တစ်သက်တာအဖော်

( 1 မှတ်ချက်)

4500 (ကျပ်)

နှလုံးသားကို နွေးထွေးနူးညံ့စေပြီးစိတ်ကို တည်ငြိမ်အေးချမ်းစေဖို့ ဖတ်သင့်တဲ့ စာအုပ်ကောင်းတစ်အုပ် …

– ဒီစာအုပ်မှာ ကြီးကျယ်ခမ်းနားတဲ့ ဘ၀နေနည်းတွေ ၊ လမ်းညွှန်မှု စကားလုံးတွေ မပါပါဘူး .. ဒါပေမဲ့ ဖတ်တဲ့အခါ စိတ်ရဲ့ ငြိမ်းအေးရာ ၊ ဝေဒနာရဲ့သက်သာရာ တစ်စုံတစ်ခုတော့ ခံစားရမှာပါ ..အထူးသဖြင့် ဘ၀ကို ၊ ချစ်သူကို ပိုချစ်တတ်သွားမှာပါ .. ဘ၀မှာ ရှင်သန်နေတာကလည်း ချစ်ခြင်းမေတ္တာနဲ့အတူ ပေါင်းဖက်ပြီး ပျော်ရွှင်ချမ်းမြေ့စွာ နေထိုင်သွားဖို့ပဲ မဟုတ်လား ..။

“နှုတ်ဆိတ်တိုင်း ကိုယ့်မှာပြောစရာစကားမရှိလို့တော့ မဟုတ်ပါဘူး။ အခက်ခဲဆုံးဒီကာလကို ဖြတ်ကျော်ပြီးရင် အတိတ်အကြောင်းကို ကိုယ် ပြုံးပြုံးရယ်ရယ် ပြန်ပြောမယ် အားခဲထားလို့ပါ။ တစ်နေ့နေ့တစ်ချိန်ချိန် အတိတ်ကို ကိုယ်တို့ပြန်လှည့်ကြည့်တဲ့အခါ နာကျင်ဝမ်းနည်းတဲ့ စိတ်ခံစားချက်တွေက သက်သာရာရစေမှာပါ။ ချုပ်တည်းမှု၊ မရေရာမှု၊ တွန့်ဆုတ်မှုတွေကလည်း ကိုယ့်နှလုံးအိမ်မှာ ကျောက်တုံးတစ်တုံးလို လေးလံမနေမှာပါ။ ”

 

“အမှောင်ဆုံးလမ်းကို ဖြတ်ကျော်ပြီးရင် အမှောင်ကို သင်ကြောက်တတ်တော့မှာမဟုတ်ပါဘူး။ အရာရာကို ရင်ဆိုင်ရဲတဲ့ သတ္တိတွေ သင်ပိုပိုင်ဆိုင်လာသလို ပိုကောင်းတဲ့လူ ဖြစ်လာဖို့လည်း ယုံကြည်မှုပိုရှိလာတယ် ” ဆိုတဲ့ စကားလိုပေါ့။

 

အခုချိန်ခါမှာ ဘဝက ခါးသီးသည်ဖြစ်စေ၊ ပျော်ရွှင်သည်ဖြစ်စေ၊ ကိုယ့်ကိုယ်ကိုယ် ကုစားတတ်ဖို့ သင်ယူရမယ်။ အဲဒီနောက် ဆိတ်ဆိတ်ငြိမ်ငြိမ်ကြိုးစားရင်း တစ်ချိန်ချိန်မှာ လူတိုင်းကို အံ့ဩစေတဲ့ ကြယ်တစ်ပွင့်အဖြစ် ကိုယ်လင်းလက်တောက်ပပစ်လိုက်မယ်။ ” (ကိုယ်တိုင်သာသိတဲ့ စိတ်ခံစားချက် – မှ ကောက်နှုတ်ဖော်ပြချက်)

စာမျက်နှာ

120

စာအုပ်အရွယ်အစား

5.5× 0.3×8.1 inches

ပုံနှိပ်မှတ်တမ်း

စာရိပ်မြိုင်စာပေ 2023 နိုဝင်ဘာလ (တတိယအကြိမ်)

စျေးနှုန်းအပြောင်းအလဲ

7.11.2023 ရက်နေ့မှစတင်၍ မူရင်းထုတ်ဝေတိုက်မှ 4500 ကျပ် စာအုပ်စျေးနှုန်းအသစ်ပြောင်းလဲသတ်မှတ်ထားပါသည်။

20 in stock

တစ်သက်တာအဖော် အား ဝေဖန်သုံးသပ်မှု 1 ရှိပါသည်။

  1. Aeri Myat (verified owner)

    ဒီနေ့ဖတ်ဖြစ်တဲ့ စာအုပ်လေးက
    ဆရာမနိုင်းနိုင်းစနေရဲ့ စာအုပ်လေးပါ။

    Wechat channelတခုမှာ နားထောင်ခဲ့ဖူးတဲ့ အကြောင်းအရာလေးတွေကို မြန်မာစကားလုံးတွေထည့်ထားပြီး မျှဝေထားတာလို့ အမှာစာမှာသိရပါတယ်။

    ဒီစာအုပ်လေးဖတ်ခွင့်ရတဲ့အတွက်ဆရာမကိုရော ထုတ်ဝေသူကိုရောကျေးဇူးတင်မိတာပါပဲ။

    ကိုယ်တိုင်အပါအဝင်လူတွေဒီကာလမှာ
    စိတ်အေးချမ်းမှူကို ရှာနေကြတာများပါတယ်။

    ဒါပေမဲ့ ရုပ်ဝတ္ထုပိုင်ဆိုင်မှူတွေကနေ
    ရှာနေမိရင်တော့
    တခဏတာအေးချမ်းမှူကိုပဲရနိုင်မှာပါ။

