အချစ်ဦးရဲ့ဂျင်းဂျက်ကတ်လေး
4500 (ကျပ်)
အချစ်ဦးကို မြေးဦးရသည့်အထိတိုင် မမေ့ဘူးလို့ ကျွန်တော်တို့ မြန်မာစကားမှာ ရှိပါတယ် .. အချစ်ဦးနဲ့သာ ပေါင်းဖက်ရတယ်ဆိုတဲ့ ဇာတ်လမ်းမျိူးဟာ ရှားမှရှားပါပဲ ..
” အချစ်ဦးဟာ ငယ်ငယ်တုန်းက ၀တ်ခဲ့ဖူးတဲ့ ဂျင်းဂျက်ကတ်လေးပဲ ။ အချစ်ဦးဟာ နေရပ်ဇာတိမြို့လေးပဲ ။ အချစ်ဦးဟာ တစ်ချိန်က မက်ခဲ့တဲ့ အိပ်မက်မျှသာပဲ ။ အချစ်ဦးဟာ ခပ်ပြပြလေး စွန်းထင်းနေတဲ့ ဘ၀ရဲ့ ညထဲက လရောင်ပဲ ။ ကျွန်တော်တို့ဟာ အရွယ်ရောက်လာတာနဲ့အမျှ အလှမ်းကွာဝေးလာခဲ့ပါတယ် ” လို့ ဆရာခွန်းညိုသွေးက အမှတ်တရစကားမှာ ဆိုထားပါတယ် ..
လူတိုင်း လူတိုင်းမှာ အချစ်ဦးနဲ့ ပတ်သက်ပြီး အမှတ်တရတွေ ရှိကြမှာပါ .. ကောင်းခြင်း ၊ ဆိုးခြင်း ၊ ပျော်ရွှင်ကြည်နူးခဲ့ရခြင်း ၊ လွဲချော်ခဲ့ရခြင်း စတဲ့ အမှတ်တရတွေကို အချစ်ဦးရဲ့ ဂျင်းဂျက်ကတ်လေးက ပြန်လည်တူးဆွပေးပါလိမ့်မယ် ..
| စာမျက်နှာ | 208 |
|---|---|
| စာအုပ်အရွယ်အစား | 5.5× 0.3×8.1 inches |
| ပုံနှိပ်မှတ်တမ်း | စာရိပ်မြိုင်စာပေ 2022 ဩဂုတ်လ (ပထမအကြိမ်) |
16 in stock
Aeri Myat –
အချစ်ဦးနဲ့ပက်သတ်တဲ့စာအုပ်လေးဆိုတော့နာမည်မြင်တည်းကဖတ်ကြည့်ချင်သွားမိတယ်မေ့နိုင်အောင်မနည်းကြိုးစားထားရတဲ့စိတ်တွေကိုလည်းအတိတ်ကနေပြန်ဆွဲခေါ်နေမိမလားဆိုပြီးတွေးမိနေသေးတာပါဒါပေမဲ့လည်းလွမ်းရတဲ့
ခံစားချက်ကိုတော့သတိတရဖြစ်မိတာမို့
မိုးလေးကလည်းရွာရွာနဲ့စာအုပ်လေးကို
အစအဆုံးတစိမ့်စိမ့်ဖတ်မိပါတယ်
မင်းဆက်ဆိုတဲ့ကောင်လေး…
သူ့အချစ်ဦးက…ရွှန်း…ငယ်ဘဝတည်းကခင်မင်လာတဲ့ပြောမနာဆိုမနာသူငယ်ချင်းသံယောဇဥ်တွေကနေ
ချစ်ခြင်းမေတ္တာတွေဖြစ်လာကြတဲ့
အချစ်ဦးလေး၂ယောက် ဦးသော်နဲ့တီမေတို့လို ပေါင်းဖက်ခွင့်သာရရင်
သိပ်ကောင်းမှာပါပဲ
မင်းဆက် ရွှန်း ငကျော် အာလူး သူတို့ရဲ့ငယ်ဘဝလေးတွေနောက်လိုက်ရင်း ကိုယ့်ရဲ့ငယ်ငယ်က ပျော်စရာကောင်းခဲ့တဲ့နေ့ရက်တွေဆီလည်း ပြန်တွေးမိပါတယ် နောက်ပြီး အချစ်ဦးအကြောင်း
ဆိုလို့အဖွဲ့အနွဲ့တွေများမယ် ထင်ခဲ့ပေမဲ့
အစပိုင်းမှာ မင်းဆက်ငယ်ဘဝနဲ့အတူ
စဥ့်အိုးလုပ်ငန်းအကြောင်း နှစ်ကျိပ်ရှစ်ဆူဘုရားပွဲအကြောင်းတွေလည်းဗဟုသုတရဖွယ်ကျယ်ကျယ်ပြန့်ပြန့်နဲ့သေချာလေးရှင်းပြထားတာကို
စိတ်ဝင်တစားဖတ်ရှူမိပါတယ်… ဇာတ်လမ်း တခန်း တခန်း အသိမ်းလေးတွေမှာ သိချင်စရာလေးတွေနဲ့ အဆုံးသတ်ထားတာလေးတွေက အစအဆုံးလက်ကမချဘဲဖတ်မိသွားအောင် ဆွဲယူသွားနိုင်တာပါပဲ
အချစ်ဦးကတော့ တကယ်ကို ဘယ်အချိန်ဖြစ်ဖြစ်တွေးမိလိုက်တိုင်း ရင်ထဲမှာလှုပ်ခတ်သွားတာပါပဲ
ဒီစာအုပ်ထဲကHighlight
စာသားလေးလိုပေါ့
“အချစ်ဦးသည်ငယ်ငယ်က စွဲလမ်းမြတ်နိုးခဲ့ရသောအပြာရောင်
ဂျင်းဂျက်ကတ်သေးသေးလေးဖြစ်ပြီး
အတိတ်သည်လှပစွာနွေးထွေးခဲ့ဖူးသော
နယ်မြို့ကလေးဟုသတိထားမိချိန်တွင်
ထိုဂျင်းဂျက်ကတ်ကလေးအား
မူလသေတ္တာထဲ
ပြန်လည်ခေါက်သိမ်းထားလိုက်ရုံပင်”
Ps:အပြာရောင်ဂျင်းဂျက်ကတ်လေးမရှိပေမဲ့ပိုင်ဆိုင်ခွင့်မရလိုက်တဲ့အချစ်ဦး
တယောက်တော့ရှိခဲ့ဖူးပါတယ်💙
#reviewby하은