ ကြီးပြင်းရတဲ့ ​​အေပိုနှင်းဟာ ​လောကကြီးအ​ကြောင်းကို ဘာမှမသိခင်ကတည်းက သူခိုးမျိုးရိုးက ဆင်းသက်လာရင် သူခိုးအလုပ်အကိုင်ပဲ ဆက်လက်လုပ်ကိုင်ရမယ်ဆိုတဲ့ အယူအဆကို ရုန့်ရင်းကြမ်းတမ်းလှတဲ့ မိဘ၂ပါးက လက်ဆင့်ကမ်း အ​မွေ​ပေးခြင်းကို ခံရတယ်။

စိတ်ရင်းအဖြူထည်နဲ့ ​ကောင်းမွန်တဲ့ အလုပ်အကိုင်နှင့် အသက်​မွေးချင်​ပေမယ့် ငယ်စဥ်ကတည်းက ပိုက်ဆံမရှာလာနိုင်ရင် ဆဲ​ရေးတိုင်းထွာ​နေတဲ့မိခင်ကို မလွန်ဆန်နိုင်တာ​ကြောင့်
အသက်နှင့်မမျှတဲ့ လိမ်လည်​​ကောက်ကျစ်ရတဲ့ သူခိုးမ​လေးအလုပ်နဲ့ မိခင်းမဆုံးပါးခင်အချိန်အထိ အသက်​မွေးခဲ့ရတယ်။

လူ​တွေဟာ ဘယ်လိုအ​ခြေအ​နေပဲ​ရောက်​ရောက် စစ်မှန်တဲ့ ချစ်ခြင်းတရားကို ခံစားရတဲ့အခါ…
ကိုယ်ချစ်တဲ့သူကို စိတ်ချမ်းသာ​စေချင်တဲ့စိတ်က ​ပေါက်ဖွားလာတာပါပဲ။ ​အေပိုနှင်းဟာ သူသိပ်ချစ်ရတဲ့ မွန်စီယာ မာရီးယက်စ် ကို​တွေ့လိုက်ရတဲ့အခါ…လူဟာ ချစ်ခြင်း​ကြောင့် ​ကောင်းမွန်ချင်လာတယ်။ ကိုယ်ချစ်တဲ့သူကို အဆင်​ပြေ​စေချင်လာတယ်။ ကိုယ်မဟုတ်တဲဲ့ကော့ဆက်ဆီကို ​ရောက်​အောင် အသက်ပါစ​တေး​ပေးခဲ့တယ်။
သူ့ဘဝခါးခါးမှာ အနည်းဆုံး​တော့ ချစ်သူကို ချိုမြိန်စွာ ချစ်နိုင်ခဲ့တယ်။

နူးညံ့လှတဲ့ချစ်ခြင်းတရားကို
ခံစားချင်တယ်ဆိုရင်….
​ခမ်းနားလှတဲ့ပါရီမြို့က ဆင်းရဲသားလူတန်းစားကို
မြင်​တွေ့ချင်တယ်ဆိုရင် ​….
ပြင်သစ်​တော်လှန်​ရေးအတွင်းက အဖြစ်အပျက်
အနည်းငယ်ကို မြည်းစမ်းလိုတယ်ဆိုရင်…
Dialogue ​​ကောင်း​ကောင်း​တွေနဲ့
လူ့စိတ်သ​ဘော​တွေကို နား​ထောင်လိုတယ်ဆိုရင်..
လူ​တွေကို လှည့်ဖျားရတဲ့သူခိုးအလုပ်
လုပ်​နေ​သော်လည်း လူ​တွေကို ကူညီချင်စိတ်အပြည့်နဲ့
လူသားဆန်ဆန် ချစ်တတ်တဲ့နှလုံးသားနှင့်
သူခိုးမ​လေးတစ်​ယောက်အ​​ကြောင်းကို သိလိုတယ်ဆိုရင်…

​အေပိုနှင်းကိုဖတ်ပါ….

ကြည်နူးနှစ်သက်စရာများ၊ ညှို့ယူဖမ်းစား တသသစွဲလန်းစရာများ၊ ချစ်​ရေးချစ်ရာများ၊ ​ကြောက်လန့်ဖွယ် ဘဝကြမ်းကြမ်းများ ၊ သနားစဖွယ်ပုံရိပ်များဖြင့် ပြည့်နှက်ထုံမွမ်းထားငည့်အတွက် သိင်္ဂါရရသ၊ ဘယာနကရသ၊ ကရုဏာရသစ​သော ရသမျိုးစုံတို့ကို
” ​ပါရီက သူခိုးမ​လေး” တစ်ဖြစ်လဲ ​”အေပိုနှင်း”
စာအုပ်ကိုဖတ်ရင်း တသိမ့်သိမ့် ခံစား​စေရမှာ အမှန်ပင်ဖြစ်တယ်။