    စိတ်ရဲ့အေးချမ်းခြင်းအစစ်အမှန်ကတော့
    ကိုယ့်စိတ်နှလုံးသားထဲမှာပဲရှိနေတာမို့
    မြင်အောင်ကြည့်ဖို့လိုပါတယ်။

    ကျွန်မကတော့
    စာဖတ်ခြင်းကနေ စိတ်အေးချမ်းမှုကို
    ရှာဖွေပါတယ်။

    ဒါကြောင့်ဒီစာအုပ်ကလေးဖတ်ကြည့်မိတဲ့အခါ စိတ်အတွက်အများကြီး
    အထောက်အပံ့ပေးနိုင်တဲ့
    စာအုပ်ကလေးတစ်အုပ်ဖြစ်နေတာခံစားမိပါတယ်။

    “ကောင်းမွန်တဲ့ခံစားချက်”ဆိုတာ
    အထီးကျန်ဆန်ချိန်မှာ
    “ဟေ့… နင့်ကိုပစ်မထားဘူးနော်ဆိုတဲ့
    အသံတစ်သံပဲဖြစ်တယ်”

    ဒီစကားလုံးလေးတွေက ရိုးရှင်းပေမဲ့ လူတစ်ယောက်ရဲ့နေ့ကို ပိုမိုကောင်းမွန်သွားစေတဲ့ အစွမ်းသတ္တိတွေရလာစေတာမျိုးပါ။

    ဒါကြောင့်အနားမှာရှိနေပေးတဲ့
    သူတွေကို ဒီစာလေးဖတ်ပြီး စိတ်ထဲကျေးဇူးတင်နေမိတာပဲ။💗

    “မိုးရွာပြီးနောက်” …. ထဲကစာကြောင်းလေးတွေဆို သိပ်သဘောကျတယ် ဖတ်နေရင်း စိတ်ထဲအားတွေရှိလာရတာပဲ။

    “မိုးတိတ်တတ်ပါတယ်
    နေသာတတ်ပါတယ်
    တစ်ချိန်လုံးအဆင်မပြေတာမျိုး
    ဘယ်အရာမှမရှိပါဘူး။
    ရင်ထဲမှာနေသာနေရင် မိုးရက်ဆိုတာ
    မရှိပါဘူး။”

    ဒီစာအုပ်ကလေးထဲမှာ စာစု၄၅ခုပါပါတယ်။ဘဝကိုတယောက်တည်း
    ဖြတ်သန်းနေသူတွေအတွက်၊
    Relationshipတခုပိုင်ဆိုင်ထားတဲ့သူတွေအတွက်၊
    လက်တွဲဖော်နဲ့ဘဝတခုကို ဖြတ်သန်းနေကြသူအားလုံးအတွက်
    အရေးပါတဲ့ အကြောင်းအရာကလေးတွေကိုရေးသားထားပါတယ်။

    နောက်ပြီး”Sleep Quotient” (SQ) အရည်အသွေးကောင်းမကောင်းအချက်ကလေးတွေနဲ့ စစ်ဆေးကြည့်လို့ရ
    တာလေးပါပါတယ်။
    ကိုယ်တိုင်ကတော့ SQ မြင့်တဲ့အထဲပါတာမို့ မဆိုးဘူးပြောရမယ်။
    ကောင်းမွန်စွာအိပ်စက်နိုင်ခြင်းလည်းကျန်းမာရေးအတွက် အရေးပါတဲ့အရာတစ်ခုဖြစ်ပါတယ်။
    နောက်ပြီး…ချစ်ခြင်းမေတ္တာဆိုတဲ့
    နွေးထွေးတဲ့ခံစားချက်ကလေးကိုဒီစာအုပ်လေးကနေ ခံစားမိတယ်။
    စိတ်အေးချမ်းမှူ ဟန်ဆောင်မှူကင်းတဲ့ပျော်ရွှင်မှူတွေကိုရောပေါ့။

    “အလင်းကရှိလာမှာပါ”ဆိုတဲ့စာစုကလေးထဲက စကားလုံးလေးတွေကို
    ရေရွတ်မိတယ်…

    “ယုံကြည်ပါ… သိပ်မကြာခင်ကာလမှာ
    ကောင်းမွန်တဲ့ နေ့သစ်တွေပေါ်လာမှာပါ။”

    ရင်ထဲမှာ နေရောင်ခြည်
    အလင်းလေးအမြဲဖြာနေဖို့
    နွေးထွေးနေစေဖို့
    ကိုယ်ကိုယ်တိုင် ကြိုးစားယူဖို့လိုပါတယ်။

    ဒီစာအုပ်လေးရဲ့ စကားလုံးတွေကတဆင့်အားယူရင်း
    ကောင်းမွန်လာမဲ့ နေ့ရက်တွေကို
    ပစ္စုပ္ပန်ကနေ စောင့်မျှော်နေပါ့မယ်။🥰💗

လူကြီးမင်း၏ ဝေဖန်သုံးသပ်ချက်ကို မျှဝေပေးပါ...

Your email address will not be published. Required fields are marked *

နိုင်းနိုင်းစနေ စာအုပ်များ